ربنا يعافيك ويرفع عنك الابتلاء واعمل العمليه تانى وياريت لو تجمع مبلغ وتعملها خارج مصر فى دول مشهورة بالعمليات دى منها المانيا مثلا
عرض للطباعة
ربنا يعافيك ويرفع عنك الابتلاء واعمل العمليه تانى وياريت لو تجمع مبلغ وتعملها خارج مصر فى دول مشهورة بالعمليات دى منها المانيا مثلا
ربنا يعينك يارب انا شايف انك تتمسك بالامل ولا تقنط من رحمة الله يعنى حتى لو الامل 10% واظن ان ان شاء الله اكثر من كده بكتير اتمسك بيه واطلب من ربنا الشفاء عسى ان يتقبل فى هذه الايام المباركة كما ادعوا جميع الاخوان بالمنتدى بالدعاء لك تمسك يا اخى بالامل وتوكل الله
أولا.... لا تيأس من رحمة ربنا.... ثانيا.... كل شيء في الدنيا بقا ليه علاج.... و حالات أصعب كتير من المرض اللي بتتكلم عنه...
أنا مش دكتور.... لكني قريت كتير عن مرض بيروني.... او peyronie's disease و عارف كتير عنه...
و هو له علاج دوائي عن طريق جرعات معينة من فيتامين E لبعض الحالات اللي مش Severe أما الحالات الSevere فبتتطلب التدخل الجراحي.... و بينصح بعمل العملية ديه خارج مصر....
من رأيي.... أنك تراسل مستشفى في انجلترا أو ألمانيا و تحاول تجمع النفقات.... و بإذن الله خير... و تأكد أن الآلام اللي اتعرضتلها من 10 -11 سنة... أكيد مع تقدم الطب و الأجهزة و طرق العلاج.... اتحسنت كتير.... فمتقلقش.... و تذكر دايما.... أن 80% من علاجك.... انك تتفائل خير و تؤمن بالشفاء.....
و ربنا يشفيك و يعافيك.......
أنا رأيي زي الأخواة ما قالوا إنك تعمل عملية وقبل ما تعملها ياريت ياريت تروح تعمل عمرة في بيت الله الحرام وادعيه هناك كتير إن العملية تنجح. منك هاتغير حالتك النفسية(أكيد هاتكون مبسوط بالأماكن المقدسة) ومنك هاتبقى عملت عمرة ومنك هاتدعي ربنا والدعاء إن شاء الله مستجاب، واشرب كتير من مية زمزم لأنها تساعد على الشفاء. ربنا ييسر لك كل عسير.
في النهاية يا ريس احنا كلنا اخواتك ولو شايف أي وسيلة ممكن نساعدك بيها ما عنديش أي مانع.
يعنى ولا واحد قال له دور على عروسة .. !!!
ياما ناس كتير بعد الزواج اكتشفوا ان بهم عيوب وكملوا حياتهم مع شركاء حياتهم من الطرف الآخر سواء رجل أو امرأة
عيش حياتك عادى واختلط بالناس وابحث عن زوجة بمواصفات معينة تناسب وضعك
وهو مش عيب ... ده أمر الله
يمكن ربنا يبعث لك واحدة تسير معك فى طريق العلاج
وأكيد هاتلاقى واحدة بالمواصفات دى بإذن الله
لى جار لديه حال مشابه لحالك ولكن نتيجة حادث تعرض له
وليس لحالته علاج ... وبعد كثير من المعاناه النفسية
تعرف على سيدة شابة مطلقة نتيجة انها عقيمة ورضيت
بظروفه الصحية وتزوجوا والحمد لله عايشين فى سعادة من سنوات طويلة
سعادة يحسدهم عليها كثير من الاصحاء
المشكلة الاساسية هى احتياجك لرفيق ولابد ان تخرج نفسك من سجنك الانفرادى اولا
انت عندك فرصة افضل لان الامل فى شفائك موجود ان شاء الله مع تقدم الطب
الطب خلال العشر سنوات الماضيةحدث له تقدم مزهل ...
الاهم فى ده كله ان تتجه الى الله وتدعوه ان يوفقك فى البحث عن
رفيقة للحياة لتسكن اليها وتقدر ظروفك
لان كل واحد له ما يناسبه - تمنياتى بالشفاء والتوفيق ان شاء الله
انت اللى بتعذب نفسك بايدك , بتوجهك تفكيرك كله نحو نتيجة ( و هى الجواز ) و انت عارف ان مكونات الطبخة مش هتطلع النتيجة دى , ده بره بيسموه قانون الجنون عاوز نتيجة و بدون فعل او عاوز نتيجة و بتكرر نفس المكونات اللى مش هطلع النتيجة دى متزعلش منى و من كلامى لكن نلمس جوانب المشكلة و ناقشها بصراحة
ليه زانقك حياتك كلها فى فكرة واحدة و بدل ما تحاول تحلها حل جذرى بتحلها بوسائل ترفيهية , و قافل الدنيا عليك , نوع حياتك علشان قواك الذهنية متصبش فى هدف واحد
نظام حياتك لازم يتغيير لازم ياخد اكتر من محور و لازم تخرج نفسك من اللى انت فيه , الوسائل كنتيير زى :
1- حاول تتقرب الى الله لان اتزانك الدينى و ثقتك فى ربك هتخرجك من اى محنة باذن الله , احنا فى ايام مفترجة ايام توبة و مغفرة و تقبل دعاء انزل صلى التراويح او التهجد احرص على الصلاة اقراءة فى المصحف و اتدبر معنى الايات طالما انت مصمم مواقع اعمل موقع عليها القراءن بقراءات مختلفة و اجعله وقفا لله , ذكى و ساعد الناس و شوف الفرحة فى عينهم , فكر تعمل سياحة دينية فهى لا تحتاج لاشخاص زور بيت الله الحرام و اعمل عمرة او حج , اقراء عن دينك و اقراء فى السنة
2- دلوقتى عندك مشكلة يبقى تروح للى يفهم فى المشكلة . اعمل بحث على النت و شوف احسن و افضل دكاترة و روح لواحد و اتنين و 10 و خد رايهم و لا تقنط من رحمة ربك الرحيم , ان بعد العسر يسر باذن الله
3- راعى ابوك و امك هما ملهمش ذنب و لا سبب فى اللى انت فيه و حتى لو مشاكلهم كتييرة استحملهم و راعيهم و زورهم هتحس براحة و طمائنينة باذن الله و زور اخوتك و تودد اليهم
يعنى من الاخر املىء و قت فراغك + احرص على اتزانك الروحى الدينى اللى هيعصمك عن اى اكتئاب باذن الله + اسعى لحل المشكلة , متطلبش نتائج بدون سعى بدون تغيير
انا مش عاوزك تزعل من كلامى لكن لا يحك ظهرك مثل ظفرك لازم تغيير اسلوب حياتك و تخرج من الحيز الضيق اللى حبست نفسك فيه , ممكن تتجوز واحدة لا تستطيع الانجاب ممكن تتبنى طفل يتيم تاخذ ثواب تربيته ممكن تتاجر مع الله و تكسب الاخرة التى هى ابقى و كل ما تجارتك تزيد كل ما منزلتك تزيد , ممكن تقراء و تتعلم , ممكن تشارك فى جمعيات خيرية مثل رسالة , ممكن تدور على شغل بره بيتك , ممكن حاجات كتير اوى
اتوكل على الله و ارمى حمولك عليه و اتقربله و باذن الله سيشرح صدرك
اخيرا انا اسف لو افكارى مش مرتبة او كلامى .
و كمان ما تقول اسم المواقع مش ممكن الزوار يبقوا 100,001 و نبقى اصحاب , اخيرا متزعلش من لهجة كلامى لكن نلازم تلمس جوانب المشكلة و تحاول تحلها لان الهروب لا يؤتى غير بنتائج عكسية , و ربنا يشفيك شفاء لا تسقم بعده ابدا و يرفع عنك البلاء باذنه
تحياتى
طبعا اولا ادعو الله ان يشفيك ويعافيك ويشفى جميع مرضى المسلمين
ان شايف ان فبل الدخول فى اى عمليات ، لازم تروح لطبيب نفسى ، لان انا شايف ان مشكلتك نفسية قبل العضويه ، وممكن يوكون ده سبب فى فشل العمليه.
اولا تروح لدكتور نفسي كويس لان الاخطر من الحالة العضوية الحالة النفسية
الدكتور النفسي هيديلك دواء مناسب لحالتك لعلاج الاكتئاب
وبعد ما هتمشي على الدواء لفترة هتلاقي الدنيا اتغيرت في نظرك
ابتديت تستمتع تاني بالحياة ... التفكير الكتير اللي بيرهقك قل جدا ... طموحك رجعلك تاني ... الاحباط اختفى ... ابتديت تفكر بشكل ايجابي .... عندك الدافع انك تخوض تجارب انسانية جديدة كنت بتخاف او بتهرب منها
وحاجات كتير كويسة
بس الاهم تروح لدكتور مشهور ومعروف بمهارته لو حابب فيه دكتور كويس جدا والكشف معقول زي الدكتور فيكتور سامي مثلا ب 200 جنيه او حد زيه ولو عملت سيرش ممكن تجيب البيانات بتاعته
نصيحتي الاهم دلوقتي هو نفسيتك لان دي المحرك الرئيسي ليك