الي يخبطه اوتوبيس نقل عام يعمل ايه؟؟؟

**ah_boba_ly** · 23-08-2011 07:34 AM

استفسار بسيط وبعد كدا اقولكوا ع عملته السوووودا.....
لو خبطني اوتوبيس نقل عام وطلع يجري بس اخدت رقمه وروحت اعمل فيه بلاغ تاني يوم
هل هقدر اخد حقي منه ولا كدا بالسلامه ولا اعمل اييييييه؟؟؟؟

**graffittiii** · 23-08-2011 07:46 AM

غالبا هتاخد حقك والسواق هيتحاسب ويتظبط خصومات أو تاخد عليه غرامات .... ولو حاجة كبيرة هيتوقف.. بس الكلام ده لو عسكري المرور شاهد الحاثة بعينوووو ... أو جه وعاين الوضع وحدد مين غلطان ...
بس مش عارف ف الأيام دي إيه الوضع ....باعتبار أن بتوع المرور بيعملو ساونا ف الساحل ...
هو عمل إيه بقي ؟...
ومعلش سؤال ... هو الأتوبيس هيخبط ويجري إزاي ؟ أو بالأحري السفينة دي هتجري ؟؟!!

**eng.m7md.ali** · 23-08-2011 07:55 AM

ريح دماغك واستناه مكان ماخبطك ومعاك شوية بلطجية واقفشه واديلو ومحدش يقولي كدة حرام وانت بتحرض على العنف صدقني هو ده الحل الوحيد

**Dr_Mido** · 23-08-2011 08:03 AM

المشاركة الأصلية كتبت بواسطة eng f3lix

ريح دماغك واستناه مكان ماخبطك ومعاك شوية بلطجية واقفشه واديلو ومحدش يقولي كدة حرام وانت بتحرض على العنف صدقني هو ده الحل الوحيد

المبداء صح بس التنفيذ غلط خمسين جنيه ونقى اعفن مينى باص ماشى مدغدغ وخليه ياخدة كتف قانونى من ضهرة لوشه ويجرى برضه انا عملتها قبل كدة

**graffittiii** · 23-08-2011 08:09 AM

المشاركة الأصلية كتبت بواسطة Dr_Mido

المبداء صح بس التنفيذ غلط خمسين جنيه ونقى اعفن مينى باص ماشى مدغدغ وخليه ياخدة كتف قانونى من ضهرة لوشه ويجرى برضه انا عملتها قبل كدة

مش عارف ليه حاسس أن الأتوبيس مش هيحصله حاجة لو أتعمل فيه كده والميني باص هو اللي هيزعل

**Dr_Mido** · 23-08-2011 08:20 AM

المشاركة الأصلية كتبت بواسطة taiwo

مش عارف ليه حاسس أن الأتوبيس مش هيحصله حاجة لو أتعمل فيه كده والميني باص هو اللي هيزعل

المينى باص اكصدامه حديد كامر ياباشا يعنى هيزعله

**ah_boba_ly** · 23-08-2011 08:53 AM

ههههههههههههه.....والله دي افكار كويسه بس هوا خبطني ف الصاج الي فوق العجله اليمين الي ورا وسلم ع الرفرف كمان...وطبعا هوا مش جري بمعني جري هوا دخل وسط الزحمه وهوب الطريق وقف وبالسلامه هوا كدا..طبعا انا اخدت الرقم بس مش عارف لو عملت محضر هجيبه ولا هوا عشان نقل عام يبقى بالسلامه كدا...عموما انا عاوز اعلمه الادب وانا راجل مهندس ومليش ف البلطجه بس من ناحيه الوسايط والظباط وكدا مرتاح اوي الحمد لله...فأعمل ايه بقى؟؟؟؟؟؟؟؟؟؟؟؟؟يريت لو حد جرب الحركه دي