سؤال يا خبرا فى قطع الغيار

**ghftrtrwrgwer** · 24-08-2011 02:00 PM

سلام عليكم يا شباب
مشكله عايز رأيكم فيها
عندى لانسر 2007 1600 وانا من اسكندريه كان فيه مركزين صيانه معتمدين واحد منهم مش محترم عن تجربه والتانى محترم بالسمع
عايز اركب قطع غيار اصليه زى طنابير وتيل امامى وفلاتر بنزين وهوا وتكييف وحاجات تانيه صغيره بس معرفش هل عندهم اصلى ولا بعد التوكيل ما طار من مصريه يكونوا بيشتغلوا فى قطع مش اصليه

فكرت انى اطلب قطع الغيار الاصليه من داياموند موتورز واجيبها بشركة شحن لأنى بصراحه مش حقدر اسافر مخصوص

حد عنده فكره ينفع اعمل كده ولا مينفعش وحد عنده اى افكار تانيه؟؟

مستنى رأيكم يا وحوش

**m_elkhwalka** · 25-08-2011 09:31 AM

عن تجربه ... مركز المأمون بالمزاريطه محترم جدا وكله اصلــي بس المصنعيات نار ياحبيبي نار وده مكن يكون بسبب انه مكز صيانه هوندا فى الاساس

**punisher** · 08-09-2011 12:31 AM

مع احترامى لرأى حضرتك .. مفيش مركز صيانة محترم لمتسوبيشى فى اسكندرية ... المأمون والصفوة ... أخرتهم صيانات دورية ...

تعاملى دايما كان مع المأمون ولما حصلت مشكلة معايا قالولى لازم تروح تصلحها فى قليوب ... أمال انتوا بياعين طماطم ولا ايه ؟ّ!!!

من الأخر ... اشترى قطع الغيار الأصلية وخلى اى ميكانيكى نضيف يركبهالك ...

المأمون فى الصيانات الدورية وقطع الغيار فقط .... غير كدا لأ ...

دى نصيحتى ليك بعد 100 ألف كيلو وعشرة 4 سنوات مع العربية

**punisher** · 08-09-2011 12:35 AM

الفلاتر لازم تكون أصلى ...

تيل الفرامل لو مش sumitomo .. بلاش تشتريه عشان بياكل الطنابير ... دا اللى هوا AK

انا بعد ما قرفت من ال AK سمعت هنا عن تيل اسمه Gold واشتريته ب 65 جنيه ..

التيل ممتاز جدا ومش بيصفر ... يعيبه ان بغد عسيل العربية بيعمل صوت حكة جامده بس بعد كام مشوار بتختفى

**IronHead** · 08-09-2011 10:48 AM

المشاركة الأصلية كتبت بواسطة m_elkhwalka

عن تجربه ... مركز المأمون بالمزاريطه محترم جدا وكله اصلــي بس المصنعيات نار ياحبيبي نار وده مكن يكون بسبب انه مكز صيانه هوندا فى الاساس

هو فعلا فى حتة اسماها "مزاريطة" انا كل ده فاكر انها من تاليف احمد مكى :)

**punisher** · 08-09-2011 03:19 PM

الأزاريطـــــــــــة ... يا باشا

**ghftrtrwrgwer** · 08-09-2011 03:25 PM

الحمد لله لقيت تاجر قطع غيار اصليه يمكن مفيش غيره فى اسكندريه وجبت كله اوريجينال تيل وطنابير وفلتر بنزين وهوا بس التكييف اشتريت كورى وهو ورانى انه عنده اوريجينال بس نصحنى انه مفيش فرق انما فرق السعر كان كبير فعلا

الخلاصه كلمت المأمون قلتلهم حجيب قطع الغيار بتاعتى لقيتهم بيحاولو يطلعو القطط الفاطسه فى الموضوع وبيحاول المهندس يقنعنى انهم بس الى عندهم قطع غيار اصليه وحب يرسم الدور عليا يقولى احنا التوكيل

قلتله انتو مركز صيانه معتمد ومن الموزع القديم كمان

قالى احنا الوحيدين المعتمدين من الوكيل الجديد فى اسكندريه مع انى كلمتهم فى رمضان دايموند موتورز يعنى واكدولى انهم معتمدوش حد فى اسكندريه

عموما حدور على مركز صيانه كويس يركب الحاجه ولا مأمون ولا الصفوه الحراميه النصابين

**punisher** · 08-09-2011 03:50 PM

للأسف لسه مكلم دياموند موتورز وقالولى ان مركز المأمون معتمد .. ان شاء الله عن قريب اتصل بيهم واقدم فى المأمون شكوى بكل المشاكل اللى قابلتنى ومعرفوش يعملوا فيها أى حاجة ... دا مركز قذر

المهم بقى .. مين اللى عنده قطع الغيار الأصلى دى وبكام وفين ؟

**ghftrtrwrgwer** · 08-09-2011 04:58 PM

محل فى شارع الجواهر ودى ارقام تليفونات اصحابه
الحاج أحمد 0121703222
أ/ محمد 0106619230

انا نقلتلك البيانات من الكارت بتاعهم

الاسعار لبوما 1600

تيل فرامل 530
طنابير الواحده ب 665
فلتر بنزين 620
فلتر هوا مش فاكر تحديدا بس اظن 200
فلتر تكييف تايوانى 70
مرايه يمين ( زجاج عاكس فقط ) 125

طقم جنوط بس مش متواجد حاليا 1400

فاصلت معاه بس منزلش كتير حوالى 80 جنيه بس

**ghftrtrwrgwer** · 08-09-2011 04:59 PM

المشاركة الأصلية كتبت بواسطة punisher

للأسف لسه مكلم دياموند موتورز وقالولى ان مركز المأمون معتمد .. ان شاء الله عن قريب اتصل بيهم واقدم فى المأمون شكوى بكل المشاكل اللى قابلتنى ومعرفوش يعملوا فيها أى حاجة ... دا مركز قذر

المهم بقى .. مين اللى عنده قطع الغيار الأصلى دى وبكام وفين ؟

بالمناسبه انا كنت فاكر المأمون مركز كويس واتصلت بيهم عشان اروحلهم بس لو قارنت بينهم وبين الصفوه فأكيد أكيد الصفوه لازم يتحرق بالنصابين اللى فيه