الموضوع: تقرير متواضع بعد ال 1000 و شوية اسألة

المشاركة الأصلية كتبت بواسطة dr_mohamed16

السلام عليكم و كل سنه و انتم طيبين

من يومين كده عملت الاف كيلو و ديه ملاحظاتى خلال الفترة ديه
ملحوظة: انا اصلا سواقتى هاديه مش بتاع حرق و كلام من ده كمان انا كان بقالى 12 سنه سايق 127 فا هتكون معظم ملاحظاتى اكيد فيها مقارنه مع ال 127 فى عقلى الباطن من غير ما اخد بالى

الاول عايز اسال سؤال مهم .. هو فيه صيانه للالف كيلو ولا لا ؟؟؟؟؟؟؟؟

• العربية ناعمه جدا و العافشه ممتازه
• الصالون ماشاء الله واسه و بيخلي كلى اللى جوده العربية مستريحين
• صوت الموتور: فعلا عالى شوية مقارنة بعربيات صحابى الحديثة
• التجميع : حاسس ان تجميعها بطىء ,, لما بكون واقف فى اشارة العربيات اللى جانبى بتطلع اسرع منى بكتير ,, مش عارف ايه الموضوع ده .. هل لازم احرق جامد ولا ايه ؟؟؟ بس الموضوع ملفت بصراحة
• السنتر مش بيشتغل غير بالرموت او الزرار اللى جوه جنب زراير الشباك .. لكن لما بفتح من بره بالمفتاح مش بيفتح غير باب واحد بس و الباقى مقفولين زى ما هم .. مش عارف ده عادى ولا فيه مشكله كده ؟
• الحمد لله مافيش اى سخونيه عند الدواسات
• المارشيدير مش بيعلق و شغال كويس الحمد لله بس الاول هو اللى فيه تعليقه بسيطة :h_angry[1]:
• التكييف بليل بيكون كويس لكن الظهر وقت الشمس بيكون سيء جدا حتى على اعلى درجة تبريد .. اصلا بصراحة انا مش حاسس بأى فرق بين درجات التبريد .. العالى زى الواطى .. سرعة المروحة بس هى الل بتفرق
• الباور معقول جدا جدا جدا و عاطى ثبات للعربية
• مكان الكلاكس ممتاااااز مش هيحس بيه غير اللى جربه
• لاحظت انى فى ال127 التالت ممكن يجيب 60 على 2500 rpm لكن فى اللوجان على 3000 rpm !!!!
• مره مونت نصف التانك 90 على نصف 80 و الحمد لله محصلش تصفيق او اى حاجة
• موضوع الكرسي اللى بيترفع ده شيىء رائع بالاضافه اللى علو العربية
• ارتفاع العربية رائع فى المطبات
• لمبة الحزام مبتنورش حتى لو مش حاطط الحزام هل ده عادى ؟؟؟؟!!!!!
• فيه لمبة مرسوم عليها دركسيون عمرها ما نورت ديه لمبه ايه ؟؟؟
• فيه فلى د رج التابلوه مخرج زى ما يكون مخرج سريال زى بتاع الكمبيوتر .. ده بتاع ايه ؟؟
• هل بعد الالف كيلو برضه لازم يكون الغيار ما بين 2500 و 3000 ؟؟ ولا ممكن ازود ؟ و ده بيأثر على الموتور ولا عادى ؟
• سؤال عبيط : هى كشافات الشابورة لزمتها ايه !!!!!!!!!!!!!!!!!

نسيت اقولكم الاسبوع اللى فات حرامى ابن حلال كسر ازاز الباب الخلفى عشان يسرق مروحة بيت بايظه ماتجبش 20 جنيه كنت حاطتها فى الكنبه الخلفية .. كان يوم نكد و كان وقت الفطار ,, المهم ركبته عند واحد فى سموحة ... الازاز بالتركيب 180 جنيه مستورد

و شكرا على حسن استماعكم:oc_sun1[1]:

ايه يا جماعة مشكلة التكييف دي ؟؟؟؟!!!!!

يعني ايه اكون ماشي بالنهار في عز الحر والتكيف ضعيف ومش شغال

هي دي مشكلة فعلية و ملهاش حل ؟؟ ولا ايه !!!!!!!!!!!!!

افديونا افادكم الله عشان ناوي على العربية دي وربنا يستر