الموضوع: لأهل الخبرة ما هي أفضل سيارة في حدود 70 او 80 الف بهذه المواصفات...؟؟؟

أولا كل عام وانتم بخير
ده أول موضوع ليا في هذا المنتدى المتميز بمواضيعه ومعلوماته القيمة وأعضاؤه أصحاب الخبرة والأفكار والآراء الهادفة والبناءة
انا مقيم في الامارات وان شاء الله نويت الاستقرار في مصر وبفكر اشتري عربية في حدود 70 او 80 الف بالكتير، انا استخدامي هادي للسيارات ومش بتاع جري يعني بالكتير 120 وعلى الدائري والصحراوي بس، اهم حاجة اني للأسف مش بفهم في الميكانيكا بتاع العربيات ومش عاوز عربية تبهدلني في صيانتها وتدوخني على الميكانيكية، عشان كده عاوز عربية استعمال قريب يعني مش ااقل من 2007 ، وبتستحمل المطبات لأن طريقي كله مطبات، مع العلم ان اغلب استخدامي ليها هيكون فردي وعائلي في اوقات محدودة، كمان يهمني ان العربية تكون قطع غيارها متوفرة وسعرها معقول واقتصادية في البنزين ومواصفات الأمان فيها مناسبة، ومفكرتش اشتري جديد لأني ممكن ابيعها تاني في فترة قريبة ولو جديدة هتخسر كتير
بناء على المواصفات دي ومن خلال تصفحي لبعض المواضيع لقيت ان تركيزي هيكون على نيسان صني 2009 او 2010 او كورولا او لانسر موديل أأقدم
وقدامي دلوقتي نيسان صني فل اوتماتيك 2010 وب 80 الف وعاملة 20 الف كيلو وصاحبها ممكن يقسط جزء من المبلغ كمان، بس ناس خوفوني من الصني لسببين تقفيلها مصري وبتسحب بنزين
فيه ناس نصحوني بالشيفرولية او الهيونداي بس بصراحة أنا قلقان من الكوري
ايه رأيكم؟؟؟ أفيدوني أفادكم الله !!!