افكر بالموضوع و اود ان اعرف تجارب الاخوة في هذا الموضوع، نسبة رفع كفاءة الأداء ،التاثير على عمر المحرك و الفرق في الصوت.
عرض للطباعة
افكر بالموضوع و اود ان اعرف تجارب الاخوة في هذا الموضوع، نسبة رفع كفاءة الأداء ،التاثير على عمر المحرك و الفرق في الصوت.
هتخش فى مصاريف بالعبيط وتغير حاجات كتير رأيى انك تجيب ماتور ار اس بحاجته كلها او العربية نصين احسن واضمن واسأل ايمن مومو هوا الى هيقولك على الحوار ده
شكرا لمرورك اخي اسلام، لكني لم افهم نقطة العربية نصين. و ما اهو موتور ار اس، و أتمنى ان أرى الاخ ايمن في هذا الموضوع لنسمع رايه.
فى مصر القانون لا يسمح باستيراد السيارات المستعملة مطلقا إلا فى حالة واحدة فقط و هى أن يكون المالك الأول لها مصرى مقيم فى الخارج و أن تكون سنة التملك هى نفس سنة الصنع و يقوم بإدخالها البلد بنفسه و دفع الرسوم السيادية من جمارك و ضرائب...
لذا تحايلا على القانون....يقوم تجار السيارات المستعملة بتقطيع السيارات إلى نصفين قبل إدخالها البلد فيكون بند دخول تلك السيارات على أنها قطع غيار و ليست سيارات...
و بالتالى فتلك السيارات لا وجود لها قانونى لها ..أى لا أوراق تثبت أن هناك سيارة برقم شاسيه معين و رقم موتور معين قد تم استيرادها و دفع رسومها.....
و تحايلا على الوضع....فالشخص الراغب بالسيارة المستوردة المقطعة لنصفين...يشترى سيارة مماثلة لها يكون تم تكيهنا لحادث كبير و يقوم بنقل الأجزاء من السيارة النصفين إلى السيارة المنكوبة..أو يقوم بتبديل الموتور و إثبات التبديل و يقوم بمسح رقم الشاسيه من السيارة المقطعة و كتابة رقم الشاسيه للسيارة المنكوبة للأبد بدلا منه...
طبعا هذه التحايلات تحدث للسيارات التى تحمل محركات ذات سعات لترية كبيرة و تتميز بأداء رياضى لإن مقدر عليها رسوم سيادية باهظة جدا
من ضمن السيارات التى تلقى هذه المعاملة هى الميجان ال rs و هى نفس هيكل الميجان الهاتشباك و لكن لها محرك 2 لتر مزود بشاحن توربينى يعطيها 225 حصان و هى تختلف كثيرا فى الأجزاء الداخلية عن الميجان الهاتشباك العائلية فى المحرك طبعا و صندوق التروس و أجهزة التعليق و المكابح....
الزميل أيمن سيارته كانت الميجان الهاتشباك العائلية 1.6 لتر...بعد عدة سنوات من استعمالها و الكثير من التعديلات عليها قام بتبديل الأجزاء الداخلية بأخرى لل rs ..و عليه أصبخت سيارته ميجان rs
مفهوم و واضح، بارك الله فيك، لدينا نفس القصة و قوانين مشابهه في سوريا و يسمون نص السيارة( قصة)
اية فكرة كم تتكلف تلك العملية، و هل يمكن ان تتم على ميغان 2 سيدان. و هل يمكننا ان نستفيد من المحرك القديم 1.6 لبيعه و تخفيض التكاليف.
من جهة ينفع تتعمل للسيدان فبالطبع ممكن ...فيما عدا الاكصدام الخلفى لا يمكن تبديله بين الهاتشباك و السيدان..ممكن الأمامى فقط
التكلفة مش عندى فكرة بصراحة ...
و الله ناوي و ناوي، الموتور اللي في السيارة لم يصل 30 الف ممكن نفكه و نبيعه و نحط بداله الموتور ابو 2 ليتر الا اذا امكن تركيب توربو او سوبر تشارجر بتكاليف اقل.
للمعرفة لو امكن هو متوسط سعر الميجان عندك كام ؟
تقريبا نفس السعر عندكم، اشتريتها 2008 ماشية 25000 كم من الفئة الكاملة بما قيمته 80 الف جنيه.
امبارح كنت في توكيل رينو لشراء الفلوانس الكاملة لصاحبي(اقنعته بها) و سعرها زيرو بحوالي 130 الف جنيه
متابع موضوع الـ rs دا
^^^
مشكووووور
انا سحبت ايدي من موضوا الار اس نهائي ،لاني بصراحة مش قده.
انادي ايمن مومو، هل يمكننا تركيب سوبر تشارجر متوافق مع 1.6 يشد حيل العربية 10-15 حصان زيادة و تكون الامور في السليم.
استاذ والله يا باشمهدس هاني
للأسف موضوع إضافة شاحن (ايا كان نوعه ) إلى موتور ستوك موضوع صعب جداً ، وخصوصاً في موتور صغير 1600 cc ، وكمان موتور الميجان أصعب وأصعب .
فكرة الشاحن تعتمد على رفع كمية الهواء المستخدم في الحريق داخل كل سيلندر عن طاريء ضغط الهواء الداخل إلى الموتور (بحيث يبقى كمية هوا أكتر في نفس حجم الإسطوانة من غير ما نحتاج نكبرها ) ، يعني كأنك بتحوت 2000cc هواء جوا موتور سعته 1600cc فيكون الحريق أفضل ويطلع طاقة أكتر .
الموضوع دة فيه حاجات كتير لازم تتعمل معه ، أولاً الحريق الاقوى هيولد حرارة زيادة وضغط عالي ، يبقى لازم تبريد أكبر المطور وكمان نخفف نسبة إنضغاط الموتور ، يعني تغيير في دورة التبريد وتغيير في جسم الموتور أو البساتم .
تاني حاجة لازم كمية البنزين المحقونة في السيلندر تتناسب مع كمية الهوا إلي زادت ، يعني تعديل في كنترول الموتور .
تالت حاجة ودي إلي بتصعب الموضوع في الميجان إن موتور الميجان فيه تع؛يير في توقيت الصبابات بتاعة سحب الهواء (ودة إلي بيستخدم ترس الدفيزور )، لازم التوقيت دة يتعدل عشان يسمح بدخول كمية الهواء الجديدة في التوقيت المناسب ، يعني برضه تعديل في الكنترول .
يعني ببساطة الموضوع مش مجرب كباس هواء سوبر أو تربو ، لازم تكون تربو كيت كاملة مع كنترول جديد يكون بيشغل تربو ، هتلاقي نفسك صرفت على الموتور كتير في حين إنه برضه 1600 cc ، يبقى أحسن بالفلوس دي تجيب موتور جديد 2000cc أو أكبر .
يا عمرو باشا اتفضل إسأل وخد راحتك في الطمع على الاخر :)
الموتور ال-2000cc العادي بتاع الميجان اداؤه أعلى من ال-1600cc لكن هو مش موتور رياضي ، وبالتالي هيدي تحسن في الأداء لكن مش محتاج تعديل في العفشة ،لأن مفيش إجهاد زايد على جسم العربية ، اللي يمكن يحتاج تحسين شوية هو الفرامل .
شكر كبير جدا و من القلب لجميع الاخوة الذين اثروا الموضوع بمشاركاتهم.
اخي فرحات اخصك بالشكر على المعلومات الواضحة و المفيدة، بكم تقيم كلفة تغيير المحرك إلى 2000 س س مع الاخذ بالحسبان امكانية بيع المحرك القديم و هو بحالة ممتازة، و هل يمكن الاحتفاظ بالفيتيس و برمجة الكومبيوتر، و اخيرا هل تتوقع اية مشاكل لهذه العملية.
بالنسبة للتغيير إلى 2000cc ، عادةً بييجي الموتور بالضفيرة بتاعته وكمان الكنترول بتاعه ، مع العلم إن الكنترول ممكن يكون واحد من الموتور المفكوك والموتور الجديد ، لكن السوفتوير مختلف وبرمجته صعبة ، وأحياناً بيكونوا مش نفس الكنترول كمان (عندك مثلاً ال-1600cc بيكون راكب عليه واحد من 3 أنواع من الكنترول من شركات مختلفة حسب سنة إنتاج الموتور و مين إلي كان بيورد لرينو وقتها ) .
نقطة تانية مهمة وهي طقم الدوارة ، بيحتاج يتبدل مع الموتور عشان الكود إلي على المفتاح يكون هو إلي على كنترول الموتور ، مع إن دة برمجته أسهل ، لكن مش مستاهل طالما هتبدل يبقى خد من التاجر الموتور بالضفيرة بطاقم الدوارة بالمفاتيح بتاعته واديله القدام .
الفتيس مش محتاج يتغير طالما من 1600 إلى 2000 ، لكن برضه على حسب الموديل ، لو هتجيب موتور أحدث من إلي عندك هاته بالفتيس بتاعه هيكون أحسن .
مفهوم وواضح، بارك الله فيك، بس ياريت لو عندك فكرة لو بعت الموتور القديم بفتيسه و طقمه و ركبت الموتور الجديد كمان بفتيسه و طقمه هنتكلف كام مع المصنعية، و هل تعتقد امكانية وجود سلبيات لهذه العملية، لاني بصراحة ناوي لو التكلفة محمولة خاصة اني جاي مصر في الخريف باذن الله... و بالطبع احتاج مساعدتكم جميعا.
فى ملاحظة صغيرة عندى على موضوع تغيير الموتور ال 1600 بآخر 2000 ...
هناك بعض الاختلافات فى القطع
على سبيل المثال كوعة المياه التى تحمل الثرموستات....مختلفة....
لو السيارة ال 2000 سى سى أصلا غير منتشرة فى السوق المحلى..قد تواجه صعوبة بالغة فى الحصول على قطعة غيار...
ممكن لو الزميل أحمد عبد المقصود شاف الموضوع يلقى الضوء على المزيد من القطع المختلفة فى العربية ال 2000 عن نظيرتها فى ال 1600