أرجو المساعدة ضروري جداً

**yasminace** · 27-08-2011 05:52 PM

أنا معايا دايهاتسو سريون موديل 2008 عملة 51000 رحت أعمل صيانة ال-50000 و كان عندي شوية أصوات غريبة صوت ونونه و العربية خشنة و لما العربية تكون وقفة على ال d بيكون في صوت حاجة بتخبط

التوكيل ألي في بلية عجل خلفي يمين ب-1650 جنيه
و قاعدة موتور يمين ب-750 جنيه

أنا خرجت من الضمان من شهرين بس

هل دي حاجة عادية رغم اني كنت جيبة الياباني علشان بيعمر و لو في أي حل مقترح يا ريت حد يقوللي عليه
و لو في محلات قطع غيار برة التوكيل أنا عايزة أعرف هل حلاقي قطاع الغيار دي و اسعارها هتكون إيه ؟؟؟؟

شكراً جزيلاً و منتظرة الرد

**yasminace** · 28-08-2011 02:44 AM

متابع و منتظر الردود

**mohamed_rhem** · 28-08-2011 10:22 AM

قاعدة الموتور خليهم يغيروها مفيش مشاكل لانها اصلي ومش حتلاقيها برا التوكيل اصلي

بالنسبة للخشونة بتاعة بلي العجل ده اكيد من مطب جامد وبالصدفة قاعدة الموتور اليمين

يؤكد فرضية كلامي

اما بخصوص البلية ف اي حد بتاع عفشة كويس يغيرها عادي

وانصحك بالبلي الاصلي skf وده ليه توكيل في وسط البلد في الشارع اللي ناصيته مول طلعت حرب

لا اعتقد انها حتزيد عن 200 الي 300 جنيه في اسوء الحالات

**alemam2005** · 28-08-2011 01:37 PM

فعلا سعر البليه مبالغ فيه جدا و هي اخرها 200 ال 300 جنيه لو اصلي ... و بالنسه لقاعده الموتور ممكن تشتريها من التوكيل وتركب بره عند اي ميكانيكي علشان توفير مصنعيه التوكيل

**yasminace** · 28-08-2011 02:17 PM

أنا اتصلت بكل أرقام المحلات إلي بتبيع قطع غيار دايهاتسو إلي موجودة في الجروب بتاع دايهاستو هنا و كلهم قالولي انها مش موجودة و أنا فعلاً محتجاها و مش هعرف اجبها من التوكيل بالسعر ده

يا ريت أي حد عنده معلومات عن أي مكان ممكن ألاقي فيه بلية عجل لسيريون موديل 2008 يا ريت يقولي على مكان أو رقم تليفون

**أبو عبدالله** · 28-08-2011 03:08 PM

هتلاقيها استيراد عند المصرية اليابانية في الحرفيين ان شاء الله
بس كسري معاه في السعر لأنه بيغلي شويين

بس لو كنتي اشتكيتي قبل كده من الكلام ده وانتي في الضمان يبقى التوكيل المفروض هو اللي يغيرههم لك

**mohamed_rhem** · 29-08-2011 03:11 PM

المشاركة الأصلية كتبت بواسطة أبو عبدالله

[gdwl]هتلاقيها استيراد[/gdwl] عند المصرية اليابانية في الحرفيين ان شاء الله
بس كسري معاه في السعر لأنه بيغلي شويين

بس لو كنتي اشتكيتي قبل كده من الكلام ده وانتي في الضمان يبقى التوكيل المفروض هو اللي يغيرههم لك

اسمحلي يا كبير اختلف معاك في الرأي

البلي وعموما الحاجه اللي بيبقي عليها شغل زي الكاوتشوك مثلا وان كان شكلها كويس ميمنعش انها

حظوظ في المقام الاول لذلك افضل التغيير بجديد

بالنسبة للبلي الموجود جديد الكل عارف ان اغلبه بيبقي مضروب لكن في حجات اصلي وتوكيلات محترمة وبضمان كمان

بالنسبة لتوكيل skfالاخت ياسمين انا معرفش اكتر من ان في توكيل في الشارع اللي علي ناصيته مول طلعت حرب ومبشتغلوش غير البلي بمقاساته وفي الغالب بيبقي فاتح لحد بعد 10 بالليل

لكن لازم يتفك البلي الموجود علشان يقدر يديلك زيه او لو حد يعرف مقاساتها يدهالك لكن يستحسن تفكي القديمه الاول

تحياتي للجميع وعيد سعيد