الموضوع: هيونداي فيلوستر ولا فيات برافو ؟!!

المشاركة الأصلية كتبت بواسطة rs12

يا باشا هو المبلغ كبير فعلا و رأيك صح فى موضوع التست درايف ده بس اعتقد غبور مبيعملش تست درايف مش متأكد بصراحة بس انا عمرى ما شفت اعلان لأى هيونداى تست درايف

انا بحترم جدا اى حد بيفكر فى اساسيات العربية قبل ما يشتريها عشان ده فعلا الصح

بس ده ميمنعش ان الاوبشنز و الشكل يعتبروا من العوامل المهمة فى الاختيار و ان كانوا مش هما الاهم يعنى الاساسيات و الامان اولا كلام حضرتك سليم 100%

انا مشككتش فى الجولف كعربية كويسة بس فعلا سعر مبالغ جدا 175 الف على عربية اساسياتها كويسة بس لا الموتور كويس على عربية هاتشباك بالسعر ده متوقع منها اداء معين و لا الاوبشنز متوفرة انا مش بتكلم عامة انا بتكلم على انك تشترى عربية هاتشباك فى الفئة السعرية ديه يعنى العربية فى الاغلب مش هتبقى اسرية هتبقى اسرة صغيرة او شاب لوحده فمطلوب درجة اوبشنز و اداء معين و حضرتك قلت جزء من المشكلة فى كلامك انا لما بشترى ماليش علاقة ليه هو نزلها فاضية او كده المهم انها فى الاخر فاضية و موتورها غير مرضى على سعرها و شكل الجولف 6 فعلا من رأيى شكل مش مميز خالص يعنى الجولف 5 اجمل كثير من الـ 6 , و حضرتك قولت اهو يعنى اشترى عربية هاتشباك بـ 175 الف و ملاقيش ابسط الاوبشنز اللى تريحنى , اكيد وقتها مش هفكر ان العربية فولكس و اساسياتها تمام و الكلام ده .. المهم انى مش لاقى فى ايدى و لا اداء و لا اوبشنز

الجولف سعرها مبالغ فيه جدا يعنى الجولف البيزلاين بتمن البرافو 150 اللى مبتنزلش خلاص بس كانت بتنزل بنفس السعر ده تقريبا , لو حضرتك قارنت بين الاثنين كموتور او اوبشنز او شكل او او هتلاقى فرق كبير جدا , و احنا بنتكلم فى فيات برضه يعنى عربية ليها اسمها مش عربية اى كلام

عموما يا باشا انا شايف فعلا ان الكورى مكتسح السوق للاسباب اللى ذكرتها بس ده لأن معظم الناس دلوقتى بتغير العربيات كل سنة او سنتين فأساس العربية مش مهم اوى فى الحالة ديه قصاد الاوبشنز و الشكل الجميل .. مش فارقة مع الناس ان العربية معمرة قد ما فارقة معاه انه يستمتع اكثر بالعربية اللى فى اول سنة او سنتين مش هتبان عيوبها فى اغلب الاوقات

اعتقد حضرتك بتقصد الاكسنت ار بى او السيراتو مثلا و العربية اللى فيها عوامل امان هى الصنى
عشان مفيش عربيات اوروبى فى الفئة ديه خالص الا الايفو و عربية متنفعش اسرية خالص متهيألى , الصنى عربية جميلة و اصيلة بس فعلا انا شايف انها متصلحش لشاب خالص ..

فى الاخر اتمنى ان حضرتك متضايقش من كلامى , و انا بتعلم من خبراتكوا هنا فى نايل موتورز

ياباشا مافيش اى مشاكل انا سعدت بالنقاش معاك

انت فعلا فهمتنى انا عايز اقول اية بخصوص الامثلة ودة دليل على ان كلامى صح

يعنى انا صاحبى من شهر بالظبط جاب اكسنت rb ب103 الف طيب تمام الف مبروك فيها اية بقى ولا اقولك تعالى وريهالى اشوف العربية مافيهاش ولا abs ولا ايرباج حتى بالذمة هل دة يعقل وخامات كلها بلاستيك واوبشن عبيط ممكن تركبة فى اى عربية من التوفيقة او م ش دمشق , يعنى بس انا نفسى افهم ال100 الف دول فى اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

حد يقولى يخليها تنشتر الانتشار الرهيب دة والعربية حسب ماركبتها ودة انطباعى ( ضيقة خصوصا الكنبة الخلفية - محركها قوى ودة طبعا عشان وزنها - تصميم الكرسى غير مريح - الباور خفيف اوى - العربية وانت قاعد جواها مش هتشوف حاجة من حتة الشراعة اللى بيقولوا عليها زجاج خلفى بجد ضيق جدا وكمان معليين ظهر الكنبة كمان- الشكل كويس وبحسها اظرف من الالنترا ومقبولة عنها فى الشكل التقفيل حتى الان جيد - العزل كويس مش وحش )

فيها اية بقى يخليها ب103 الف ياريت ملاك ال rb يقولوا عشان لو احنا مش شايفين حاجة هما يوضحوها