يا جماعة انا عاوز اجيب العربية byd فى ناس تقول الاتوا احسن ونايس تقول الاتو كلها مشاكل وناس تقول المنول احسن وناس تقول المنول فيها مشاكل من نحية الفتيس تنصحونى اجيب الية انا محتار واية المشاكل بتعة العربية
عرض للطباعة
يا جماعة انا عاوز اجيب العربية byd فى ناس تقول الاتوا احسن ونايس تقول الاتو كلها مشاكل وناس تقول المنول احسن وناس تقول المنول فيها مشاكل من نحية الفتيس تنصحونى اجيب الية انا محتار واية المشاكل بتعة العربية
الصراحة لا المنيوال و لا الاوتو سمعنا ان فيهم مشاكل في الفتيس
هو انا كلامي ليه مش واضح
بقول عمرنا ما سمعنا عن مشاكل في الفتيس الاوتوماتيك او المانيوال
بالراحة شوية يا باشا عليا .. أنا عضمة كبيرة ومش حملك :dumb:.. معلش مأخدتش بالي من مشاركتك كويس .. بس الغريبة أني فهمتها أن الاتنين فيهم مشاكل :oh:
الواضح ان الصيام عامل شغل جامد جدا
اشكركم جميعا لان الحوار تسبب فى ان ضحكت من الاعماق لخفة دم الجميع وبعدين لا احد يغضب الاستاذ ZIABASSEM الان بخصوص الفتيس لان حواره مع اعضاء نايل موتورز عن الفتيس الالمانى DSG اسقط هذا الفتيس من نظر الاجميع واسئلة الباشا باسم كشفت خبايا هذا الفتيس الالمانى ولذلك لم نجد بعد هذه الحوارات اضمن من الفتيس اليابانى الى ان يجد امر اخر
اشكرك -darsh باشا ومرحبا بك معانا وتنورنا دائما فى قسم ال BYD
شكرا ايهاب باشا على مشاركة سيادتك اللطيفة
الفتيس المنوال فية ونة
كل فتيسات المانيوال فيها ونة يا أستاذ/ ماجد أو مومو أو أو أو
علشان لو كدة يبقى عليه العوض في اللي اشتروا البي واي دي .. والنبي ناولوني الولاعة عاوز أولع البي واي دي بحالها .. حلو كدة يا نيرون باشا .
من وجهة نظري لسه يا دكتور مناهري الحقيقة الكاملة مظهرتش بخصوص الفتيس dsg عقلي مش مستوعب أن يكون فيه سقطة من الألمان .. ومازالت الحوارات قائمة .
وبالنسبة لصاحب الموضوع ممكن تتصفح كل موضوعات البي واي دي من البداية من ملاكها (وبكرر من ملاكها) للوقوف على حقيقة السيارة إذا كانت مناسبة من عدمه بالنسبة ليك .
يا اخ باسم انا باتكلم بناء على انى معى السيارة وابقى اسال حتى اى حد معاة السيارة واللى اكد المعلومة الاخ جاد اللى ياعينى لسة شارى السيارة جديدة واتوماتيك كمان بلاش تشكك فى كلام الناس وانت لاتمتلك السيارة حتى
هاهاهاها
الغريب إني انا كمان قريتها إن الإثنين فيهم مشاكل والأكثر غرابة إني رجعت أراجع إسم السيد الفاضل كاتب الجملة وأرجع تانيي أقرا الكلام مش عارف ليه وأنا مقتنع إنه بيقول إن الإثنين فيهم مشاكل الصيام عامل عمايله معانا كلنا :M_yes[1]:
ماصحيتش غير لما رد علي باسم باستغراب إزاي الكلام مش واضح :M_yes[1]:
كل سنة وانتم طيبين ورمضان كريم يا شباب
ما الغريبة أني سألت والله بناء على مشاركاتك السابقة .. ومكتفتش بالسؤال فقط .. قمت بتجربة أكثر من سيارة .. وشايف أن مفيش حاجة مش طبيعية .
عاوزين نتكلم بموضوعية شوية .. لو فيه مشكلة عندك ممكن تكلم حد من القائمين على التوكيل من اللي معانا هنا في المنتدى وهما حيعتنوا بالسيارة ويكشفوا عليها ويشوفوا فيها أيه بالظبط .. وإن شاء الله الأمور تتظبط .
وبالنسبة لمحمد اللي معاه الأتوماتيك هو الأجدر بالرد إذا كان فيه مشكلة عنده ولا لآه .
على فكرة عاوزك تحط في دماغك أني مبشككش في كلامك .. بس اللي يشكك بالفعل هو عدم استجابتك عند محاولة مد يد العون والمساعدة ليك .. فدي بيبقى قدامها علامات استفهام كتيرة ؟؟! فأصبحنا في حيرة أنت عاوز أيه بالظبط .. ويا ريت توضح لينا أنت عاوز أيه ؟!
ملحوظة : يا ريت يا جماعة اللي عنده مشكلة الونة اللي في الفتيس دي سواء مانيوال أو أتوماتيك يقول عليها .. وهل وصل لحل ولا ظلت المشكلة زي ما هي .. وهل هي مأثرة في أداء العربية أم لا .
الحمد لله يعني مش أنا لوحدي اللي فهمت المشاركة كدة .. وزي ما بيقول إيهاب الصيام عامل عمايلة .
طالما في اجماع ان المشاركة اتفهمت غلط
يبقا الغلط عندي انا مش معقول يعني كلكم غلط و انا الي صح هههههههههههههه
أيوة كدة اعترف وقر بالواقع ههههههههههههههه
إنما أنت أيه رأيك في موضوع ونة الفتيس دي .. وأنت العربية عندكم شغالة تقريباً 24 ساعة .. وهل سمعت عنها قبل كدة ولا لآه من الزملاء اللي عندهم العربية .. أرجو الإجابة بموضوعية ووضوح .
اقترح على سيادتك عمل موضوع مستقل عنوانه "البي واي دي ما لها وما عليها" وتحط فيها مميزات وعيوب السيارة بكل حيادية .. وأختياري لسيادتك بصفة خاصة بناء على أن العربية شغالة تاكسي ويا ريت لو جمعت أو سمعت عن عيوب ظهرت عند حد من اللي عندهم العربية تاكسي .. يعني مش ملاكي وشغل دلع .. رغم أني أعرف واحد عنده العربية ملاكي ومطلع &^%$^%^&^ أم العربية والحمد لله مبيشتكيش منها .
مفيش أخبار عن موعد نزول الفتيس DSG ، وتنصحونى أجيبها أتوماتيك ولا أستنى موضوع الفتيس dsg مع العلم أن سعر العربيه زادت بقت 81,500 ج
انا عندى صوت الونة اللى فى الفتيس ... بدا يظهر بعد المقابلة الاخيرة بشوية ... لاكن هو مش مأثر على اداء العربية خالص ... ولاكن السؤال المهم ... يا ترى هو ها يأثر على عمر الفتيس ولا تأثير هذه الونة بيكون على اية بالظبط ؟؟؟؟؟ يا ريت حد يفيدنا ؟؟؟؟
شوف موضوع الونة ده كان موجود عالغيار التاني اول 1000 كيلو و اختفى بعد كدة و سمعت عنها في مواضيع كتير.....................و معلش في الكلمة يعني الونة دي مش ماثرة عالفتيس في اي حاجة و بتتعالج في الصيانات و اصلا ده دلع الي يقولك الفتيس فيه ونه و تعبااان و و و و .......ملقوش في الورد عيب بقا و انت فاهم.....
بالنسبة للموضوع ده انا فكرت اعمله فعلا بس هجهزله صور و حجات تانية و ربنا يسهل..........و مهما كان الملاكي بيهلك عربيته مش زي التاكسي عربيتنا من 26/4/2011 عملت 15 الف كيلو.......تخيل انت بقا و ال 15 الف دول داخل القاهرة فقط مفيهمش سفر غير ساعة التليين بس ....عشان كدة بكون غاضب جدا من اي اتهام للعربية بانها ( صيني ) و انت فاهم قصدي .........و علىى فكرة مفيش عربية في ال 6 عربيات الي في احلال التاكسي استحملت مع السواقين زيها ......
بيقولوا على أخر السنة والله وأعلم .. وراجع على مواضيع الفتيس dsg في قسم فولكس الأول قبل ما تاخد أي قرار .
يا جماعة يا ريت تفرقوا ما بين الصوت الطبيعي سواء للموتور أو للفتيس أو أي صوت تاني .. وعلى العموم حاول تشوف الموضوع ده يا بوب في التوكيل في الصيانة القادمة أو في أقرب فرصة ظروفك تسمح بيها .
نحن في الانتظار يا باشا .. لأن تقييمك ده حيكون أكتر تقييم بناء على تجارب شاقة .
غالبا راح لوحده.............او اتعمل في صيانة الالف و لو اني مشفتش حاجة اتعملت في الالف اكتر من العفشة و غيار الزيت
سؤال يا شباب .. هل بيتم تغيير زيت الفتيس في أول صيانة بتتعمل ولا لآه .. لأنه من وجهة نظري الأصلح زيت الفتيس كله ينزل ويتحط زيت جديد (قصدي ميتزودتش لو كان ناقص) .. على الأقل لو في الفتيس رايش أو عوالق من جراء عملية التصنيع تنزل مع تغيير الزيت في صيانة الـ 1000 .
وهل تعتقدوا أن نوعية زيت الفتيس الفابريكة ممكن تكون هي السبب لو كان فيه ونة موجودة .. ودي نقطة ممكن تتحط في الحسبان على اعتبار توفير النفقات في عربية بالسعر ده .
اولا ما بيتمش تغيير زيت الفتيس الا بعد 50 الف كيلومتر و ده في اغلب العربيات
انت صح الاصلح الالتزام بتغييره بالكامل في ميعاده و ما يتزودش
نقطة تغيير زيت الفتيس بعد 1000 كيلو دي ماحدش قبل كدة فكر فيها خالص و لا بيعملها لان الناس اصلا ما بتغيرش زيت الفتيس على الاطلاق و ممكت تسيبه كدة و تزوده بس .....
مش فاهم تقصد ايه بتوفير النفقات ؟؟؟؟ تغيير زيت الفتيس بالكامل ما بيتكلفش كتير
الموضوع جدير بالمناقشة في موضوع جديد
احنا كدة بوظنا الموضوع ده اعمل موضوع جديد و هتلاقي تفاعل اكبر
اللهم صل على محمد وعلى آله وصحبه أجمعين
واللة يا جماعة انا عن نفسى عندى الونة ولازالت موجودة فى الغيار التانى والثالث عند سرعة 20 كم فى الغيار التانى وسرعة 60 كم فى الثالث وتظهر عندما ارفع رجلى من على دواسة البنزين وانا على هذة السرعات وقولت للتوكيل وقال لى ان بعض السيارات البى واى دى فيها الموضوع دة وليس عندة حلول السلام عليكم ورحمة الله وبركاته
والله انا عندى الونة دى لغاية سرعة 50 ك/س بعد كدة بتختفى
بس دى ونة بسيطة جدا ومالهاش اى تاثير على السيارة
ده حتى ساعات باستمتع بصوتها كمان
تفتكر يا د. شريف أن دي ممكن تكون طبيعة صوت الفتيس .. زي ما بيكون فيه صوت مميزة لكل نوعية من المواتير كدة .. وتفسير حضرتك ممكن يكون أيه للونة دي .
والله انا شايف انه حاجة عادية جدا جدا وصوتها بسيط وموش مزعج
انا عندى نفس الونة فى الكورولا لما بيكون الا rpm مابين 1.8 و 2.5 وبعد كدة بيختفى وعمرى ما حسيت انه فى مشكلة وانا عامل بيها لغاية الان 20000 كيلو تقريبا
اعتقد انه ده شئ مميز لكل نوع سيارة وليس عيب على الاطلاق
تصدق وتؤمن بالله يا دكتور أنا لما جربت العربية (وأكثر من عربية) وسمعت الصوت (اللي لازم تدقق فيه جامد) محستش أنه عيب إنما كان انطباعي نفس انطباعك بالظبط أنه بيكون الصوت المميزة لأي عربية .. وكذلك صوت الموتور نفس صوت (الزعقة) اللي في اللانسر بومة بالظبط .. بس أنا بصراحة أبتديت أشك في نفسي من كتر الزن اللي على الودان واللغط المثار .
كل سنة و أنتم طيبيناقتباس:
ا اخ باسم انا باتكلم بناء على انى معى السيارة وابقى اسال حتى اى حد معاة السيارة واللى اكد المعلومة الاخ جاد اللى ياعينى لسة شارى السيارة جديدة واتوماتيك كمان بلاش تشكك فى كلام الناس وانت لاتمتلك السيارة حتى
يا جماعة العربية معايا مشاء الله كويسة جداً و أنا راضي عن إختياري و لو رجع بيا الزمان حجبها برضه و مش حجيب غيرها و بالنسبة لموضوع الونة هي ابتدت تقل و العربية سحبها كويس جداً و أنا كنت راجع بها امبارح من العين السخنة و ماشي 160-170 و كانت بتجيب كمان