الموضوع: بنزين 90 ولا 92 ولا 95

اولا انت نوع عربيتك ايه
ثانيا اكيد نوع البنزين الموصي بيه مكتوب في المانيول بتاع العربيه
ثالثا تغيير نوع البنزين موش مشكله علي ما اعتقد

يا جماعه سبق و تكلمنا علي حكاية البنزين وعلاقتة بالموتور...ودة ممكن تعرفة حتي من غير ما يكتبوا في المانيوال عن طريق معرفة نسبة انضغاط المحرك...لو نسبة الانضغاط عالية ...يبقي لازم البنزين يكون رقم اوكتانة عالي...لو نسبة الانضغاط قليلة نسبيا ...يبقي عادي ...90 او 92 مش هاتفرق...

وطبعا زي مانتوا عارفين الفرق بين الـ 90 و الـ 92 ...حوالي 2 جنية في الصفيحة يعني مش هاتفرق لو العربية زيرو...وجديدة ...والـ 92 مناسب يبقي توكل علي الله...


البنزين الـ 90 والـ 92 مناسب للمحركات ايلي نسبة انضغاطها لحد 10.5:1
اعلي من كدة يبقي 95 وربنا معاك..

المشاركة الأصلية كتبت بواسطة hero

يا جماعه سبق و تكلمنا علي حكاية البنزين وعلاقتة بالموتور...ودة ممكن تعرفة حتي من غير ما يكتبوا في المانيوال عن طريق معرفة نسبة انضغاط المحرك...لو نسبة الانضغاط عالية ...يبقي لازم البنزين يكون رقم اوكتانة عالي...لو نسبة الانضغاط قليلة نسبيا ...يبقي عادي ...90 او 92 مش هاتفرق...


البنزين الـ 90 والـ 92 مناسب للمحركات ايلي نسبة انضغاطها لحد 10.5:1
اعلي من كدة يبقي 95 وربنا معاك..

هيرو يعنى ايه نسبه انضغاط معلش اصلى مليش فى السياسه

والعربيات دى نوعها ذى ايه

انا اول مااستلمت العربيه مكنش فيه بنزين يوصلنى البيت على الاخر وصلت لحد بنزينه وانا بدعى يارب توصلنى ملقتش 95 ولا 92

قلت له فول 90 :D:D:D اعمل ايه يعنى ازق العربيه لحد البيت لقيت ناس فى البنزينه قالوا لى متعمليش كده تانى متحطيش 90 فى الزيرو بيسد فلاتر وكلام من ده

المهم مشيت بالعربيه لحد ما خلصت بنزين وبقيت احط 92 بس صراحه محستش فرق غير ان 90 بسمع ذى صوت كركبه بالموتور

المشاركة الأصلية كتبت بواسطة دموع الثلج

هيرو يعنى ايه نسبه انضغاط معلش اصلى مليش فى السياسه

والعربيات دى نوعها ذى ايه

انا اول مااستلمت العربيه مكنش فيه بنزين يوصلنى البيت على الاخر وصلت لحد بنزينه وانا بدعى يارب توصلنى ملقتش 95 ولا 92

قلت له فول 90 :D:D:D اعمل ايه يعنى ازق العربيه لحد البيت لقيت ناس فى البنزينه قالوا لى متعمليش كده تانى متحطيش 90 فى الزيرو بيسد فلاتر وكلام من ده

المهم مشيت بالعربيه لحد ما خلصت بنزين وبقيت احط 92 بس صراحه محستش فرق غير ان 90 بسمع ذى صوت كركبه بالموتور

ماهو ده صوت التسقيف يا دموع خليكي في 92 مش فارقه

نسبة الانضغاط دي هي نسبة الضغط ايلي بيتكون في البستم بعد حرق خليط البنزين والهوا للجزء الفارغ في البستم من فوق خالص من عند الصبابات.....(مش عارف كدة قدرت اوضحها ولا لا)..

المهم..ممكن تفهميها علي انها ضغط البستم ايلي في الموتور ...(الموتور فية 4 بستم)

الضغط دة لما بيكون عالي قوي (يعني اكبر من 11:1)...بيحتاج وقود عندة مناعة عالية من الانفجار ...علشان ما يتحرقش وينفجر بسبب الضغط لواحدة قبل البوجيهات ما تطلق شرارة الاشتعال....وانواع المواتير دي بيستخدم معاها بنزين اوكتانة عالي قوي...من 95 لحد 97 او حتي 100...
اغلب العربيات الاسبور...زي مثلا Toyota XRS بتبقي محتاجة بنزين من دة..

العربيات ايلي ضغط موتورها قليل (يعني من اول 9:1 لحد 10.5:1 )....ممكن يستخدم معاها بنزين مناعه للانفجار قليلة علشان اصلا الضغط قليل....ودة زي موتور الكورولا الـ 2007 وايلي هو هو موتور الياريس...

العربيات ايلي نسبة انضغاطها اقل من كدة....يعني 8:1 زي اللادا او الشاهين ...ممكن تشتغل ببنزين 80....


--------------------------------------------------------------

ايلي حصل معاكي....دة لان المحطة علي الطريق...وغالبا البنزين مش كويس....يعني مغشوش...وتقريبا بيغشوة ببنزين 80...لان البنزين دة لو 90 فعلا العربية مش هاتسقف...

----------------------------------------------------------------

الفرق حاليا بين الـ 90 وا الـ92 ....حوالي 4 جنية في التانك (بالنسبة للياريس) ودة مبلغ مش كبير ...يعني خليكي في الـ 92 احسن ....لكن لو الظروف حكمت انك تموني 90....مافيش مشاكل....

الف شكر يا هيرووووو ويا
hamedo0

انا فعلا مستعملتش ال 90 الا المره دى لانها غصب كنت مضطره لكن 92 على طول
وكنت عامله مشروع انى امون 95 على طول قبل ما تغلى الاسعار بس المشروع كده فشل ولو زاد البنزين تانى همون جاز