الموضوع: حساسات الأوبل ( موضوع مؤقت لحين استكماله )

دى بعض صور حساسات الفيكترا من النت لغاية ما اصور الموتور


حساس الكولنت
المسئول عن تحديد درجة حرارة المية فى الدورة
عند تلفه
دخنه سودا و زياده فى اكل البنزين
مكانه تحت الدينمو ورا علبة سير الكاتينه




حساس الماف فى الفيكترا بى 2000 سى سى
موجود على الخرطوم التخين اللى مودى للمانيفول

وظيفته

تحديد نسبة الهوا للخليط
اعراض تلفه
خنقه فى العربية
تفتفه
استهلاك بنزين هبل
الأربى ام يعلى و يوطى
و طبعاً لمبة Check تنور





حساس الكامة
knok sensor
موجود فى مواتير فيكترا بى الأيكوتك
مكانه على الجنب اليمين تحت الغطا اللى مكتوب عليه ايكوتك جنب البوجيهات
مهمته
ان العربية متسقفشى
اعراض تلفه
تسقيف و خنقة فى العربية








حساس الشكمان
حساس الأوكسجين
لمبادا سنسور
وظيفته تحديد جودة الحرق
اعراض تلفه
العربية تتخنق و اللمبة تنور
راكب على الشكمان زى الصورة المرفقه




ماب سنسور
زى الماف بس للمواتير ال 1600 و ال 1800 بس
وظيفته زى الماف
و نفس اعراضه
اللى فوق دول شكلين
بس الشكل السائد الموجود فى الصورة الأولى
و موجود فى صدر العربية ورا السيرفو او جنيه
و طالع منه خرطومين او خرطوم
بس اعتقد خرطوم واحد



حساس الكرنك
و ده وظيفته بيدى اشارة عشان العربية تعرف مكان البستم اللى طالع عشان تفتح بنزين و تدى اشارة كهربا للبوجيهات
و فى نفس الوقت هو اللى بيدى اشارة للموبينا و الطرمبة
مكانه فى البلوك من تحت راكب على طمبورة الكرنك
بس ليه فيشة راكبة على الموتور من فوق
هتلاقيها طالعه من عند الموتور من تحت
فيشة 3 طرف
اعراض تلف
عدم دوران العربية
عدم انتظام الحريق
الموبينا تقطع
الطرمبة تقطع
نضف فيشته الأول و بعدين لو مفيش فايده لازم يتغير





THROTTLE POSITION SENSOR
حساس البوابه
حساس التى بى اس
مكانه
خلف المانيفول فى المعتاد للعربيات ال 2000 سى سى
معرفشى وضعه فى ال 1600
اعراض تلفه
تفتفه
و خنقه فى العربية
ملوش غير تنضيف فيشة
منفعشى
اشترية جديد
نازل فى كل العربيات الحديثة
و موجود استيراد



حساس تيل الفرامل
للفيكترا بى
مش كل الموديلات
بس موجود فى السى دى اكس
و مواتير الأيكوتك
تنور لمبة الفرامل
عادة بيتغير
معرفشى عنه كتير


0280202202
ماف الفيكترا ايه
مأساة الفيكترا ايه
و عيبها الوحيد من وجهه نظرى
مكانه
على فلتر الهوا
اعطاله
خنقه
نتشة
استهلاك خرافى للبنزين
سرعه محدده
الحل
تنضفه
منفعشى يبقى تغيره
غالى بغبا
500 صينى
1200 تركى
2850 فرنساوى
ملوش بدايل






Vectra Idle Control Valve

ناس كتير مش معتبراه حساس
مهمته تحديد السلانسيه بتاع العربية
مكانه مختلف حسب العربية
يعنى فى البى
راكب على بوابة الأنجكشن من تحت
فى الأيه راكب بره
تلفه يؤدى الى لخبطه السلانسيه بشده
وحرق بنزين بهبل
الحل
تنظيفه و تنظيف فيشته
منفعشى يتغير
فى البى جديد و استيراد
فى الأيه بانصح استيراد من 75 الى 150 جنيه










حساسات الأيه بى اس للعجلات الأماممية و الخلفية و الجهاز نفسه و الكوبلن المشرشر العلامة المميزة لوجود ABS فى العربية
اراض تلفه
لمبته تنور
معرفشى عنه كتير
انا اسف
اللى يعرف عنه اكتر يتكل على الله يشرح


Speed Sensor
حساس السرعه بتاع الفيكترا بى
الأيه على واير من الفتيس
اعراض تلفه
مفيش قرايات لعداد السرعه
اعتقد و الله اعلم
انه راكب على العجلة اليمين قدام

انا خلاص
فيه حساسات ايه تانى