عايز اجيب نظارة شمس وخايف يضحك عليا
انا ناويت باذن الله اعمل الليزك وعشان كده هاحتاج نظارة شمس ضرورى ولانى عمرى فى حياتى مالبستش نظارة شمس فخبرتى فى الأسعار والأنواع صفر انا كل اللى عايزه فى النظارة ان عدساتها تبقى بتحمى من الشمس فعلا ومن الأشعة الفوق بنفسجية والشمبر بتاع النظارة نفسه مايقشرش مع الزمن مع العلم انى ما يفرقش معايا حوار ماركة عالمية او لا المهم انها تقضى الغرض وشكلها يبقى معقول وانا حدودى من 500 -700 جنيه فهل حد ممكن يساعدنى ويرشحلى نظارة فى الرينج ده ويقولى ماركتها واجيبها منين بدل ما الف على المحلات والاقى الاسعار نار او اقع فى بياع يباعيلى نظارة اى كلام وانا من الأساس مبفهمش نهائى فى حوار النظارات ده فياريت حد من الأخوة يساعدنى افادكم الله