منتظرين موضوع قطع الغيار بره التوكيل على أحر من الجمر
عرض للطباعة
منتظرين موضوع قطع الغيار بره التوكيل على أحر من الجمر
قريبا باذن الله
معلش كل تاخيرة وفيها خيرة
لان بلم حاجات كتير فيه .. وبنزل وبلف كل فترة عشان محدش يقلق منى فى السوق .. لان بجمع حاجات كتير فى الموضوع
وكمان فى مواضيع غير قطع الغيار بعملها للقسم باذن الله واخدة وقتى كله ده غير التحضير للمقابلة الجديدة لنيسان
الصبر يا معشر الصقوررررر
أستاذ أحمد تحيه طيبه
بإذن الله بكره هاستلم العربية التيدا 2010 المستعملة اللي قلت لحضرتك عليها وكنت عايز أعرف المفروض أستلم إيه مع العربية من المشتري
الرخصه والاستبن والكريك وكتاب الاستخدام و العده ( مش عارف عباره عن إيه ) ومفتاح العربية ( مش عارف كام مفتاح ) والضمان المختوم وفواتير الصيانة لو في حاجه تانيه برجاء ذكرها
تاني حاجه أنا هاكشف على العربية في التوكيل المفرض يكون الموتور كام في الميه % بعد إستخدام 20000كم وسنه من الاستخدام
وإيه هيكون في التقرير مثلا الفتيس والصاج والضفيره ...............إلخ والمفرض يكون كام في الميه %
برجاء لو في حاجه يجب مراعاتها عند الاستلام قولي عليها وتكون مشكور
برجاء لو تقدر ترد عليا بسرعه أكون شاكر
طالما العربية 2010 وماشية 20 الف كيلو .. يبقا اطمن كفاءة الماتور بتعها حيكون كويس .. انا مفكرتش فيه وانا بشترى العربية .. وعلى فكرة مودتهاش التوكيل .. ودى كانت غلطة لسبب .. لان ما اخدتش بالى ان الاكصدام الخلفى مرشوش .. هو مش فارق معايا .. بس خبى عليه .. لكن كفاءة العربية كانت ممتازة من كله
ولما تروح التوكيل وتعمل تقرير قولهم انا عاوز اطمن على كل حاجة زى كذا وكذا
وتقرير الميكانيكا بيتكلف اعتقد من 150 الى 200 جنيه .. وبيفحصوا العربية على الكمبيوتر وبيبصوا على الاجزاء الميكانيكية .. وسمعت ان فى تقرير تانى للسمكرة بيتكلف 500 جنيه تقريبا .. بس اتاكد لما تروح
العربية معاها مفتاحين و2 ريموت .. وطبعا حتاخد الرخصة وتاخد الكوريك والعدة .. مبصتش عليها بصراحة .. لان مغيرتش الاستبن قبل كدا .. وحتاخد الاريال
وطبعا كتاب الضمان .. ومختوم فيه الصيانات .. وكتالوج العربية
وبالتوفيق
الف شكر يا شباب على المساعدات و النصائح اللى كله شارك بيها و فعلان الناس اللى هنا طلعوا اجمل و احسن ما يكون
انا قررت أشترى صنى ex بـ abs
بس هستنى المعرض ممكن يبقى فيه مفاجأة ولا حاجة
الله ينور على التقرير اللى زى العسل
وربنا يكرمك ان شاء الله على الافاده
وانا بستلم التيدا من 3 تيام من مودرن موتورز قالوا ان فى المعرض مافيش اى خصومات ولا عروض والله اعلم
بص مينفعش تقارن صنى بتيدا نهائى
تيدا حاجة تانية خالص لو معاك فلوسها هاتها