المشاركة الأصلية كتبت بواسطة mazagngi2010
عموما انا حكيت تجربتى للافاده
شكرا لرد حضرتك على الخاص
هو فعلا الكار كير تنضيف لجميع اجزاء العربيه بس ده محصلش معايا وفيه صور بتوضح كده
استاذ كريم انا مبكلمش على موكت قديم انا بتكلم على الرمله الكتير اللى تحت الموكيت واللى حصل فى الجنوط وكمان التابلوه اللى مش باين فيه اى حاجه ولسه بترابه فى الاركان غير الاماكن اللى محدش مد ايده عليها اصلا وموضح ده بالصور وعلى فكره بقع السقف اللى عندى مش زيت وسهل انها تطلع ولو مش هيعرفوا يطلعوها ميكتبوش ازاله كافه البقع فى الورقه بتاعتهم
وكلام حضرتك عن تنضيف عربيتك يؤكد انهم مبيعرفوش يشتغلوا الا فى الجديد لكن القديم له ناسه بعيد عنهم
وبصراحه ماليش دعوه بالمواد اللى بيحطوها طالما العربيه طلعت بواسختها من عندهم
ورغم انى مش مجبر انى اقف على دماغ الصنايعيه -ده كار كير مش كيميا-وقفت على دماغهم -ربنا كان عالم بحالى وقتها - فى حاجات كانوا ناسينها اصلا والمفروض انى رايح على سمعه مكان عامل اعلان عندنا مش رايح يتجرب فى العربيه بتاعتى
وياريت محدش ياخد كلامى انه تجنى على الناس لانى اديتهم حقهم فى العربيه التانيه
وانا شايف ان العربيه مفيهاش عيوب قاتله فيها ممكن تكون سبب النتيجه دى
وشكرا لرد حضرتك