الموضوع: نظرية النفخ تحت الضغط

بسم الله الرحمن الرحيم

السلام عليكم ورحمة الله وبركاته

هذه نظرية افتراضية من وحي خيالي قمت بدراستها في الأيام الثلاثة الماضية بجنون كامل !! مما اداى الى مجموعة من الهلاوس !! والنفخ الا ارادي في دماغي المطلوب بقى !!
مساعدة من الخبراء في اثبات ما وصلت اليه حتى الآن !!

الشرح سيكون على عربييتي وهي بروتون ساجا موديل 2010 !! السيارة وزنها الرسمي على ما اعتقد هو 980 كيلو !!

المهم النظرية شعشعت في دماغي وبأتكلم باللغة التي يفهما الكبير والصغير الا وهي لغة الأرقام !! اعذروني على اي تخلف قد يظهر مني في الكلمات القادمة !!!
ناخدها حبة حبة !!

العربية مركز احمالها ايه ؟
متحملة على 4 عجلات :D
والعربية وزنها 980 كيلو صافي بدون اي ركاب !!! ولا اي معدات من استبن او كوريك !! يعني ها نمشيها 980 !!
نقسم الـ 980 كيلو على 4
يبقى كل كاوتشة متحملة بـ 245 !! انا وصلت لإني رسمت العربية بالأوتوكاد !! وممكن تشوفوها

وبعد كده قمت بعملية تحميل السيارة على انها منشئ متحرك ببرنامج الأكسس في ام !! وحست رد فعل الأرض تجاه الكاوتش !!
الفكرة بقى في التالي !!
العربية عندي مكتوب على القايم انه الكاوتش الأمامي يجب ان يتم ضبطه على 31 مثلا !!
زبطت الكاوتش على 31 فعلا !!
عملت كام مشوار !! وللأسف اتنيلت دوست في زفت !! ( حاجة معكننة عليا جدا ) انه الكارتيرة الداخلية للعجل مرمي عليها زفت !! والرفرف من تحت مرمي عليه من زفت ومأرق منانمي اطلع ازاي منها مش عارف بصراحة !!
ما علينا !! المهم !!
رفعت العربية علىالكوريك !!
وجيت بقيس ضغط العجلة لقيته اتغير !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!
جبت اكثر من مقياس وفعلا كلهم ادوني نفس النتيجة !! معنى كده !! ححاجة !!
انه الغاز بينضغط ( معلومة معروفة ) ولكن انه الضغط بيزود قيمتها !! يعني ايه !!
الشركة موصية بنفخ العجل على 31 !! العربية وهيا على الأرض لو جابت معاك 31 !! ممكن وهيا مرفوعة تبقى العجلة فيها 29.5 او 30 !! الفكرة مش تفاهة الدرجة دي او النصف ولكن عند الأحمال العربية ها تكون فيه افرق من درجة لدرجة ونصف واحتمال درجتين حسب الأكسسيس في ام !! حد ممكن يشرحلي انا ماشي في السكة صح ولا غلط !! مع العلم اني حاسب بكثافة الهواء الطبيعية وعند درجات الحرارة القياسية !! ولكن معرفتش اني اطبق عند مستوى سطح البحر وفي نفس ظروف الإنضغاط لأني مش متمكن !! ولكن عايز اعرف الهلوسة اللي طلعت في دماغي دي صح ولالا !! انا بعذركم بجد في ناس منكم حاليا عايزة تحدفني بحاجة وفيه ناس عايزة تـ..... ولكن خدوني على قد عقلي !! + 90% من الإكتاشافات العالمية كانت بمحض الصدفة :D وانا حاطط حمل على الموضوع ده :D
حد يقولي انه جربها قبل كده ولاحظ الفرق عنده من كام لكام ووزن عربيته كام ... وعاجز عن الشكر يا جماعة !!
ملحوظة: بالنسبة لأنه في ناس ها تشكك في دقة الأرقام بأنه العربية وزنها 980 كيلو مش موزعة بالتساوي على العربية لأنه ببساطة جسم العربية مش متماثل حول محور !! ولكن ده بالتقريب واختصار الأرقام لأنه ممكن اقعد احسب في السنتر اوف جرافيتي ايام ولليالي في الآخر مش ها تفقرق اكتر من 9 الى 10% من النتيجة النهائية