بسيطة خالص ان شاء الله .... حساس الكرنك Crank shaft position sensor عاوز يتنظف وهو عبارة عن جزء بيتثبت بمسمارين 10 على الحدافة بين الفتيس و الموتور ..........ومكانه اعلى الحدافة يعنى لو حضرتك بصيت عليه بعينك هتشوفه وبيكون متوصل بسلكين كده ...........اولاً هتفصل كابل البطارية قبل اى شغل .........هتفك المسمارين عشرة بتوعه وتفصل الكابل بتاعه او لا تفصله وبماادة منظفة دبلو -دى 40 مثلاً او حتة صنفرة هتنضف السن بتاعه - بيكون شكله قريب من البوجيه بتاع العربية - لان بيبقى عليه كربون او بخر زيت فبيقلل كفائته ...كده انت خلصت ركب الحساس بمسمارين 10 وثبته جيداً وهو لا يحتاج ضبط عند التركيب فله وضع واحد فقط ........ ثم وصل الكابل بتاعه ثم وصل البطارية ...........ادر السيارة ولا تحركها لمدة 5 دقائق على السلانسيه لاعادة ظبط الكمبيوتر الخاص بالمحرك واعادة تناغم مكوناته.
ولو رحت علشان تحط العربية على الكمبيوتر مش هيدى خطأ لانه شغال بس محتاج تنظيف ولو استمر العطل بعد تنظيفه يبقى غيره وانت مطمن لان كده كفائته يتبقى قلت ولا يقوم بعمله على الوجه الامثل....واعراض المشكلة دى ان العربية فى الصباح تدور زى الفل ولو نزلت تشترى حاجة ورجعت ممكن العربية متدورش الا بعد فترة مع العلم ان المارش شغال وكله تمام
ارجو انى اكون قدرت افيد حضرتك .... ويا ريت حضرتك تطمنا عملت ايه لان الموضوع من شهر فبراير والمشاركة فى شهر نوفمبر