السلام عليكم و رحمة الله و بركاته
أنا بسافر القاهرة سبت و اتنين و أربعاء من كل أسبوع و لأنى بسافر بالقطر المكيف درجة تانية و بنزل منه و بركب المترو, فبكون حاسس بالهنا و السعادة :Y_hi_3[1]:, لأنى بأضطر أنى أرجع فى الميكروباص من القاهرة الى المنصورة :_Alshmokh11: و الطريق بيبقى زحمة و راكبه عفريت لحد بنها و بعد كده من بنها الى المنصورة, بيكون مليان مطبات و قرف, الطرق عندنا فى مصر محتاجة الواحد يكون راكب معاه شيخ عشان يرد له دينه و هو مسافر عالطريق ده.
أنا من رأيى أن المهم أنك تجيب السواق الأمين و المحترم فى المعاملة معاك أنت و شوف فعلا, طريق محترم و نظيف زى بتاع القاهرة الاسكندرية الصحراوى و تعمل مشوارين و لا حاجة فى اليوم و خلاص.
لكن المنصورة القاهرة, طريق حقير, ده أنا حالى صداع و أنا بقرأ الموضوع و متخيل الميكروباص و هو ماشى على طريق المنصورة القاهرة.