اقتباس:
المشاركة الأصلية كتبت بواسطة alumni
هو حضرتك مالك داخل فينا كولنا شمال لية انا مش شايف اللى مكتوب على الميخان من الاستاذ اللى رد عليا دى حاجة الحاجة التانية النتشة دى اصلا موجودة فى الفلونس كلها اذا كان التوكيل معترف بيها و قالوا للناس كلها انو دا عيب فى العربية و فرنسا الت كدة هتجى حضرتك تقولى لا يبقى لامؤاخذة يعنى الطنابير عندى صديت فعلا و بتصفر و انا بفرمل و الموتور مش زاى منتا بتقول خالص موتورها تعبان مووووووووووووووت و دة بشهادة التوكيل بردة و العربية منظر فقط لا غير بشهادة كل الناس و بعدين انت بتشتم فى النيسان احسن عربية فى يا استاذ يامحترم العربية اللى معايا السوبر صالون دى ب 100 عربية من الفلونس الثبات ممتاز انا جايب بيها 180 و لا الهوا ماشى الموتور مفيش كلام التكيف مش محتاج اتكلم عنة اكيد معروف احسن من المرسيدس و ال bmw مش هيبقى احسن من الرينو لامؤخدة يعنى و بعدين لما عربية تكون عملة 2300 كيلو و الطنابير مصدية تبقى اية و مؤشر البنزين محستش بية لما تفول 45 لتر و يبان قدامك ابل الفول تانك بالربع اييييييييييية كل دا ايييييييييية هى منظر بس الناس بتتفرج على عجبة من العجائب هى الشارع بس كدة انما هى موتورها متواضع جدا جدا جدا لابعد الحدود
بالراحة يا باشا بس الموضوع مفهوش خناق و لا حاجة و لا احنا اللى صنعنا ديه و لا احنا اللى صنعنا ديه عشان ندافع عنهم باستماتة فى الاخر احنا مستخدمين و كل واحد بيختار اللى يريحه
ابدأ ارد على حضرتك نقطة نقطة
الفلوينس فعلا تسارعها مش ممتاز و ده انا قايله فى ردى الاول و اكثر من حد أكد على كده بس العربية مش سلحفاة زى ما حضرتك مصور , مش صاروخ اه بس مش وحشة ابدا , و ده ناتج عن الوزن الكبير و ده اللى بيخلى الطلعة بتاعتها تقيلة شوية , و ده تحسه فى قفلة الباب حتة حتحس ان العربية فعلا وزنها تقيل .. على العموم كل كلام الناس بيقول ان الفلوينس مش بتاعت شد فعلا و محدش بينكر الموضوع ده
بخصوص الفتيس ف ديه مشكلة فى العربيات الفرنسى عامة بس بتظهر فى قطع معينة من العربيات بشكل اكبر , انا كنت قريت قبل كده و ان كنت مش متأكد من الكلام ده ان النتشة ناتجة ان النقلة متقسمة لجزئين و بكرر انى مش متأكد عشان محدش يتهمنى انى بفتى .. انا عامة مش بحس بيها فى الفلوينس , بس قبل كده فضلنا فى الـ ميجان و الـ c4 المانيوال عشان موضوع الفتيس
حكاية الطنابير ديه مش عارف بس ده واضح ان ده عيب فردى عند حضرتك عشان انا مش بشتكى من الموضوع ده خالص و محدش اشتكى منه قبل كده تقريبا
موضوع طرمبة البنزين ده عيب و الناس معترفة بيه فى التوكيل و بيحاولوا يحلوه و ده العيب الوحيد الحقيقى اللى انا شايفه فى العربية
عامة كلام حضرتك ان نيسان بـ 100 عربية من الفلوينس فده كلام خاطىء خالص .. الصنى فئة اقل من الفلوينس و ميعنيش ان الموتور قوى ده اى حاجة .. الفيرنا متهيألى بتطلع من الصنى هل ده معناه ان الفيرنا بـ 100 عربية من الصنى ؟ :rolleyes:
الفلوينس ثباتها ممتاز و اظن ان ثباتها افضل من الصنى و ان كنت غير متأكد لأنى مجربتش الصنى الجديدة بس الفلوينس ثباتها ممتاز جدا و اعتقد اللى ساقها ميقدرش يقول غير كده
العربية مش منظر بس و الحمد لله معظم ملاكها مقتنعين بيها .. كل العربيات فيها عيوب .. مفيش عربية خالية من العيوب ..
نصيحة لحضرتك بجد مادام قفلت من العربية من الاول كده يا ريت تبيعها عشان مهما العربية كانت كويسة هتفضل متحبهاش عشان من الاول مش حاببها .. و فعلا دى نصيحة اخوية عشان انا جربت قبل كده فى عربية مكانتش حاببها من الاول و كان اى صوت اقعد اشتم فى العربية و بقيت قرفان انى انزل بيها اى مشوار .. سيبك من موضوع فرنساوى و كورى و الكلام ده .. كل واحد بيركب العربية اللى تريحه حتى لو شايف ان الصينى عاجبه .. فى الاخر انت مش راكب اسم البلد .. انت راكب عربية جايبها عشان تريحك مش عشان تبقى زهقان منها