ملف من تصميمي لتسجيل مصاريف العربية بمنتهي السهولة
اولا السلام عليكم ورحمة الله وبركاته
انا صممت ملف اكسيل Excel Sheet تقدر تجمع فيه كل مصاريف عربيتك بمنتهي السهولة
استخدمت فيه اكتر من Feature من بتوع اكسيل لتسهيل عملية جمع البيانات من اكتر من مكان في الملف
وتقدر بنفسك تعدله بمنتهي السهولة ليتلائم مع استخداماتك
انا عملته دلوقتي في شكل بيتا Beta Version وارجو من الأعضاء الكرام المساهمة بأفكارهم لتحسين هذا الملف وانا الي هقوم بردو بالتعديل
كل ما عليك هو انك تنزله عندك (علي فكرة بيشتغل مع اوفيس 2003 لحد 2010) وتشوفه وتجربه وتقولي رأيك وتعديلاتك
وانا جاهز بالدعم Support والرد علي أي استفسارات بخصوص الملف
هذا العمل خالص لوجه الله تعالي
وتقديرا مني للمنتدي التحفة الي اعتبرته بيتي التاني وبقعد فيه اكتر من بيتي تقريبا (ما عدا الأجازات والأعياد)
لما تفتح الملف هتلاقي عندك ورقة عمل WorkSheet اسمها Specifications دي الي فيها الشغل كله وتقدر تعمل فيها كل تعديلاتك وهي بدورها هتعدل في كل الملف
وهتلاقي عندك ورق عمل WorkSheets بأسماء الشهور، علي اساس اني صممته بميزانية شهرية لمصاريف عربيتك وفي نهاية كل شهر تقدر تعرف العربية صرفت قد ايه
وان شاء الله مع التطوير هعمل موازنة سنوية وهزود شوية حاجات كدة تانية انشاء الله
بس انا عايز ارائكم وتعديلاتكم للوصول بالملف لأحسن Edition
ودة الملف
http://www.4shared.com/......../-e9Ciwpx/___2011.html
والله المستعان
،
،
فكرة جميلة وجهد مشكور بس مش عارف احمل الملف ممكن تبعتهولي علي الخاص او الايميل لو سمح
ممكن تبعتلي الملف نفسه علي الايميل او الخاص من غير اللينك
شكرا جزيلا وفي انتظار ارسال الملف
اقتباس:
المشاركة الأصلية كتبت بواسطة SYD
من العين دى قبل العين دى
ولو ليك اي استفسارات او اقتراحات انا تحت امر حضرتك بس ابعتهالي هنا علي الموضوع دة
وانا تحت امرك
والله المستعان
،
،