كل سنة وانتوا طيبين ياشباب
طبعا كلنا نحب ان المنتدى بتاعنا يبقى متطور باستمرار وعشان كده حبينا نعرض شوية افكار جديدة فى التوبيك ده وكل واحد فينا عنده افكار جديدة هنعرضها هنا ونعملها جدول زمنى للتنفيذ والغرض من لافكار دى هيا:
1- نقضى على حالة الملل اللى اتسربت لمجموعة مش قليلة من الاعضاء فى المنتدى هنا بسبب حالة الركود اللى بيعانى منها المنتدى.
2- محاولة لتقريب الاعضاء اكتر من بعضهم ومشاركة الاراء والافكار والخبرات وفى نفس الوقت يكون الموضوع بشكل مرح ومسلى

وكان عندى مجموعة افكار لتوبيكات جديدة نعملها واتمنى تعجبكم:

1-التوبيك الاول بعنوان : ( لسه فـــــــــــــــاكر البدايـــــــــــــــــــ ــــــة؟؟ )
والموضوع هيبقى فكرته اننا نفتكر مع بعض اول عربية اتعلمنا عليها السواقة وذكرياتنا معاها واعطالها ومشاكلها ومواقفنا الطريفة معاها وكمان هنناقش مميزاتها وعيوبها سواء كانت هوندا او اغير هوندا

2-التوبيك الثانى بعنوان : ( !!!Spin the bottle......Let's spin )
وهيا عبارة عن لعبة اكيد اغلبيتكم سمع عنها او لعبها قبل كده وهيا ان اى واحد فينا يبتدى يقول حاجة بيعملها اللى بعده اوصفة عن حد بعده وطبعا هو ميعرفش مين اللى بعده وطبعا مفيش ترتيب الكلام مش واضح؟؟؟ طيب انا هديلكم مثال حى:
3 اشخاص مثلا بيلعبوا اللعبة دى وهما A , B , C
A: اللى بعدى بيروح شغله متأخر
B: وعرفت منين ههههههههه دايما طول عمرى , اللى بعدى بيغسل عربيته كل يوم
C: لا طبعا كل فيييين وفيييييين كل شهرين مرة , اللى بعدى بينسى كتير
D: .........................
وهكذا من غير ترتيب طبعا وبتبقى باسبقية الرد مش اكتر اللعبة كنا بنلعبها ايام الدراسة فى الكلية على السايت بتاع الدفعة لمدة سنتين او 3 تقريبا كل يوم وشبه مبتنتهيش

انا لسه بفكر فى افكار تانية واتمنى الافكار دى مبدئيا تعمل جو جديد للمنتدى وتعجكبم
مستنى ارائكم وكمان مستنى أفكار اى توبيكات جديدة تحبوا نعملها