منين اشتري قطع غيار ل الاب توب

**نور القمر** · 24-08-2011 06:54 PM

اللاب بتاعي كان فيه مشكله انه بسيح جاكات الشاحن
مبوظالي يجي 4 وصلات لحد دلوقت
اخر حاجة حشرت ورقة فويل في الجاك وكان شغال معايا مدة طويلة لحد من يومين حطيت قطعة كبيرة عملت شورت مع اللاب وطلع شرارة وغالبا هتطلع القطعة الداخلية اللي بيركب فيها الجاك هي اللي اتحرقت
عايزة اشتريها واجرب هايشتغل ولا لأ
اللاب موديل قديم شوية اسر ترافل مات 6350 يعني غالبا مش هالاقيها جديدة فعايزة اماكن بتبيع قطع غيار لابات مستعملة

**yoko** · 24-08-2011 06:59 PM

سوق العصر
بس تلفي وتسألي لإن الأسعار بتتفاوت وفيه كتير بيستغلوا الناس
جمبكوا في الهرم معرفش انا أعتب رجلي في الجيزة اتوه

**pro_samir** · 24-08-2011 08:04 PM

أو البستان اقربلك و مليان بتوع صيانه برضو بس اعرفي التكلفه اولا

**نور القمر** · 24-08-2011 11:24 PM

الف شكر يا جماعة اللاب اشتغل لوحده مطلعتش محروقة
بس بردو مشكلة تسخين الجاك ويسيح بمرور الوقت مش عارفة حلها ايه

**windofchange** · 25-08-2011 03:56 AM

عموما حضرتك لو حضرتك هتروحي البستان او كوين سنتر اللي جنب سوق العصر الخليفة المأمون تبقي واخدة باللك وانت قبل ما تسلمي الجهاز باللي كان شغال فيه واللي كان عطلان(موضوع الجاك فقط) والمسامير بتاعته كاملة ومش ناقصة حاجة السي دي روم شغالة المروحة ملهاش صوت الشاشة سليمة كده يعني لأن انا اتعاملت مع واحد في كوين سنتر الدور التاني نصاب بجد وحسبي الله ونعم الوكيل ربنا يهديه فيه معاملة زفت وسرقة حاجت من الجهاز او اهمال تركيبها وتروح وتيجي انت بقي وكسر حاجات بلاستك فالجهاز ويقلك عادي مفيش حاجة وانت مش جايبه كده!!!!!!!!! لولا الواحد محترم بزيادة كنت لميت عليه المول , هيقلك مثلا سيبي الجهاز وتعالي بعد ساعة يفضل تكوني واقفة جمبه او تعالي بكره قوليله النهارده يجيلك يوم تاني لأنك اكيد مستعجلة ) وتوضحي وانك بتسلميه ان الجهاز شغال ميه ميه ومفهوش حاجة تانية بايظة إلا الجاك اللي بيسيح واعتقد من الافضل متسكتيش عالعيب ده ممكن يكون خطير ويطير حاجة فالجهاز(ياريت حد من المنتدي خبرة فالليكترونيات يرد علينا فالنقطة دي)وربنا يوفقك لكل خير ... ايهاب

**eng/muhamad** · 25-08-2011 04:22 AM

طيب انا كمان يا جماعه عاوز كارت شاشه للاب توب موديل قديم فوجى سيمنز
بس مش عارف الموديل بالظبط هل سهل الاقيه ؟

**maka** · 25-08-2011 05:51 AM

عموما السخونة فى الموصلات الكهربائية ظاهرة لمشاكل اغلبها تحميل زائد او سواء توصيل

مظنش ان اللاب هيسحب تيار اعلى من المقنن ليه و لو فرضا سحب مع التكرار الشاحن هيبوظ

المشكلة عندك هنا غالبا سواء توصيل يعنى الجاك بيركب مهوى فيودى لسخونته و انهيار العزل بعد فترة العزل يبدء يشيط

اكيد طالما جربتى اكتر من جاك يبقى العيب فى المكان اللى بيركب فيه الجاك , لو ليكى فى الصيانة البسيطة افتحى بصى عليه مكنش وديه لحد يفحصه

و اخيرا القفلة بتاثر فى المصدر يعنى القفلة لو كانت اثرت كانت هتاثر فى الشاحن بشكل اكبر من اللاب

المشاركة الأصلية كتبت بواسطة eng/muhamad

طيب انا كمان يا جماعه عاوز كارت شاشه للاب توب موديل قديم فوجى سيمنز
بس مش عارف الموديل بالظبط هل سهل الاقيه ؟

اللابات الفوجيتسو دى ذو اعتمادية عالية

اسال احسن فى منتدى الفوجيتسو سيمنز هتلاقى اللى هيفيدك

**نور القمر** · 25-08-2011 05:11 PM

فعلا المفروض الجاك الاصلي بتاعي كان اتخن حاجة بسيطة من باقي الجاكات اللي استخدمتها
مدام االمشكلة مشكلة حجم الجاك انا بقول اشتري شوية وكل ما واحد يسيح اغيره وخلاص
يعني اول مرة يبوظ مكنش ساح تقريبا كان اتقطع من جوه
وديته لصيانه غيره بنوع بلاستكه رديء جدا واخد 40 جنيه في حتة اللجاك وكان ارفع فعلا ومستحملش وساح على طول
بعد كدة بقيت استخدم بتاع لابات تانية بس مقاسهم اصغر وبيسيحوا ومينفعوش معايا نهائي لكن نافعين مع لاباتهم الاصلية بالرغم انهم سايحين

-

الموضوع: منين اشتري قطع غيار ل الاب توب

LinkBack

أدوات الموضوع

عرض

-

-

-

-

-

المواضيع المتشابهه

اشتري منين جالاكسي اس 2

عاوز اشتري قطع غيار منين ؟؟

اشتري اللوجان منين؟

اشتري منين nokia n8

اشتري قسط منين وبكام ؟

الكلمات الدلالية لهذا الموضوع

المفضلات

المفضلات

ضوابط المشاركة