المواصفات الفنيه

الكاريرا العاديه بتيجي بمتور 6 سلندر كالعاده 3400 سي سي بتنفس طبيعي و بقوه 350 حصان اياكتر ب 40 حصان عن الموديل الحالي و بتحقق مناوره من 0-100 في 4.6 ثانيه مع الفتيس ال pdk و في 4.4 مع اعتماد وضعيه ال sport +

الكاريرا s بقي بتيجي بمتور 6 سلندر برضه لكن السعه زادت الي 3800 سي سي بتنفس طبيعي برضه و بقوه 400 حصان اي اكتر ب 50 حصان عن الموديل الحالي و مناوره ال 0-100 بتتحقق في 4.3 ثانيه و بتتقلص الي 4.1 ثانيه مع ال sport +

العربيه اخف بحوالي 45 كيلو عن الموديل الحالي و هتتوفر و لاول مره بال pdcc اي نظام بورش للتحكم الديناميكي في الشاسيه و ده معناه زياده خارقه في الثبات لان النظام ده اثبت كفائته في الكايين و بجداره مما يعني ان ال 911 الجديده هي ملكه المنحنيات بلا منازع و دوروا علي فيديوهات لل pdcc عشان تعرفوا ادائه

و من المعلومات السابقه تدور التوقعات ان ال 911 تيربو هتبقي وحش لا يستهان بيه و قوتها لن تقل باي حال من الاحوال عن 550 حصان و ان كنت اعتقد ان بورش هتحاول تتخلص من منافسه ال gtr .