اصلاح عيب فى تابلوه

**maskeen** · 26-08-2011 03:46 AM

التابلوه عندى فيه عيب رخم ومش عارف مين ممكن يصلحه؟
العربيه 525 مو 2006
المشكله ان الجزء العريض الابانوس اللى واصل من الباب اليمين لحد الدريكسيون وفيه فتحات التكييف فك من الجهه الشمال (ناحيه الدركسيون) بسبب ان المسمار اللى رابطه من جوه انخلع من جسم التابلوه...فالناحيه دى بقت خارجه 1 سنتى من جسم التابلوه

مين ممكن يصلح الحاجه الرخمه دى؟
وبالله عليكم ماحدش يقوللى التوكيل عشان دول شويه لصوص!

**فتح الباب** · 26-08-2011 04:08 AM

انا مش هقول لحضرتك التوكيل لكن انا هقولك انا ممكن اصلحه وبجداره ان شاء الله لكن هذا يتوقف على محل اقامتك اذا انت قريب منى فممكن يتم تصليحه غير ذلك فلا شىء بيدك وتقريبا انا اخر مدينه فى الجمهوريه شمالا
فأنتظر ربما يأتى اخ زميل يدلك على اقرب مكان ان شاء الله

**maskeen** · 26-08-2011 04:15 AM

المشاركة الأصلية كتبت بواسطة tjp

انا مش هقول لحضرتك التوكيل لكن انا هقولك انا ممكن اصلحه وبجداره ان شاء الله لكن هذا يتوقف على محل اقامتك اذا انت قريب منى فممكن يتم تصليحه غير ذلك فلا شىء بيدك وتقريبا انا اخر مدينه فى الجمهوريه شمالا
فأنتظر ربما يأتى اخ زميل يدلك على اقرب مكان ان شاء الله

كتر الف خيرك
والله لو مالقتش حد اقرب ليا اجيلك ياسيدى واهو معرفة الناس كنوز..
بس هل حضرتك شغال فى كده ولا دى هوايه ؟

انا على العموم مش مستعجل قوى يعنى ممكن اصبر عليه شهر ولا اتنين

**فتح الباب** · 26-08-2011 04:42 AM

اولا انا اتشرف بمعرفة حضرتك وتحت امرك فى اى وقت لكن انا مش عايز اعمل دعايه فى المنتدى نظرا للمخالفات انما انا لست هاوى وتحت امرك فى اى وقت

**maadi** · 30-08-2011 06:14 PM

العيب بسيط جدا لو فهمتك صح. الجزء ده مفيش فيه مسمار اللي أنت شايفه المفروض أنه خابور ألومونيا بيدخل في كلبس أبيض شبه شفاف مربع. الكلبس ده بيبات في التابلوه و الخابور يخش فيه. الحلول:

1- إما الكلبس وقع جوه عربيتك دور عليه في الدواسه ثبته مكانه و إضغط على الأبانوسه تخش في الكلبس و خلصت.
2- تنزل الحرفيين تجيب الكلبس أو تخلعه من أي عربيه إستيراد أو تشتريه جديد من التوكيل و تعمل بقية الخطوات في رقم 1 و كده تبقى خلصت المشكله.
3- تشتري من أي مكتبه "BluTac" ماده زي الصلصال تحطها مكان الكلبس و تثبت الأبانوس مثل رقم 1 و الحل ده بيكون ساعات أفضل لأن ساعات الكليبسات مع الخابور في بعض العربيات بتعمل صوت مع المطبات أو الرجه الخفيفه قد يشعر بها السائق اللي بياخد باله من كل همسه في العربيه.

**maskeen** · 30-08-2011 09:47 PM

المشاركة الأصلية كتبت بواسطة maadi

العيب بسيط جدا لو فهمتك صح. الجزء ده مفيش فيه مسمار اللي أنت شايفه المفروض أنه خابور ألومونيا بيدخل في كلبس أبيض شبه شفاف مربع. الكلبس ده بيبات في التابلوه و الخابور يخش فيه. الحلول:

1- إما الكلبس وقع جوه عربيتك دور عليه في الدواسه ثبته مكانه و إضغط على الأبانوسه تخش في الكلبس و خلصت.
2- تنزل الحرفيين تجيب الكلبس أو تخلعه من أي عربيه إستيراد أو تشتريه جديد من التوكيل و تعمل بقية الخطوات في رقم 1 و كده تبقى خلصت المشكله.
3- تشتري من أي مكتبه "blutac" ماده زي الصلصال تحطها مكان الكلبس و تثبت الأبانوس مثل رقم 1 و الحل ده بيكون ساعات أفضل لأن ساعات الكليبسات مع الخابور في بعض العربيات بتعمل صوت مع المطبات أو الرجه الخفيفه قد يشعر بها السائق اللي بياخد باله من كل همسه في العربيه.

هو تقريبا كده بالظبط...بس انا مرعوب اقرب منه لا يطلع فى وشى..انت فعلا استاذ...وهاحاول اشوف حد يعمللى القصه دى واهو ادى العيش لخبازه وده اكيد رزق لحد