الموضوع: استطلاع: ايهما افضل فى السواقه..(القاهرويه-الاسكندرنيه) واذكر السبب.

المشاركة الأصلية كتبت بواسطة tameraast

باشا عرف اصيع

يعنى مثلا القاهراويه بيمشو على الكورنيش يجو يشدو لازم يرشقو اول مره اشوف ناس بتشد من غير ما يعرف الطريق

يجى من وراك تحرق و تزعلو و تهدى على الملف يقوم معديك و يفكر انو بطل و هوب فى الجزيره عدل

يعنى لو جبنا سواق من اسكندريه وسواق من القاهره ومعنى سواق مش شرط يكون اجرى لا ممكن شاب روش مثلا يكون مهارى شويه .......وبعدين مشينا الاتنين فى طريق براه القاهره والاسكندريه ويكون زحمه مثلا مين يكسب سواقه؟؟؟؟؟؟؟؟؟؟؟

المشاركة الأصلية كتبت بواسطة modo88

اعوذ بالله من السواقه في اليكس بصراحه صعبه جدااا كله بيرمي علي كله وخصوصا في الكورنيش كله بيجري وهايص في وسط الهيصه بدون وعي
في القاهره لازم بالدراع عشان تعرف تمشي
بالنسبه بقا اشمعني الادا مره سالت سواق تاكسي وانا في اليكس قالي بنجيب لادا لان عارفين ان هايجي واحد بملاكي يقف قدامنا مره واحده والعربيه هاتدمر فا الادا ناشفه شوية وبتتلم ب 5 جنيه :d
يعني لا بتوع الملاكي عاجبهم التكسيات ولا التكسيات عاجبهم الملاكي :d
[gdwl]طيب وعايزين نعرف بردو اكتر نمر محافظه ايه بتبعد عنها؟
يعني انا مثلا بخاف وبترعب من الغربيه والشرقيه والمنوفيه لان بيحصل مواقف فتاكه منهم[/gdwl] :d

طب ممكن تقولنا ايه المواقف اللى قابلتك منهم

المشاركة الأصلية كتبت بواسطة icehearted girl

طب هو يعني ايه سواقة بس الأول؟؟؟؟

حضرتك تقصد التحكم فلسيارة؟؟؟

ولا التحكم فلنفس؟؟؟

ولا التحكم ف كل الناس اللي حواليك بالبلطجة؟؟؟

كل اللى انت قولتو دا

المشاركة الأصلية كتبت بواسطة mbhead

السواقة ملهاش كبير ....هيا ولا بالجري و لا بالغرز ..اهم حاجة توصل سليم
السواقة في مصر اي حاجة في اي حاجة .....تلاقي واحد ماشي في الشمال براحة و التاني بيجري في اليمين و واحده محترمة مكلبشه في الطارة خايفها نطير واحده تانية فاتحه الازاز و معليه الكاسيت و بتلعب nfs و شاب ظريف بيشد معاها و يغرزوا بتخلف ولا اكن في عربيات في الطريق و سواق نقل اول مايشوف يافطة (النقل الثقيل يلزم اليمين ) يروح مغير الحارة و يمشي في الشمال 40 و يقفل السكه علي الناس .....مسرحيه كوميديه
انا سقت في كذا دوله بره مصر ....حاجة تفرح طرق ممتازة ..و قوانين صاااااااارمه
الautobahn الالماني طريق خرافي الاسفلت بيحسب العربية من نضاقته 90% مافيش حد سرعة زي ما العربية بتجيب اجري 200 300 انت و خيالك انا سقت اكتر من 400 كيلو علي ثابت سرعة 190 بس في قوانين بسيطه لازم تتحترم
اجري في الشمال ..واحد قدامي هو يغير الحارة بنقيل يمين مافيش حاجة اسمها غرز لو حعديه من اليمين فرق السرعة بين العربيتين مايزدش عن 20كم/س .... غير كده سجن
مثلا الكاوتش لو كود السرعة الي مكتوب عليه ...اقل من اللي في الامبير ..مخالفة و ممكن اتسجن فيها

حلم حياتى من زمان انى اسوق على الطريق دا .....حضرتك عارف طبعا ان الطريق دا مصدر دخل سياحى لالمنيا لان السياح بيجو من جميع انحاء العالم عشان يسوقو على الطريق دا ومفيش حد بيزور المنيا الا لما بيسوق عليه عشان بصراحه فى تقيمى وتقيم الراءى العالمى افضل طريق واذكى طريق كمان فى العالم ..........يراجل دا الطريق بيعالج نفسه بنفسه سواء فى حالات الازدحام او فى الحوادث............يالا حسن الختام احنا فى بلد ما يعلم بيها الا ربنا