نظرية النفخ تحت الضغط

**Esam Mosaad** · 23-08-2011 09:35 AM

طب المفروض ان مقاس الكاوتش المكتوب على القايم محسوب بوزن العربيه على 4 فرود يعنى عاملين حساب وزن العربيه

**Car's Sniper** · 24-08-2011 07:00 PM

فكرت فى الموضوع دا قبل كدة وتوصلت انى بقيت باظبط ضغط الكاوتشات على 31(المتوسط) لان 99% من ركوبى للعربية باكون لوحدى و1% بيكون فيها فوق عددها كمان فقلت اريح دماغى وباجيب الجهاز بتاع الولاعة من صاحبى ونقعد نظبط عربياتنا على رواقة ممكن نقعد 10 دقايق فى العربية الواحدة اصل الفضا وحش :d :d
بس المشكلة بالنسبالنا اننا مش عارفين نزود الضغط عن الطبيعى ولا لأ لأننا لو زودناه على 33 مثلا يبقى العربية وهى بكامل حمولتها الضغط اكيد هيزيد فيها ومش بعيد الكاوتش ينفجر(الكاوتش عمره11 سنة بس) ولو خلينا الضغط اقل من الطبيعى فالكاوتش مع الحمولة هيريح عالارض زيادة عن اللزوم ومساحة الاحتكاك هتزيد اكتر ماهى زيادة.....دى اللى نفسى حد يفيدنى فيها بصراحة :)

**romar** · 25-08-2011 09:52 AM

خلي بالك كمان الحرارة عامل مؤثر جدا. يعنى لو مشيت بالعربية كتير قبل ما تقف عند بتاع الكاوتش وتظبط الضغط، لازم تظبطه على درجة أو درحتين أعلى من الطبيعي بتاعك، لأن الدرجتين دول حينزلوا لما الكاوتش يبرد

**misoalex** · 26-08-2011 01:06 AM

المشاركة الأصلية كتبت بواسطة ashraf_ibrahim

كلامك سليم نظريا وعمليا يا صديقي
وكلامك صحيح مفيش فيه اي جنون اطلاقا
والصح اننا نزود درجة او درجتين على قيمة الضغط اللي احنا عايزينه
يعني لو 30 يبقا نظبطه على 32 عشان المحصلة يدينا 30 خصوصا العجل الامامي
الخلفي ممكن نخليه 31 عشان يدينا 30
انت كلامك كله صح

لا طبعا لو زودت الضغط عن اللى مكتوب ده غلط جدا جدا

لان الضغط اصلا حيزيد لوحده نتيجه الاحتكاك والسخونه

وكده الكاوتش حيفرقع ودى مصيبه

ياما عربيات كاوتشها فرقع بسبب ضغط الهوا

عشان كده ينصح انك لما تزود الكاوتش تزوده والكاوتش بارد او تكون العربيه مش جاى بيها من مشوار وخصوصا فى الصيف بالنهار

**misoalex** · 26-08-2011 01:09 AM

اما تفسيرى بالنسبه للموضوع فده طبيعى جداااااااااا

لان الاكسوجين عباره عن جزيئات وذرات ولازم يكون بين كل جزيئ والاخر فراغ وده اللى انا فاكره لما درسنا الكلام ده زمان

عشان كده فيه فروق كبيره بين الغازات وبعضها لان لكل غاز صفاته

وده سبب ان التوجه دلوقتى لنفغ الاطارات بالنيتروجين وده لانه مش بيتأثر كتير بالحراره وحاجات تانيه

**asemx1** · 27-08-2011 12:39 AM

مش عارف ايه الاستكشاف فى كدا او حضرتك عايز توصل لايه بس الطبيعى ان اى حاجه منفوخه لما تاثر عليها بحمل يزيد الضغط بتاعها ودا على حسب الوزن ومساحه التعرض للضغط

حيث ان الضغط يساوى القوه على المساحه

فطبيعى ان الكاوتش لما تيجى تزوده هواء لحد 32 وترفع العربيه تلاقيه بقى 29 ولو حملت على العربيه ركاب كتير هتبقى 35 امال بيكتبوا على العربيه اقصى حمل ليه ؟؟ علشان استحمال ضغط الكاوتش وعلشان استحمال العفشه وعلشان حاجات كتير

بص انا مش عايز احبطك بس مجهود رائع الى انتا عامله بس لو سالت فقط ليه لما نرفع العربيه بتبقى كذا وليه لما بتبقى على الارض بتبقى كذا هتلاقى كتير يجاوبوك :d

وتانى حاجه يا باشا العربيه مركز ثقلها مش فى النص زى ما انتا كاتب العربيه بيبقى مركز ثقلها قريب من المحرك وغالبا عند المحرك فعلشان كدا ما ينفعش تقول كل عجله تاخد وزن كذا وتقسم وزن العربيه على ال 4 عجلات دا هيخلى العربيه فى حاله عدم اتزان لما تكون مليانه لان مصممينها بيخلو الاتزان فى النص بالظبط او مركز الثقل فى النص بالظبط لما يكون العربيه راكب فيها مثلا 4 او 5 والشنطه مليانه علشان يتوزع الحمل على الفرامل الاربعه بالتساوى

حاجات كتير لو عايز تعرفها عن الاتزان وعن الاحمال اسالنى

تحياتى لك مهندس عاصم جاد

**romar** · 28-08-2011 07:02 AM

المشاركة الأصلية كتبت بواسطة asemx1

بص انا مش عايز احبطك بس مجهود رائع الى انتا عامله بس لو سالت فقط ليه لما نرفع العربيه بتبقى كذا وليه لما بتبقى على الارض بتبقى كذا هتلاقى كتير يجاوبوك :d

بالعكس، علميا، التجربة العملية أفضل لإدراك وتثبيت المعلومة من التلقي عن طريق السؤال والجواب المباشرين. دي حاجة غالبية المهندسين يعرفوها. وما هو بسيط وبدائي من وجهة نظر البعض قد يكون مهما ويستحق عناء التجربة للبعض الآخر.

المشاركة الأصلية كتبت بواسطة asemx1

وتانى حاجه يا باشا العربيه مركز ثقلها مش فى النص زى ما انتا كاتب العربيه بيبقى مركز ثقلها قريب من المحرك وغالبا عند المحرك

واضح إن حضرتك لم تقرأ الموضوع لآخره، فالأخ ذكر هذه الحقيقة في آخر مقطع.

المشاركة الأصلية كتبت بواسطة asemx1

فعلشان كدا ما ينفعش تقول كل عجله تاخد وزن كذا وتقسم وزن العربيه على ال 4 عجلات دا هيخلى العربيه فى حاله عدم اتزان لما تكون مليانه لان مصممينها بيخلو الاتزان فى النص بالظبط او مركز الثقل فى النص بالظبط لما يكون العربيه راكب فيها مثلا 4 او 5 والشنطه مليانه علشان يتوزع الحمل على الفرامل الاربعه بالتساوى

الموضوع ليه علاقة بالهاندلينج أكتر كمان من الفرامل، الـ link ده في معلومات ظريفة عن الموضوع:
Automobile handling - Wikipedia, the free encyclopedia

**SYD** · 28-08-2011 08:00 AM

بقالي كام يوم بشوف الموضوع دة والنهاردة قولت انا لازم اشوف موضوع النفخ دة ايه

فعلا انت عملت مجهود كبير وانا شايف ان في ناس اخدته باستهتار وحسستك انك عرفت الماء بعد الجهد بالماء

هي فعلا نظرية وواقعية ومعقولة

بس الناس هنا في منها فهمها بالعكس

انا اعتقد ان كل لما الحمل زاد علي العجل كل لما تحتاج تزود الضغط بتاعه شوية عشان تعوض الحمل الي عليه

بدليل ان بيقولك لو العربية نص حمولة (3 اشخاص) اظبطها عند مثلا 30 ولو حمولة كاملة (5 اشخاص) اظبطها عند 32

يبقي معني كدة ان كلما زاد الحمل والوزن كلما زاد ضغط العجل يعني العلاقة طردية وليست عكسيه

وانا شخصيا جربتها لما ركبت معايا 6 اشخاص في عربيتي ، كانت بتحك في المطبات ولما زودت الضغط بطلت تحك

شكرا علي موضوع النفخ دة

والله المستعان
،
،