لوكيتور العربيه !!!!

**titooooasg** · 26-08-2011 05:51 AM

السلام عليكم يا جماعه الخير
كل سنه وانتو طيبين
طبعا سامعين عن موضوع السرقات اللي انتشر شويه ده
انا كنت عايز اسأل عن اللوكيتور اللي بيحدد مكان العربيه جي بي اس لو العربيه لا قدر الله اتسرقت يبقي وسيله امان بدل ما نرجع نندم لا قدر الله
1_ فكره عمله ايه من ناحيه اني عايز اعرف مكان العربيه وهيا مش معايا
2_ بيتركب عند مين
3_ بيتركب فين فالعربيه
4_ هوا بيشتغل على طاقه بطاريه السياره دايركت ولا بيشحن نفسه ويفضل شغال لو البطاريه اتشالت ؟
5_ سعره كام
واسف عالاطاله
وربنا يجعلها ايام خير علينا ان شاء الله

**mgm21m** · 08-09-2011 07:09 AM

والله لسه من أسبوع قاعد مع أصحابي وبنفكر في الموضوع ده...بص انا هادعبس عليه وهقولك على المفيد...

**mgm21m** · 08-09-2011 07:37 AM

Car Tracking Device وده بيتباع بس لازم رسوم اشتراك شهري علشان بيجبلك مكان العربية كل 10 ثواني أو 7 ثواني على حسب الجهاز نفسه...وزي ما بنشوف في الأفلام كده...بتلزقه في أي حتة في العربية والبطارية اللي فيه بتقعد حوالي 14 يوم وبتتشحن تاني عادي جدا.. بس لسه معرفتش اذا كان في حاجة من غير اشتراك شهري ولا لأ

**titooooasg** · 09-09-2011 03:35 PM

المشاركة الأصلية كتبت بواسطة mgm21m

car tracking device وده بيتباع بس لازم رسوم اشتراك شهري علشان بيجبلك مكان العربية كل 10 ثواني أو 7 ثواني على حسب الجهاز نفسه...وزي ما بنشوف في الأفلام كده...بتلزقه في أي حتة في العربية والبطارية اللي فيه بتقعد حوالي 14 يوم وبتتشحن تاني عادي جدا.. بس لسه معرفتش اذا كان في حاجة من غير اشتراك شهري ولا لأ

اشكرك بس ياريت لو تعرف الاقيه فين وان شاء الله اجيبو وانشر الفكره

**mmtronic** · 09-09-2011 08:40 PM

GPS tracker فية منة نوعيين

نوع فردى اى GPS tracker فقط او نوع مدمج مع جهاز انزار

النوعيين بيتباعو و ممكن تجبهم من خارج مصر من الموقع AliExpress - Buy directly from China

Wholesale - Buy Low Price Lots on Aliexpress.com

بس خلى بالك لما تشتريه ابعتة على اى حد ليك خارج مصر يجيبهولك و هو راجع احسن الباشوات عندنا بيصدروه فى الجمارك ( ههههه محتاج تصريح )

النوعيين بيتباعو فى مصر و كان فية كذا واحد عامل اعلان علية فى المنتدى بس انت عارف الاستغلال بيبيعو الحاجة قد تمنها 3 و 4 مرات

بيشتغل ازاى

بتركب شريحة خط موبيل عادية ( موبينيل - فودافون او اتصلات ) و بتبعت من موبايلك شوية رسايل للخط دة فيها اكواد تظبط بيها الجهاز علشان تعرفة يبعت رسايلة على ميينو كل قد اية و تشغل خدمة النترنت علية

الجهاز بيكود مزود ببطارية Li بتشحن طول ما الجهاز واصل على بطارية العربية و اول ما حد يفصل بطارية العربية بينقل اتوماتيك عليها و اعتقد بتقعد البطارية ساعتيين

الاجهزة دة على حسب اختلاف انواعها بتبعتلك رسايل بحالة العربية و احداثيات وجود العربية بالمعدل الى انت تختارة او ممكن انت تبعتلها رسالة بامر تحديد مكان العربية فترد عليك برسالة فيها الاحداثيات و انت تقدر تحددها من google earth مثلا او فى اجهزة بيكون الشركة بتاعتها عاملة server بيعملولك اشتراك فية و بتدخل علية و علية خريطة بيظهرك فيها مكان العربية