انا معايا ماروتى 2010 عاوز اعرف صيانة ال 40000 الكتالوج مش فاهم منه حاجة
عرض للطباعة
انا معايا ماروتى 2010 عاوز اعرف صيانة ال 40000 الكتالوج مش فاهم منه حاجة
استبدال مية الريداتير
تغيير الزيت وفلتر الزيت
تغيير بوجيهات وتنظيف الكربيراتير
تغيير فلتر الهوا
تغييبر فلتر البنزين
تغيير زيت الفتيس
الكشف على تيل الفرامل الاماميه ورجلاش الخلفيه وتغيير التيل ان لزم الامر
تربيط عفشه وظبط زوايا وترصيص
تغيير سير الكاتينه والدينمو
بس كده
تحياتي
انا كل ما اروح اربط عفشه الراجل ميلاقيش حاجه مفكوكه وبيقول المساكير كانها متبرشمه انها متفكش
شاكر ليك جدا انا فعلا عملت معظك الحاجات دى و انا بس كان لى كام استفسار
اولا بالنسبة لتيل الفرامل انا غيرته كان متاكل لحد اكتر من نصفه تقريبا
وعملت رجلاش بس الفرامل بقيت اجمد من الاول وبتقفش جامد وعلى طول على عكس الاول مش عارف ده كده كويس وطبيعى
وكمان فرامل اليد بقيت جامده عن الاول والتكات بتاعتها بقيت اقل وبتقفش جامد ومن اول تكتين ده طبيعى كده؟؟
ثانيا انا ظبطت تاكيهات فده برده كان مطلوب؟؟
ثالثا غيرت ابلاتين وكوندنسر؟؟
رابعا انا غيرت سير الدينامو بس سير الكاتينة اللى اعرفه عند 100 الف
منتظر ردك
زي ما د \ حازم قالك بالنسبة الصيانة + تبص ع زيت الفرامل
بالنسبة الهاند بريك متقلقش الميكانيكي شدهالك هتلاقيها من تكتين تلاتة اترفعت بتتظبط من مسمار رجلاش بين الهاند بريك و سلك الفرامل المفروض انها تكون من 5:7 تكات
بالنسبة التاكيهات ديه بتتظبط في حالتين يا اما ان درجة الحرارة ارتفعت لدرجة انها خلت الصمامات تتمد دو بقي فيه فرق بين الصمام و التاكيه فبتتظبط
يا اما بعد ما تكون عامل عمرة للموتور
و ديه بتتظبط في حدود 30-50 جنيه
و يفضل متخصص ضبط تاكيهات يعملها
طقم الكهربا معتقدش انك كان المفروض تغيره دلوقتي
بالنسبة سير الكاتينة ده بيتغير في حدود 50-60 الف و ده يعتبر شئ اساسي عشان لو لا قدر الله اتقطع منك كابت كاتينة و هتفتح منك
و بالتوفيق ان شاء الله
عشان اكون اكثر مصداقيه
بط التاكيهات في الكتالوج المفروض كل 20 ألف
لكن انا مش شايف له داعي طالما مفيش الحاجات اللي قال عليها اكسيل وكمان مفيش صوت تكتكه عالي او ارتفاع حاد في استهلاك البنزين من غير سبب واضح
بالنسبه للفرامل اعتقد انك عملتها عند حد كويس جدا لانها بالشكل ده صح صح وفرامل اليد المفروض لما تترجل فعلا تبقى جامده ويادوبك تكتين بالكتير تلاته
سير الكاتينه مكتوب في الكتالوج 100 ألف فعلا لكن في التوكيل هنا بيتغير كل 40 ألف والمشكله انه سير مش جنزير فالخوف انه ميستحملش 100 ألف
عموما ممكن يتبص عليه وبعد كده كل 5000 كيلو يتبص عليه بصه وكده كده النضيف منه جديد ب 235 جنيه وده مش مبلغ الحقيقه مقارنه بأهميته الكبيره
تحياتي
غير سير الكاتينه اضمن و شوف الكاوتش حالته ايه؟؟
نوع التيل اللي جبته ايه و بكام و منين ؟؟
انا فعلا ظبطت التاكيهات لان لقيت مكتوب فى الدليل كده لكن المشاكل اللى حضرتك ذكرتها ماظهرتش عندى الحمد لله لكن المشكلة دلوقتى انها بقيت بتاكل بنزين جامد مش عارف هو ده ممكن يكون السبب انها ماظبطتش صح
بالنسبة لطقم الكهرباء مفروض اغيره كل اد ايه؟
بالنسبة للفراميل هل كده انا غيرتها بدرى وهى كانت متاكلة لحد النصف تقريبا او اقل والميكانيكى قالى عاوزة تتغير؟؟؟
بالنسبة ان العربية بتاكل بنزين شوف ايه اللي فيها لو مفيش سبب واضح ( يعني مش من طقم كهربا او فلتر بنزين...الخ ) يبقي زي ما د \ حازم قال انه من التاكيهات عايزة تتظبط بس لو هتظبط بلاش ميكانيكي شوف متخصص ضبط تاكيهات احسن
بالنسبة طقم الكهربا ع حسب لو بتمشي ع عدد الكليو مترات ممكن كل 20-40 الف
لو مش بتمشي ع الكيلو مترات يبقي لما تبتدي تظهر مشاكل زي تنتيش او تقطيع ساعتها تغير
صاحبي مغيرش طقم كهربا بقاله 5 سنين يا دوب بطارية و البوجيهات بس بينضفها هههههه مفتري اوي بس مظهرش معاه اي مشاكل :B4_048:
بالنسبة الفرامل تمام اوي اول ما تتأكل و توصل للنص واقل يبقي تغير عالطول بدون تفكير و ده موضوع اتمني يفيديك بخصوص المحافظة ع الفرامل
http://www.nilemotors.net/Nile/223589-a.html