استفسار بسيط وبعد كدا اقولكوا ع عملته السوووودا.....:_Alshmokh11::_Alshmokh11:
لو خبطني اوتوبيس نقل عام وطلع يجري بس اخدت رقمه وروحت اعمل فيه بلاغ تاني يوم
هل هقدر اخد حقي منه ولا كدا بالسلامه ولا اعمل اييييييه؟؟؟؟
عرض للطباعة
استفسار بسيط وبعد كدا اقولكوا ع عملته السوووودا.....:_Alshmokh11::_Alshmokh11:
لو خبطني اوتوبيس نقل عام وطلع يجري بس اخدت رقمه وروحت اعمل فيه بلاغ تاني يوم
هل هقدر اخد حقي منه ولا كدا بالسلامه ولا اعمل اييييييه؟؟؟؟
غالبا هتاخد حقك والسواق هيتحاسب ويتظبط خصومات أو تاخد عليه غرامات .... ولو حاجة كبيرة هيتوقف.. بس الكلام ده لو عسكري المرور شاهد الحاثة بعينوووو ... أو جه وعاين الوضع وحدد مين غلطان ...
بس مش عارف ف الأيام دي إيه الوضع ....باعتبار أن بتوع المرور بيعملو ساونا ف الساحل ...
هو عمل إيه بقي ؟...
ومعلش سؤال ... هو الأتوبيس هيخبط ويجري إزاي ؟ أو بالأحري السفينة دي هتجري :U_thin1[1]: ؟؟!!
ريح دماغك واستناه مكان ماخبطك ومعاك شوية بلطجية واقفشه واديلو ومحدش يقولي كدة حرام وانت بتحرض على العنف صدقني هو ده الحل الوحيد
ههههههههههههه.....والله دي افكار كويسه بس هوا خبطني ف الصاج الي فوق العجله اليمين الي ورا وسلم ع الرفرف كمان...وطبعا هوا مش جري بمعني جري هوا دخل وسط الزحمه وهوب الطريق وقف وبالسلامه هوا كدا..طبعا انا اخدت الرقم بس مش عارف لو عملت محضر هجيبه ولا هوا عشان نقل عام يبقى بالسلامه كدا...عموما انا عاوز اعلمه الادب وانا راجل مهندس ومليش ف البلطجه بس من ناحيه الوسايط والظباط وكدا مرتاح اوي الحمد لله...فأعمل ايه بقى؟؟؟؟؟؟؟؟؟؟؟؟؟يريت لو حد جرب الحركه دي
اكيد طبعا هتاخد حقك
دا شيء بديهي خصوصا مع اتوبيس هيأة
احسن حاجه ان حضرتك معملتش زي كتير مننا بيعمل وبنقع في غلطه كبيره وهي انك توقفه وتنزل فيه ضرب اولا حضرتك بتعتدي على موظف حكومه اثناء عمله
ثانيا حضرتك عطلت الاتوبيس عن مواعيده وصدقني الحاجتين دول ممكن لو البلد ماشيه صح بيخلصوا في امن الدوله مش في حته تانيه فنصيحه لاي حد متوقفش اتوبيس عام او عربيه شرطه او جيش حتى لو كان سواق لوحده
كبر دماغك وحاول تبعد عن طريق المخلوقات دى فى المستقبل
انا قبل كدا ميني باص خبطلي الرفرف اللي قدام يمين و كان تاني اسبوع للعربية و كان عاوز يجري بس على مين
حصلته و جيت قدامه و وقفته و نزلت السواق و لميت عليه الناس و خدت منه فلوس
اينعم العربية كان متأمن عليها و مش هادفع حاجة في تصليحها بس خدت الفلوس طلعتها لله و حسيت ان انا خدت حقي الحمد لله
يعني انتو شايفين اني امشي ف سكه المحضر دا وهاخد حقي ف الاخر ف ظل الظروف دي؟؟؟ولا اشتري دماغي؟؟
بس انا متغاظ منه اوي اوي اوي :(
يستعوض ربنا يا باشا
لسه مخبوط من كام يوم من اتوبيس احمر نقل عام
واللى يضحكك انه محسش اصلاً انه خبطنى ولا فكر يبص حتى
فـ عشان كده مرضتش اشغله عن اللى بيعمله ومشيت على طول خصوصاً ان الخبطه كانت بسيطه متزعلش اوى الحمد لله
جرب تروح هيئة النقل العام وتبلغ علية هناك برقم الاتوبيس اكيد هيعملو تحقيق ويجيبو السواق
لا ماتقلقش دي بس عشان كانت اول عربية زيرو و انا مش غلطانة في حاجة و هوا خبطني و كمان بيهرب بس تقريبا كان ميني باص شركة او عمال بس طلعوا محترمين الحمد لله و شايفين ان هوا اللي غلطان و بيستعبط و انا بنت و لوحدي و قلتلوا نروح القسم ولا اجيبلك القسم هناااااااااااااا ؟؟ تحب تختار ايه
بس عمري ما عملتها تاني الحمد لله
!!!!!!!!!!!!!!!
ايه التفكير دا؟؟تفكييير غلط تماااما....حضرتك نسيت ان الاتوبيس دا ملكى وملكك ومش من حق حد يخربه
السواق هو اللى غلطان واللى عايز ياخد حقه ياخده من السواق مش من اموال الشعب
والسواق يتعاقب على اهماله فى العربية الاتوبيس اللى سايقه والعربية اللى خبطها
يتجابله بلطجية يتجابله سلاحف النينجا مايهمنيش طالما هو اللى غلطان ومش عارف تاخد حقك بالقانون وطالما مافيش حاجة هتتمس من الممتلكات العامة
يا باشا انت راجل مهندس امشي صح واعمل اللي عليك ومتقولش هاخد حقي ولا لأ خد بالاسباب واعملها وبعدين كلو علي ربنا
نصيحتي لحضرتك
متصلحش العربيه ولا تعمل حاجه في الخبطه
هاتروح القسم تعمل محضر باللي حصل ولازم تفضل جنب الامين او الظابط لغاية لما المحضر ياخد رقم جنحه او مخالفه ويديك الرقم
ويستحسن تروح القسم بدري وتقولهم انا عايز اروح النيابة
لما تروح النيابة اطلب من وكيل النيابة انك تعمل معاينه للعربيه
تاخد قرار المعاينه وجري علي مهندس المرور يعملك تقرير فني
يستحسن وبشده ان لو عندك شهود تاخدهم معاك النيابة يشهدوا
تمشي مع المحضر لغاية ماهييجي جواب من هيئة النقل العام باسم السواق
حدد في المحضر تاريخ وساعة ومكان الحادثه علشان تعرف السواق اللي خبطك ومتظلمش حد
خالص تحياتي
يعمل ميتم! قصدي محضر
ممكن اسال حضرتك ايه الاحسن اقعد واحط ايدي علي خدي ولا اتبلطج علي الناس وممكن ادخل انا في مشكلة اكبر بكتيير
ولا اعمل اللي عليا وادور علي حقي لو وصلت لحقي خير وبركة ولو العكس ابقي علي الاقل عملت اللي عليه وحقي في رقبة اللي ضيعه وبعدين استعوض ربنا ازاي وانا اصلا محاولتش اخد حقي ده مش عوض ده ضعف وكسل من وجهة نظري
مولوتوف
في اي بلد محترمه : هتقدم تقرير في اقرب قسم و شركه التأمين هتصلحلك العربيه.
في مصر : تحمد ربنا و تبوس ايدك وش و ضهر انك لسه عايش بدون اي عاهات و تودي عربيتك للسمكري.
انا ها اجبلك الخلاصة نتيجة الخبرة لان انا اتخبط كتير قبل كدة اتوبيس نقل عام -ميكروباص -ملاكى
الخلاصة لو ما اخذتش حقك ساعتها اى ساعة الحدثة مش هاتعرف تاخد حقك تانى
باى وسيلة كانت تاخد ثمن الحاجة اللى باظت -تاخد حقك من بالضرب لما تشفى غليلك -تكسرلو العربية .....اى طريقة كانت
عدا ذالك موت ياحمار تبلغ الشرطة تبلغ رئيس الجمهورية ولا حد ها يسال فيك
اعمل محضر و امشى قانونى اهم حاجة و ارجع بالتعويض على هيئة النقل العام بس لازم كنت تثبت الحادثة
صدقنى ربنا هيعوض عليك من باب تانى