الموضوع: كل اللي يعرف برنامج حلو في الاندرويد ماركت يقولنا عليه

طب سؤال قبل ما اروح هناك لو عملت كده بامسح اى حاجة انا نزلتها؟؟

المشاركة الأصلية كتبت بواسطة abou_ruqi

اول حاجة تنقل الفون بوك للاوت لوك اللي على الكمبيوتر بتاعك وده بواسطة برنامج kies اللي بيجي مع الجهاز
وبعدين تنزل برنامج backup من النت يعني ملف apk وتحط كل حاجاتك على الكارت الميموري كنسخة احتياطية ترجعها تاني بواسطة نفس البرنامج بعد ما تنزل الروم الجديدة
طبعا حتقولي ما هو برنامج ال backup حيتمسح هو كمان ، مانت حتستبه تاني ما ال apk موجود على كارت الميموري انت نسيت والا ايه ؟

شكرا جزيلا

طيب بما اننا في منتدى سيارات
برنامج Fuel log
و ده وظيفته انك تقدر تسجل بيه استهلاك بنزين العربية و وبيديك متوسط الاستهلاك مع كل تفويله وتكلفة البنزين اللي انت حطيته

عندي بقى سؤال مختلف بطبيعة شغلي
ايه البرنامج اللي كان نفسكو فيه و مش موجود في اندرويد

فعلا الماركت بيختلف من بلد لبلد ... مش عارف إيه الحكمة من كدة

أما البرامج اللى عندي بصورة دائمة


1- ASTRO & ASTRO BLUETOOTH طبعا كان في النسخة القديمة بالذات -الدونتس- لأن مكانش فيها فايل ماناجر اساسا وما بتبعتش ملفات بالبلوتوث فكان مهم فيها حاليا مش بستعمله

2- BATTERY NOTIFIER بيكتب حجم الشحن المتبقى في البطارية في الـ STATUS PAR وبيعمل تنبيه صوتي لما تقرب تفضى كل مدة زمنية إنت بتحددها وبالرنة اللى تعجبك

3- GO WEATHER برنامج طقس وساعة وليه ويدجيت شكله جميل جدا بيعرض فيه ظروف الجو مع الساعة والتاريخ

4- GROUPY FREE بيتعامل مع الجروبس اللى في الكونتاكتس بصورة مستقلة يعني مثلا كل جروب تعمله رنة معينة

5- YAHOO MAIL AND MESSENGER طبعا غني عن التعريف

6- MY PHONE EXPLORER خاص ببرنامج PHONE EXPLORER بتاع سوني إريكسون لتصفح الموبايل على الكمبيوتر عن طريق الواي فاي أو البلوتوث أو الكابل وهو عبارة عن جزئين جزء يتم تنصيبه على الكمبيوتر وجزء على الموبايل نفسه والأثنين بيتعرفوا على بعض وبيعمل باك أب لأي حاجة على الجهاز

7- NORTON UTILITIES فيه شوية خصائص أهمها الـ INSTALLER

8- OFFICE SUITE PRO لتصفح ملفات الأوفيس بس ده مش مجاني ... النسخة المجانية تعرض الملفات فقط ولكنها لا تقوم بالتعديل فيها

9- TORCH لإستخدام الفلاش ككشاف

10- FLASH PLAYER بعد ما يتم تنصيبه برضه مابيشتغلش .. بس كل مرة برضه بعمله سيت أب مش عارف ليه

11- IQURAN أروع برنامج للمصحف .. للقراءة والإستماع ولأكثر من مقرئ بينزل ملفات الصوت ويحفظها على الميموري كارد وفي نفس الوقت بيعرض الأيات اللى بيتم تشغيلها ولو عايزه قراءة فقط يبقى مش محتاج تنزل أي ملفات صوت .. والكتابة بالرسم العثماني ... أنا نزلت الملفات الخاصة بعبد الباسط عبد الصمد المصحف بالكامل وواخدة مساحة واحد جيجا تقريبا

12- ADHAN برنامج للاذان ولكن مش عاجبني قوي ووقته مش مضبوظ في كل الأحوال ولكن مالاقيتش أحسن منه ... وحاليا هاجرب MY PRAYER اللى شيري قالت عليه

13- SMART KEYBOARED لذيذة ولكنها مش خطيرة قوي .. ومش مجانية

14- RINGS EXTENDED بيسيطر على ملفات الموسيقى بالكامل لإستخدام أي منها كرنة للموبايل من مكان واحد كأنك جوة السيستم نفسه

15- WINAMP لتشغيل ملفات الموسيقى

16- QUICK SITTINGS بيحط تولز كتيرة في مكان واحد تعلية الصوت وتشغيل الشبكة والبلوتوث وإضائة الشاشة والكشاف وكام حاجة كمان وممكن تحطله شورت كت في الـ STATUS PAR