m11 65000 k

**OSHA** · 25-08-2011 12:04 AM

قررت انى اغير سير الكتينه بره التوكيل تنصحونى بايه على الرغم انى دى اول تغير له من سعه مشتريت العربيه وايه حكايه الزنجيره الموجوده بس فى التوكيل ؟

**samehsalem** · 25-08-2011 01:43 AM

مش كتير كدة 65000ك علي سير الكاتينة اعتقد انه بيتغير علي 40000 او 45000 بالكتير اوي....بس عموما لو ناوي برة التوكيل يبقي عليك وعلي احمد مهران الناس كلها بتشكر فيه...

**mmmmgogommmm** · 25-08-2011 02:35 AM

خد بالك انا قرات كتيرفى النايل موتورز---ان فى ناس غيرتالسير برة التوكيل واتقطع والموتور اتاثر وباظ--لان السيور اللى برة مش مضمونة---سير التوكيل انجليزى اصلى ومضمون--مفيش داعى للمجازفة فى حاجة حساسة زى دى

**hugan** · 25-08-2011 03:22 AM

انا غيرت بره التوكيل مره واحده
لو ناوي قي 3 انواع
الدايكو الايطالي
الكونتناتل الالماني
الجيتز الانجليزي
وضروري تغير ال 3 بليات
وسير المجموعه
اما الزرجينه لا ن الترسين ببتوع الكامه لا يوجد لهم زنب علامه يعني علشان يعيدالتقسيمه عليهم
لكن كتير من الميكانيكيه عارفين الحل وهو انه بيمسك الترسين بكلابه قبل ما يحل السير
لو ناوي تغيير بره التوكيل لازم الميكانيكي تكون واثق فيه انه غير الكاتينه بتاعت الاسبرانزا قبل كده لانها معقده ولازم يكون اشتغل فيها كتير غير كده خليك في التوكيل اضمن
وكان سبب القطع للسير قبل كده ان الميكانيكي مش عارف يقسم صح
لو حضرتك من القاهره ممكن اقولك علي الميكانيكي بتاعي وشغال فيها وفي تاكسيات اسبرانزا كتير
وفي ابانوب في الا ميريه وه شغال في اسبرانزا بس

**gx900** · 27-08-2011 09:25 AM

السلام عليكم .....
ياجماعه بجد ياريت تردو عليا وترحمونى من العذاب اللى انا فيه.....
انا ان شاء الله ناوى اجيب عربيه وكنت بفكر فعلا فى الm11 علشان عجبانى بجد. بس اقدر اقول انى هادفع فيها اللى معايا كله . بس موضوع انها صينى مخوفنى مها بالاضافه للمشاكل بتاعتها اللى عرفتها هنا فى المنتدى . ومانساش برضه سعر اعاده البيع بتاعها. حاجات كتير تخلى اللى مكانى يفكر كويس. اجيبها واتكل على الله ؟ ولا افضل تقليدى زى الناس واجيب فيرنا ولا لوجان؟

**OSHA** · 27-08-2011 05:38 PM

هات فرنا احسن

**hemaa_82** · 29-08-2011 11:09 AM

لو هتحتاج تبيع قريب يبقي لا بديل عن الفيرنا

لو هتركبها مش اقل من 5 سنين يبقي m11

في فرق شاسع في العربيتين من حيث متعة الركوب و امان السواقة و انا معايا ال2 "اختي عندها فيرنا" و الفرق لصالح ال m11

انما برضه في فرق في سعر و سهولة البيع و الفرق لصالح الفيرنا

**teha** · 29-08-2011 12:43 PM

والله يا هيما كلامك زي الفل و انا مقتنع بيه جدا و لكن انا حاسس ان العربية مش هتكمل لل 5 سنين يعني هيبوظ فيها حاجات كتيرة و هتحتاج تتغير .

انا اتمنى انها تكمل 5 سنين و انا بقول الكلام ده لاني بحس ان في ردااءة في شوية خامات في العربية و ده موجود في نفس الفئة السعرية للعربيات ديه .

يعني الله المستعان و ربنا يبارك لنا فيها.

**katoba** · 29-08-2011 01:08 PM

ايه ياعم التشاؤم ده .. سيبها على الله ومتفكرش فى الى جاى .. الحافظ هو الله

الموضوع: m11 65000 k

LinkBack

أدوات الموضوع

عرض

-

-

المواضيع المتشابهه

اوبل فيكترا c 2007 ب 65000

غيرت مياة الريدادتير بعد 65000

معايا 65000 والحمد لله

فكترا 65000

معي 65000 جنية اشتري بيهم ايه

الكلمات الدلالية لهذا الموضوع

المفضلات

المفضلات

ضوابط المشاركة