كل اللي يعرف برنامج حلو في الاندرويد ماركت يقولنا عليه

**mOuStaFa_ERTU** · 23-04-2013 03:47 PM

المشاركة الأصلية كتبت بواسطة ahmad--ezzat

ياراااااااااااجل
طالاما بعته كنت تستنى شويه وتجيب نوت 2 بقى...مش نوت 1...انا لسا جايبه جديد والصراحه تحـــــــــفـــــــــة....ا لجيلى بين زى ماقلتلك عايز معالج قوى

هو تحفه فعلا مقولناش حاجه بس عربيتى اتسرقت بعد ما جبت الموبايل بيوم (( العين بقه )) ورجعت متدمره وعايزيه بالميت 4 الاف جنيه عشان ترجع عربية والمدام هتولد الشهر اللى جاى والولاده بتسحب حوالى 3 الاف جنيه فمكنش هاينفع اشترى النوت 2 خالص للاسف
وصدق او لا تصدق الجيلى بين شغال على الجهاز اسرع من ال ايس كريم ساندوتش ومتسألنيش ازاى ده اللى انا لامسه

على حد علمى الاودين بينزل سوفتوير من الاول خالص يعنى مهما حصل للجهاز الاودين بيظبطه الا لو حصل حاجه فى الهارد وير بقى

طيب طمنطنى الله يطمنك
انا نزلت ال Odin تمام ونزلت السوفت 3 مرات على الكومبيوتر وكل مره يقف عند 93 الى 95 % خلاص هتشل منه اول ما انزله على الكومبيوتر هنزله على الموبايل انا الحمد لله عرفت الطريقه بس ينزل الاول

**Bonanza** · 23-04-2013 03:51 PM

ده رابط فيه معلومات و شرح طريقة التحديث باستخدام Odin

برنامج الاودين “Odin” ماهو و كيف تقوم بأستخدامه ؟ : شبكة هيمن

**د.محمود صلاح** · 23-04-2013 05:52 PM

المشاركة الأصلية كتبت بواسطة D . a .\ AYMAN

هل في برنامج يخليني أقدر أطبع من على الموبايل لأي برنتر وبالذات الـ إتش بي .. من على الشبكة المحلية

لأني دورت كتير مش لاقي غير نسخة يعني تعتبر كويسة اسمها برنتر شير ... بس مش راضية تشتغل من على الشبكة ... مش لاقي النسخة البريميوم بتاعتها شغالة خالص

ولو حد يعرف برنامج غيره أحسن يبقى زي الفل

وكمان برنامج سكان

برنامج سكاننر حلو اسمه camera scanner انما بتاع الطابعة اعتقد ده خاصية في الطابعة نفسها

**د.محمود صلاح** · 23-04-2013 05:59 PM

mOuStaFa_ERTU

افضل حل لتحويل النت من كمبيوترك العادي للموبايل هو انك تشتري قطعة وايرلس للكمبيوتر وثمنها بتاع 100 جنيه .. كده كمبيوترك يبقى فيه وايرلس

وبعدين تشغل برنامج connectify lite اللي الرابط بتاعه فوق وهو هيوزع النت من الكمبيوتر عبر الوايرلس بعد ما تتبع خطوات التشغيل المعروضة في موقع البرنامج ... بس اللي اعرفه ان البرنامج ده شغال على الوندوز 7 الحزمة الخدمية 1 SP ومش عارف هل شغال على الاكس بي ولا لأ .. بيس من رأيي باقات الموبايل انترنت بقيت رخيصة ممكن ب 25 جنيه في الشهر يكون عندك بتاع 1 جيجا نت للموبايل وييكون معاك في كل حتة

**د.محمود صلاح** · 23-04-2013 06:06 PM

انما لو عايز تحول النت لموبايلك بالسلك فده ببرنامج اسمه reverse tethering pro ولازم يكون في روت لجهازك يعني فتح صلاحية المستخدم السوبر والروت بيطلع الجهاز من الضمان

**Elawany13** · 24-04-2013 02:54 PM

المشاركة الأصلية كتبت بواسطة mazagangee

التلفون قطع مرة واحدة و مش عايز يشتغل
البطارية مشحونة و لما اجي اشغله يفتح اول شاشة و يقفل

lg l5 e615

حد يعرف المصيبة دي تتحل ازاي ؟

لا عملت رووت و لا حاجة

مصيبة ليه مش جهازك لسه جديد
وعليه ضمان ؟