سؤال لاهل التجربة فى تجديد رخصة العربية

**smsm_cato** · 27-08-2011 10:17 AM

سؤالى لاصحاب تجربة تاخير التجديد لمدة شهر اولا انا مفروض اجدد رخصة العربية يوم 10/10/2011 لان ده تاريخ انتهاء الرخصة بس فى الوقت ده عندى اولويات تانية والميزانية بايظة ثلاث اربع حاجات فسؤالى هنا لو اخرت الترخيص للشهر اللى بعدة اى قبل 10/11/2011 فهل يوقع عليا غرامة تاخير او هيتطلب منى شهادة بيانات او ما شابة ولا الاجراءات هتكون عادية ودى تكون فترة سماح بدون اى مشاكل وياريت ياجماعة اللى يرد عليا يكون اتعرض لنفس الموقف او يكون ليه حد اتعرض لنفس الموقف

**bondjames** · 27-08-2011 09:43 PM

معاك شهر المهلة قبل ما يخلص تكون دافع الضريبة والتأمين الإجبارى حتى لو فى البوستة - لكن لو خلص شهر المهلة بتدفع تلت الضريبة غرامة - طالما التجديد فى نفس المرور الذى أصدر الرخصة لن يطلب منك أحد شهادة بيانات لكن لو هاتنقل العربية لمرور تانى - أو بإسم تانى لازم يكون هناك شهادة مخالفات وبيانات- لو إنت لسه شارى العربية و الرخصة مش بإسمك - البوستة مش هاتقبل إنك تدفع عندها

**smsm_cato** · 28-08-2011 09:27 AM

المشاركة الأصلية كتبت بواسطة bondjames

معاك شهر المهلة قبل ما يخلص تكون دافع الضريبة والتأمين الإجبارى حتى لو فى البوستة - لكن لو خلص شهر المهلة بتدفع تلت الضريبة غرامة - طالما التجديد فى نفس المرور الذى أصدر الرخصة لن يطلب منك أحد شهادة بيانات لكن لو هاتنقل العربية لمرور تانى - أو بإسم تانى لازم يكون هناك شهادة مخالفات وبيانات- لو إنت لسه شارى العربية و الرخصة مش بإسمك - البوستة مش هاتقبل إنك تدفع عندها

شكرا لسرعة استجابتك وردك عليا اولا العربية بتاعتى وهجدد ثانيا الرخصة تنتهى 10/10/2011وانا ان شاء الله لو اتاخرت هيبقى يوم 6/11/2011 بالكتير يعنى 26 يوم افهم من كلامك ان الامور عادى واطلع على المرور علطول بس ليا سؤال التامين الاجبارى دة مش بيبقى مع تجديد الفحص او نقل الملكية ولا التجديد السنوى اصل انا العربية القديمة كان فيها رخصة 3 سنين وبعتها قبل ما اجددها ام العربية اللى معايا دلوقتى نقلت ملكيتها وفحصت وجددت رخصة سنة فلسه ده اول تجديد بعد انتهاء السنة

**Haitham10** · 28-08-2011 11:25 AM

ليك شهر سماح ياسمسم
حاول تجدد قبله ومفيهاش اي مشكلة ان شاء الله طالما مش هتنقل
والتأمين الاجباري دة بيبقي مع عدد سنوات الضريبه الي انت دفعتها (سنوات الترخيص)
ولازم الاتنين سوا اجباري .. وطبعا هو الاسم تأمين انما هو مبلغ بتدفعه جبايه

**smsm_cato** · 03-09-2011 01:51 AM

طيب سؤال تانى لو انا دفعت بعد نهاية الترخيص بشهر وزى ما اتفقنا ده هيبقى عادى ومفيهوش مشاكل هل بقى السنة الجديدة تبدأ من الشهر اللى برخص فيه ولا من تاريخ انتهاء الرخصة

**mahmoud_afifi** · 03-09-2011 02:06 AM

المشاركة الأصلية كتبت بواسطة smsm_cato

طيب سؤال تانى لو انا دفعت بعد نهاية الترخيص بشهر وزى ما اتفقنا ده هيبقى عادى ومفيهوش مشاكل هل بقى السنة الجديدة تبدأ من الشهر اللى برخص فيه ولا من تاريخ انتهاء الرخصة

هيكتبلك تاريخ التجديد في اليوم الي انت عملت فيه متاخر ,وهيبقى الانتهاء نفس التاريخ القديم يعني 10\10\2012
اصل محسوبك كل مره بيجدد متأخر