بص انا لسة طالب فى هندسة وهحاول اجاوب على قد معرفتى
مهندس السيارات لما بيتخرج بيشتغل فى مراكز الصيانة والتوكيلات وكدة
وممكن يشتغل فى مصانع التجميع بس اغلب شغلة هيكون فى مركز الصيانة لان معظم اللى فالمصنع اما انتاج او باور
الرسم بالكمبيوتر على برامج زى ( انفنتور - سوليد وركس - برو انجنير - وغيرهم ) دية برامج بتزود احترافيتك وخبراتك واغلب البرامج دية عشان التصميمات ثلاثية الابعاد وينفع تصمم بيها عربية من الالف للياء وتعمل المحرك كمان وتجمعة اجزاء على البرنامج وممكن تشتغل بالبرنامج دوة بس كرسام علية بالمقاسات اللى هتجيللك فى مكاتب التصميم او الشركات فى اى بلد
مش عارف ينفع تخش فنية عسكرية ولا لاة بس مشكلتها انك هتشتغل فى الجيش هتبقى بقى مهندس سيارات او مدرعات او كدة بس مش هينفع تشتغل برة الجيش وبس ولو جاتللك سفرية لازم تقدم استقالتك ولو استقالت من الجيش فى الهندسة اللى اعرفة بتبقى ممنوع من السفر 5 سنوات عشان طبعا فى اسرار انتاج وتصنيع وقصص من هذا القبيل
بص باختصار مهندس السيارات بيدرس كل ما يتعلق بالسيارات يعنى بيدرس ديناميكا حرارية وطبيعة احتراق الوقود وبيدرس تصميم الجسم الخارجى لتقليل مقاومة الهوا ( جزء من الايرو ديناميك ) بيدرس تصميم المحركات بيدرس طبيعة عمل المحركات المختلفة بنزين ديزل نفاث وكدة يعنى كمان هتدرس جزء كهرباء والكترونيات هتدرس جزء تحليل اجهادات على جسم العربية عشان متتكسرش او تشرخ من الاحمال فى الصدمات تتحمل قد اية وكدة يعنى
عشان تبقى مصمم سيارات لازم تدرس كل اللى قلتة فى السطرين اللى فوق وتدرس طرق تشكيل المعادن وبالاخص الواح الصاج و تصنيع الاجزاء البلاستيكية بيتم ازاى عشان تبقى عارف اللى انت بعملة دوة ينفع يتعمل فى الحقيقة بسهولة وللا هيبقى صعب ومكلف ومعقد
وجملة ليك المهندس المفروض انة بيبقى عارف كل ذرة فى العربية لية وازاى واشمعنى وامتى وفين ومين كمان وهو فى الورشة هيوجة وهو مسؤول عن كل كلمة بيقولها وممكن يمد ايدة فى الحاجات الدقيقة اللى محتاجاه بس لللللللللللكككككككككككككك نننننننننن الفنى اللى خريج مدرسة صنايع سواء 5 او 3 سنين هو الى بيعمل كل الشغل بايدة يعرف السطحيات وبعض النظريات والفنيات بتاعت الحاجة
المفضلات