هل يوجد أخبار عن أسعار لانسر بعد أسعار البنزين و الرسوم الجديدة و هل قلت 3000ج. و ما هي عيوب لانسر 1300 الشكل القديم؟
هل يوجد أخبار عن أسعار لانسر بعد أسعار البنزين و الرسوم الجديدة و هل قلت 3000ج. و ما هي عيوب لانسر 1300 الشكل القديم؟
عيوب اللانسر 1300 المانيوال سحب سىء جدا والكورولا الاوتوماتيك 1300 القديمه اسرع منها وبتسبقها وعن تجربه ما بالك بقا من الاوتوماتيك فى اللانسر هيبقى عامل ايه
وعيوب تانيه ان التكييف بيضعف سحب العربيه جدا ولو فتحت على اعلى اوبشن العربيه هتكون ميته فى سحبها ده غير عفشتها انعم من اللانسر 1600 وثباتها على الملفات بيبقى مش سىء قوى بس مش جيد
انا رايىء جيب 1600 من اللانسر وريح نفسك ويا ريت تكون خليجى
أنا عندى 1300 مانيوال عربية سحبها كويس جدا
المشكلة إن فعلا فى التسارع من 0 إلى 40 ضعيفة لكن بعد كدة ممتازة فى السرعات العالية والثبات العالى مع توفير فى البنزين 20 لتر = 300 كيلو وده معدل كويس جدا
أما بالنسبة للتكييف أكاد لم أحس بأى تأثير يذكر على سحب العربية أثناء عمل التكييف
مشكلة 1600 خليجى هناك نصائح بإستخدام بنزين 95 وهذا مكلف سعر البنزين 95 = 2.25 بالأضافة العربية 1600 يعنى من كل النواحى
شكرا
لانسر 1600 مانيول - تحفة
اول مره اسمع ان حد بيقول على اللانسر 1300 ان تكيفيها لا يوثر على السحب
دا حاجه معروفه جدا ومعروف عن اللانسر ؟؟؟؟؟؟؟؟
هو اللى موتورها قوى 1600 اما 1300 غير مناسب للسياره والسرعه القصوى للانسر المانيوال 170 فى حين اللانسر الاوتوماتيك 1600 200 الفرق كبير اكيد
اشترى 1600 من اللانسر وريح نفسك واشترى دماغك
استاذ احمد انا بردو معايا لانسر 1300 مانيوال خليجي وانا مع الاستاذ صالح انا بردو مبحسش بتاثير التكيف علي السحب بشكل ملحوظ وانا جربت اشغل التكيف والعربيه ثابته وبعدين اتحركت وكمان جربت اشغله اثناء سير العربيه علي كذا سرعه عشان اعرف مدي تاثير التكيف علي السحب وكانت النتجه التاثير غير ملحوظ .وبعدين اي عربيه حتي لو 1600 لازم التكيف ياثر عليها في السحب لان التكيف بياخد من قوه الموتور بس المهم درجه التثير اد ايه؟؟
ثانيا ياخي العزيز انت جبت منين معلومه ان 1300 سرعتها القصوي 170 والمكنه 1600 الاتوماتيك سرعتها القصوي 200 كلام ده مش صح ...........
في كتالوج العربيه مذكور الاتي...
1300 مانيوال ...السرعه القصوي 175 كم في س
1300 اتوماتيك...السرعه القصوي 160 كم في س
1600 مانيوال ...السرعه القصوي 185 كم في س
1600 اتوماتيك...السرعه القصوي 170 كم في س
احنا مش بنتكلم على الكتالوج احنا بنتكلم على الواقع
لان الكتالوج بتاع الماذدا 3 اوتوماتيك بيقول انها 177 وهيا بتجيب 195
والكورولا 180 وبتجيب 205
وبعدين ما تفتيش يا استاذ تيمو وتقول كلام ده غير صحيح الا لو جربت وشفت بنفسك وانا واثق ملييييييييييون فى الميه من كلامى والللانسر الاوتوماتيك 1300 اخرها 165 فى احسن حالتها والمانيوال 170 ولو مش مصدق ان التكييف بياثر على السحب فى 1300 افتح التكييف على اعلى اوبشن وشد من صفر الى 100 وشوف فى كام ثانيه وبعدين اقفله تانى وجرب
وده فيديو للانسر 1300 مانيوال
http://www.youtube.com/watch?v=tzluPlmLY2Y
ده فيديو للانسر 1600 مانيوال جابت 205 ولو كان زود شويه كان هيوصل 210
http://www.youtube.com/watch?v=xDtf-vIW5yA