الموضوع: الي الking :) و محترفين الصوت ! ايه رايكم في النظام ده وازاي احسنه !! لسة جديد !!

السلام عليكم

بقالي فترة عايز اظبط الصوت شوية ...

النظام الحالي :

ال Headunit :




Pioneer DEH-2850
50x4

- انا عارف انه علي قده شوية بس معنديش امكانيات اغيره حاليا . ان شاء الله كمان كام شهر كدة .

- و هو مأدي الغرض حاليا ومش محتاج حاجة معقدة اكتر .

السماعات :

خلفية :


TS-A6971E Pioneer
بيضاوي 6X9

• * 3-Way Configuration
• * 350 Watts Max. Power Handling
• * 80 Watts Nominal Rating
• 4 Ω
• * Dark Blue Interlaced Aramid Fibre Reinforced IMPP Cone Woofer

ماليزي

- و كل الناس اجمعوا انها سماعات كويسة جدا - و هي فعلا كدة .
-
امامي :

سماعات PIONEER صيني 160 وات ( مش فاكر الموديل حاليا ) - 16 بوصة مدور .


-----

طبعا استاذ احمد عطية رشحلي اجيب جي ام و ده الي حصل حالا ( مفيش 15 دقيقة بالظبط )
ركبت الاخ ده :

KENWOOD KAC-5203
250 وات
2 Channels



الجزء الي انا مش فاهمه بقى :

ٍSpeaker Setup :

55RMS x 2 - 2 Ω
75RMS x 2 - 4 Ω


الجهاز فيه مكان كدة بيتعلب فيه علشان اغير ال RMS - بس انا مش فاهمه !

و فيه فلتر LFP بس اعقتد ده للصب مش ليا .


اولا ايه اريك في الجهاز ؟

انا حسيت بفرق فعلا !! فرق جامد جدا في تفريق الاصوات .. و الصوت بقى اعلي و اوضح

بس حاسس ان الراجل مش ... مظبطه مظبوط او ان في حاجة تخليه احسن !

انا حبقى اصورلك هو متركب ازاي و فين لما انزل تاني انهاردة بس لحد دلوقتي ايه النظام ؟

و شكرا مقدما !!!!!!!!!

تصحيح بسط :
ال GM
350 وات مش 250 .

و لقيت Symphony ده كان ارخص بس ببتاع 40 جنيه .. و صناعة مصرية .. فخلعت XD

_________
تم دمج المشاركتين.
مشرف القسم.

quote=HNaga;259471]مبروك يا CryptonX
أحب السيستم اللى متصمم عشان صوت نقى

هو ال GM كام RMS?وكام تشانيل و موصولهم إزاى؟[/quote]

فعلا هو ده كان هدفي يا Hnaga

شكرا

هو 2 شانيل
المفروض انه لي اتنين RMS علي حسب ال اوم الي انت عايزه

لو عايز 2Ω اوم :

75ْ RMS للسماعة الواحدة .

لو عايز 4Ω اوم :

55 RMS للسماعة الواحدة .

السماعات المفروض 80 RMS و مكتوب عليها 4 اوم

انا مش عارف الراجل وصلهم ال 4اوم 55 و لا 2 اوم 75 .

بس حاسس انه عامل حاجة غلط .. علشان لما سالته انت عامله 2 ولا 4 ... قالي "يا باشا انا عامل احسن حاجا و احسن شغل ! " قنقضت
XD

موقع الجي ام الاصلي :
http://www.kenwood-electronics.co.uk...-5203/details/

المشاركة الأصلية كتبت بواسطة farahat

يا صديقي العزيز ، 4 أوم أو ٢ أوم دي بتكون مقاومة السماعة إلي إنت مركبها ، يعني لو موصل سماعات 4 أوم هيكون أقصى خرج ممكن 55W ، و لو موصل 2 أوم هيكون أقصى خرج 75W ، و لو متوصل bridge (يعني واخد خرج القناتين على سماعة واحدة subwoofer مثلاً ) هيكون الخرج 150W و في الحالة دي ماينفعش غير تحط سماعة واحدة 4 أوم .

موضوع الفلتر د مظبوط هو موجود عشان لو عايز تطلع bass فقط ، يعني على subwoofer .

في حاجة واحدة بس إلي بتتزبط في الجهاز دة و هي حساسية الدخل (و دي كأنها مفتاح volume كدة) بتزبطه مرة واحدة في الاول حسب إرتفاع الصوت إلي إنت عايزه

وأي إستفسار تحت أمرك :)

كلك زوق و انا اشكرك علي معلوماتك و شرحك
السماعات 4 اوم فعلا !

المشاركة الأصلية كتبت بواسطة ahmedateya

الف مليون مبروك يا جميل...
ارجو اكون ساعدتك في اختيار العدة
و موضوع الinput sestivety ده بيكون على حسب قوة الخرج الحقيقية من جهازك
و في حالة جهازك ده يفضل انك تجيبه على الmax الأول و لو فيه صوت وش او "هوا" طالع من السماعات يبقى تنزله على الدرجة اللي بعديهاو هكذا...لغاية ما صوت الهوا يروح تماما (ده اذا كان فيه صوت هوا اساسا عند الmax)
و متعديش رقم الواحد الصحيح مهما حصل و لو مفيش وش على الماكس يبقى سيبه

او

انك تحطه على الوضع "واحد صحيح" بس مشوار علو الصوت هيكون طويل حبتين

و عيد تظبيط الاوكلايزر من الاول علشان كل حساباتك هتتغير مع الحتة الجديدة دي و الف الف مبروك يا باشا و اي حاجة برضه انا تحت امرك

طبعا يا KING امال انا عرفته اصلا منين :)
بس هو ده الي انت قلتلي عليه ؟

بص انا لعبت في البتاع ال Input ده
هو الراجل كان عملهولي في النصف ( هو من0.2 الى 5 زي الصورة )
كان وافق علي 0.5 تقريبا ..

انت بتقولي معملوش فوق الواحد ؟ دنا قبل مطلع دلوقتي عملته علي 5 !!!!

الصوت فعلا احسن و اقوى و انقى .. بس ال BASS بيتفضح بدري بدري !! يعني الاول كان البيس طالع كويس بس مفيش Distortion فيه .. دلوقتي بقى واضح اكتر .

شكلي كدة حعدي عليك !! و تظبطني بنفسك بقى ( بعد اذنك طبعا ) :)

والف شكر مرة تانية ..

اخر سؤالين !

كان الراجل بيقلي متعليش اوي لو سمعت Distortion علشان الجي ام ميحرقش السماعات ؟ الكلام ده مظبوط ؟


انت قلت مرة في موضوع اخر انك مبتفتحش الكبوت الا علشان توصل الجي ام ( بالبطارية اعتقد )

طيب انا الراجل مفتحش الكبوت اصلا ! ( اعقتد وصله بحاجة في علبة الفيوزات الي تحت الدركسيون )
هل كدة صح ولا في حاجة غلط ؟


صورة سريعة كدة بس مش واضحة اوي ( واخدها 12 بليل .. حبقى احط صور تانية بكرة الصبح )

المشاركة الأصلية كتبت بواسطة ahmedateya

لو الراجل موصله بحاجة غبر البطارية يبقى عايز ضرب الجزم القديمة و بيستهبل
لأنه كده هيدمر ضفيرة الكهربا و الصوت اللي واصلك ده نص الصوت اللي المفروض يطللعه
لااااااااااااااازم على البطارية من الموجب و يديله ارضي محترم في حزام الكنبة
و انا تحت امرك لو عايز بجد أظبتلك حاجة بس بعد ما يوصله صح

و فعلا ده اللي انا قلتلك عليه و مبروك تاني

انا بكره حتأكد بس .. انا اصلي متأكد انه مفتحش الكبوت خالص .. يا اما انا مخدتش بالي
هو وصل الارضي فعلا بالمسمار بتاع حزام الكنبة الي وراء .

بكرة الصبح حبص عليه واقولك - شكرا يا كينج
------------------------



الله يبارك فيك يا عمر

مفيش 250 دلوقتي خالص .. ال 350 ده سعره 400 برة .. انا جايبه ب 370
الصناعة مش متاكد منها والله بس اعقتد انه كله صيني .

في 250 Symphony حيعمله بتاع 290 - 300 بس ده صناعة مصري والراجل قالي انه بسخن جدا لدرجة ان في ناس بتشيل الCOVER وتركبله مراوح زيادة زي بتوع الكومبيوتر كدة .