اية رايكم فى موبايل نوكيا x1-01 أبو روحين الجديد !!!

**abdalah_hashem** · 22-08-2011 10:23 PM

السلام عليكم ورحمة الله وبركاته

من يومين وربنا يجعلها اخر الخساير تليفونى اترزع رزعة جامدة حبتين هو نوكيا 5310 ولما شوفتة لقيتة فصل شاشة بس بصراحة ياما شالت معايا كتير واشتحملت كتير رغم انى بعد مجيبتها بسنة بقيت مهمل قوى معاها

زعلت قوى والله وهو كان اساسا فاصل فيبريشن بقالة 9 شهور تقريبا

والكاميرا بتاعتة من سنة الصور بتاعتها مبقتش دقيقة قوى زى ما كانت قبل السنة دية

ومن شهرين كدة صوتة اللى فىالسماعة الداخلية اللى بتسمع منها اللى بيتصل بيك
اللى فوق الشاشة دية بقى واطى قوى

وانابفكر بقالى فترة كبيرة عاوز اشترى واحد وعملت اكتر من موضوع هنا بستشيركم
فى بعض التليفونات بس كنت برجع اقول اهو ماشى والسلام

دلوقتى روحت اصلحة الراجل قاللى شاشة ب 50 جنية والفيبريشن لما افتحة
والصوت لما افتحة ممكن تكون على البوردة او السماعة اقوللك كام

فانا قلت طب اشترى بدالة واحد جديد بصختة افضل فتوصلت للموبايل دة

هو نوكيا صنع فى الصين- بيشغل شريحتين -
فية ام بى ثرى ولية كارت ميمورى( الواحد يسمع علية قران يبقى جامد )
- من خلال تقليبى على النت عربى واجنبى بطاريتة بتقعد كتير قوى
فى موقع ماليزى كانوا بيقولوا البطارية قعدت 8 ايام ونص بكلام

ثمنها فى السوق سالت فى المطرية فى محلات هناك كانت الاسعار كدة ( 250 جنية - 255 جنية -260 جنية )

بعض الناس ذكرت عيوب - وبعض الناس زكرت مزايا ( يعنى مهييس مع ناس وشغال جدا وكويس قوى مع ناس تانية )

ومواصفاتة اهية

Nokia X1-01 - Full phone specifications

فاية رايكوا بقى فى العدة التانية X1-01 دية ؟؟ حد جربها وللا يعرف حد جربها وللا حد شغال فى الموبايلات وشافها ؟؟

وشكرا لكم والسلام عليكم ورحمة الله وبركاته

**ahmad--ezzat** · 22-08-2011 10:27 PM

سيبك من التليفونات دى محدش بيجبها دلوقتى يا راجل
انت معاك كام؟

**abdalah_hashem** · 22-08-2011 10:34 PM

يعنى انا قلت باكثر من تمن التصليح قليلا اجيب واحد يادى الغرض لغاية ماالظروف تتعدل
انا كنت حاطط فى حدود 200 يعنى

**Forever.Leo** · 22-08-2011 11:35 PM

ممكن تشوف الموضوع ده ...
http://www.nilemotors.net/Nile/239516-x1-01-a.html

**lonedoctor** · 22-08-2011 11:43 PM

الموبيل ده رهيب انا اشتريته فى السعودية من اسبوعين ومعجب بيه جدا والميزة انه الشريحتين بيشتغلوا فى وقت واحد والبطارية يتستمر كتير جدا وال mp3 صوته جيل اشتريه ومش هتندم

**abdalah_hashem** · 23-08-2011 12:06 AM

lone doctor :) انا الى كنت شديت معايا فى موضوع ال BYD لما كنت بسال عن اى مشكلة بتواجة حد :)) فرصة سعيدة
ياريت بقى يا باشا تفصصلى التليفون دة من اول لما اشتريتة لحد متصحى من النوم وتمسكة لححد متدخل تنام وتسيبة على الترابيزة :)) اكيد طبعا مميزاتة وعيوبة ومشاكلة لو واجهتك قولنا كل شئ وربنا يجازيك خير :))

now2005 هشوفة حاضر

**hossam_elwani** · 23-08-2011 12:13 AM

تليفون ممتاز انا بايع منه كرتونه لحد دلوقتى فى المحل اشتريه وادعيلى

**abdalah_hashem** · 23-08-2011 12:17 AM

تليفون ممتاز انا بايع منه كرتونه لحد دلوقتى فى المحل اشتريه وادعيلى

اكيد مسكت تليفون كدة يا باشا وقلبت فية احكيلنا اية قصتة التليفون دوة

ولو الامور اتوفقت هيبقى لينا خصم مش اقل من 49.5 % هههههه :))

**abdalah_hashem** · 23-08-2011 12:22 AM

الاستاذ حسام علوانى ---- التليفون دوة نظامة اية لما حد بيتصل على شريحة 1 مثلا وانا بتكلم مكالمة من على شريحة 2
هل اللى بيتصل بيسمع الهاتف مغلق ولا غير متاح وللا بيبقى انتظار؟؟؟

**pro_samir** · 23-08-2011 05:44 AM

كنت عايز اجيبه علشان الmp3 اساسي بس الناس علي gsm arena كلهم تقريبا بيشتكو من الشبكه بتاعته جدا

تقريبا بيشتغل خط واحد اثناء المكالمات والتاني بيبقي غير متاح

بس بالنسبه لتشغيل mp3 مش بيعمل play list لكن هل ممكن يعمل تشغيل بالترتيب حسب الفولدر يعني افتح فولدر واشغل اللي فيه ولا بيجيب كل الميديا ورا بعضها وخلاص ؟ يا ريت اللي يتأكد من دي يقولي

الموضوع: اية رايكم فى موبايل نوكيا x1-01 أبو روحين الجديد !!!

LinkBack

أدوات الموضوع

عرض

اية رايكم فى موبايل نوكيا x1-01 أبو روحين الجديد !!! - انشر الموضوع فى :

-

-

-

-

-

-

-

-

المواضيع المتشابهه

موبايل نوكيا c3

موبايل نوكيا n8

موبايل نوكيا N82 بحالة الجديد تماما

الكلمات الدلالية لهذا الموضوع

المفضلات

المفضلات

ضوابط المشاركة