الموضوع: مـــاس فى الشـــنطه ازاى

مش عارف بس مش مقتنع

لا حول ولا قوة إلا بالله

ده الحمد لله ربنا ستر والعربيه إن النار ديه ما وصليتشي للبنزين.. ديه بقه هاتبقى كارثه

الموضوع ده بيبقى نتيجه عن الحالات الأتيه :

1: واحد عامل شغل كهرباء في العربيه والأخ اللي عامله الشغل ده جاهل ومعازلشي سلك ما مما أدى إن السلك ده لمس مع صاج العربيه واللي بيعتبر أرضي.. ساعتها ممكن يحصل ماس

2: فار ولا عرسه لقوا الجو هادي جوه العربيه ولقوا العربيه مافيش حد بيحركها .. قلك نقعد فيها لجاية مايبنلها صاحب .. الفار ولا العرسه دول ممكن يقرقضه سلك وفي القرقضه ديه ممكن يلمسوا فردتين موجب مع سالب.. وهنا ممكن يحصل ماس

3: الكبوت يكون قريب أوي من قواطيش البطاريه .. وواحد إبن حلال راح قاعد على العربيه ناحية البطاريه .. هب تلقيه لمس موجب مع سالب والتلميس ده عمل قفله في سلك ما أدى بعد فتره وجيزه إلى حريق.. ( والحاله ديه نادره شويه )

علشان كده أي شحص هايعمل أي شغل كهرباء لعربيته ... لازم ولا بد وحتما يكون متابع الشخص اللي بيعمله الشغل ده وعينه تبقى على كل حاجه بيعملها.. علشان يتأكد بنفسه إن كل حاجه سليمه..

طبعا لو المنطقه مشهوره بالفيران والعرس فصعب قوي الواحد يعمل كنترول على الموضوع ده والفيران بتحب تقعد في العربيات المركونه أكتر.. ده غير القطط واللي بنشوفه في الشتاء .. بس القطط ما بتقرقضشي الأسلاك

أي ماس حتى ولو صغير جدا جدا لو كان جنب العزل بتاع العربيه أو فرش أو أي حاجه قابله للأشتعال .. النار بتمسك بسرعه قوي فيه .. وهب تلاقي العربيه ولعت في ثواني

علشان كده المرور مابيرخصشي عربيه إلا لو كان معاك طفاية حريق

مش عارف مية إيه ورمل إيه اللي بتطفي الحريق ( أه هي بتطفي وكل حاجه ) بس الواحد بيكون عايز حاجه تخمد الحريق بسرعه في مواقف زي ديه .. الطفايات معموله لييه بقى .. زينه ولا علشان الرخصه بس

على العموم الواحد لازم يتأكد من عربيته كويس ولو العربيه قديمه شويه أو إتعمل فيها شغل كهرباء كتير ممكن الواحد يعمل مفتاح فصل كهرباء علشان يفصل البطاريه قبل ما يركن العربيه لفتره

ربنا يحفظنا جميعا

: فار ولا عرسه لقوا الجو هادي جوه العربيه ولقوا العربيه مافيش حد بيحركها .. قلك نقعد فيها لجاية مايبنلها صاحب .. الفار ولا العرسه دول ممكن يقرقضه سلك وفي القرقضه ديه ممكن يلمسوا فردتين موجب مع سالب.. وهنا ممكن يحصل ماس


طب و العرسة بتتكهرب و للا بتفلت زي كل مرة :)

فعلا تحليل سليم دي اكثر أسباب الماس و العربية مش دايرة

و لو دايرة ساعات بيكون السلك مش محمل و عليه حمل جامد بيسيح العزل بتاعه و يضرب ماس

انا فعلا مرة شفت عربية فيات 126 ماشية و راكباها ست و كنت مع اهلى و لقيت العربية بتولع من ورى و عمالة تطلع نار و الست قامت طبعا وقفت على جمب و اتخضت خضة ملهاش مثيل قمنا وقفنا و جبنا الطفاية ( احنا بس الى وقفنا كل الناس كانت بتعدى عادى :( ) و الست كانت محتاسة جامد جدا ابويا قام فاتح الموتور و قام راشش الطفاية انا و الوالد كان اعتقادنا ان العربية سخنت جامد مثلا و ولعت او حاجة كدة بس كل ما النار تطفى تقوم مولعة تانى ( العربية طبعا كانت مبطلة ) قام الوالد قالها افتحى بسرعة الكابوت الأمامى و قام فاصل البطارية و النار طفت فعلا و الناس بقى بدأت تتلم و فية اية و بتاع بس الست صعبت عليا جدا جدا جدا لأنها شكلها ست طيبة كدة و اتخضت جامد جدا و العربية بقى مش عارف اية الى حصلها بس الحمد لله اننا لحقناها قبل ما تولع كلها

وارد حدوث ماس فى السيارات طبعا اى عربية معرضة

ولاكن فى خطأ عملوه الناس اللى كانت بتطفى الحريق

كانو بيطفو بمياه ورمل طبعا مش مظبوط المفروض فى طفاية حريق جوه العربية لو ماعرفوش

يطلعوها

فى 600 عربية داخل الجراج يعنى لو طفاية واحدة او 2 من اى عربيتين يخلصو الموضوع

فى عشر

دقائق ربع ساعة بالكتير بعدين فى عربيات اتكسر ازازها علشان يبعدوها عن الحريق فكان

ممكن نستعمل

الطفايات اللى فيهم مافيش مشكلة صاحب العربية لما يجي ماعتقدش هيقول حاجة لو طفينا بيها

الحريق

طبعا وقت الحريق بيبقا التفكير مشتت اننا ازاى نطفى الحريق علشان كده اى حاجة قدامنا بنطفى

بيها

ممكن مثلا تكون لمبه الشنطه علقت و دي موش معده للعمل وقت طويل سخنت اتحرقت و الله و اعلم ايه القريب منها راحت مولعه
عموما ربنا يعوض علي صحبها و يعوضه خير ان شاء الله

اشتعال سيلرة متوقفة وارد و حصل لواحد اعرفه فى عربيه لانوس و كان عيب ضفيرة و ربنا ستر
الحاجة المهمة فى اطفاء حرائق السيارات ان لايفتح الكبوت الا مكافحى الحرائق المدربين لان ده خطر جدا جدا
الشخص العادى يحاول يطفى من خلال شبكة السيارة ما دام ان اللهب ظهر
اما لو الحريق فى اوله و مجرد دخان هو اللى ظهر يبقى تففتح الكبوت بسرعة كبيرة و الطفاية فى ايدك وتبدأ الرش فى الحال