يا جماعة محتار اشترى النيسان الصنى السوبر صالون و لا التيدا البيزيك اوتوماتيك يا ريت نعرف الناس لو مكتنى هتختار إيه. و يا ريت لو فى حد عارف هل هينزل شكل جديد لأى واحدة فيهم و لا لأ؟؟؟
شكراً للإهتمام
عرض للطباعة
يا جماعة محتار اشترى النيسان الصنى السوبر صالون و لا التيدا البيزيك اوتوماتيك يا ريت نعرف الناس لو مكتنى هتختار إيه. و يا ريت لو فى حد عارف هل هينزل شكل جديد لأى واحدة فيهم و لا لأ؟؟؟
شكراً للإهتمام
سوبر صالون
تيدا طبعا
تيدا و انت مغمض
تيدا طبعا لان علي الاقل تقفيل برا
لكن السوبر صالون تقفيل مصري
فمدام تقدر تجيب التيدا هاتها طبعا
وبالتوفيق
وكمان التيدا اوسع من الصني
فرق الكماليات بينهم ايه
* المقارنة والكلام بين التيدا والصنى لازم يكون من زواية معينة
اولا من الناحية المادية القليلة
لو حد امكانياته متزدش عن مبلغ الصنى وبيقارن بين الاتنين .. يبقا ارشحله الصنى طبعا
ثانيا من الناحية المادية المرتفعة
وبيقارن بين الاتنين .. يبقا بدون اى تفكير التيدا .. لان فرق ال12 الف جنيه بين مثلا الهاى لاين صنى والتيدا سيدان اول فئة حياخد بيه كتير جدا جدا من امكانيات وحاجات كتير فى العربية
12الاف الفرق دول حتاخد بيهم ايه :- عد معايا .. بس الناس اللى تعد تكون فاهمة الكلام اللى بقوله وتكون جربته فى عربيات اخرى عشان تحس بالفرق ...... يعنى بلاش الناس اللى بتفتى ترد
- التيدا قطع غيارها بره التوكيل بقة زى الرز وزى الصنى بالظبط .. وقريب جدا فى موضوع نازل بعد العيد عن قطع غيار التيدا خارج التوكيل اللى حتتصدموا فيه بان اسعارها تكاد زى اسعار الصنى خارج التوكيل
- تقفيل التيدا افضل بمراحل من الصنى من ناحية الخامات المستخدمة فى العربية من كل شى
- ماتور التيدا افضل واحدث واقوى من الصنى واخف كمان ومعمول من الانتيمنيوم مش زهر
- استهلاك التيدا فى البنزين افضل من الصنى ومفيش اى مشكلة فى ضفاير كهرباء ولا يحزنون
- مشاكل التيدا الميكانيكية اقل بكتير من الصنى
- عزل الاصوات جيد جدا .. ولا صوت الماتور مسموع ولا صوت خارجى ولا داخلى ولا اى شى
- صوت الماتور فى التيدا اهدا من الصنى وحتى لما بتسمعه بعد ال130 مش بيكون مزعج
- العزل اللى مرشوش تحت العربية فى التيدا اكبر واوسع .. يعنى مرشوش عزل فى اماكن كتير من تحت العربية عكس الصنى .. فى بعض الاجزاء .. مش زى التيدا .. وده شوفته بعينى وورهونى المهندس فى السبع
- الباور فى التيدا افضل بمراحل فى الصنى .. باور كهرباء وبيتقل على سرعات ..بعد ال120 .. ومفيش مشكلة فى ولا بيعمل مشاكل ولا الكلام بتاع الاشاعات ده ..
- تسارع وعزم التيدا اقوى من الصنى فى السحب
- البوجيهات اللى فى التيدا بلاتنيوم .. بتعطى عزم زيادة للعربية واستهلاك بنزين افضل .. وطبعا ده مش موجود فى الصنى
- فرق اول فئة فى التيدا عن الصنى السوبر صالون فى الكماليات .. الابانوس والجنوط والمخادع اللى قدام وورا وده كله لصالح الصنى.. ولكن الابانوس فى الصنى شكله بشهادة الناس مش قد كدا .. والجنوط امرها سهل .. ممكن تجيبها من بره .. والمخادع بردوا امرها سهل
- التيدا فيها الكاسيت دبل دن وشكله محترم وشكل الطابلوه افخم
- التيدا العربية اوسع من الصنى واريح فى القعدة فى الكنبة وبالاخص من ناحية الارجل لانك بتقعد مرتاح جدا
- التيدا كرسيها تنجيدها اعلى بمراحل من الصنى وده حتحس بيه بعد فترة وبالاخص على مسافات طويلة وانت سايق الصنى وطالع منها تعبان .. واللى حيقول لا من ملاكها يجى ويسوق التيدا عشان يتاكد
- ده غير الشنطة فيها لمبة بتنور لما بتفتح الشنطة
- ده غير اول فئة فى التيدا بقا فيها اتنين ايرباجز يعنى زيها زى الصنى السوبر صالون او الهاى لاين ..
- ده غير ان فيها فوجات فى كل فئات التيدا حاليا
- الحاجة الاخيرة لصالح الصنى فقط حاجتين .. الاولى وهى الثبات على سرعات عالية فوق ال140 .. وكمان الفوانيس الاسموك والفامية فى الهاى لاين فى الصنى اللى مثبوتين على الرخصة ..
وكل ده ممكن تتغلب عليها فى التيدا بجنوط 16 ولكن الفامية هو اللى صعب تتغلب عليه الا لو انت ظابط شرطة بقا
*هاااااااااااااااااااا نقول كمان ولا كفاية .. وكل ده بفرق حوالى 12 الف على السعر الرسمى بين التيدا اول فئة والصنى الهاى لاين .. والله يا بلاش
* وخالى بالكم كمان .. ان التيدا حيكون فى خصومات عليها الفترة الجاية على موديلات 2011 ممكن توصل الى 5000 جنيه
وفى الاخر يكون الفرق بينها وبين الهاى لاين 7000 ..
* وبخصوص الصنى والتيدا الشكل الجديد 2012 لسه على السنة الجاية فى اخرها باذن الله
تحياتى
انا مكنتش عايز اعمل مقارنة عشان مزعلش ملاك الصنى منى
أكيييييييييد تيدا
ومتنساش الاستخارة :))
كل اللى قولته والتيدا فى الاخر فاضية !!! ههههه.. غريبة
اقرائوا بعناية وشوفوا العربيتين على الطبيعة واقعدوا بس فى التيدا والصنى فى المعرض ومتمشوش بيها .. وشوفوا تقفيل مين الافضل وخامات مين وكراسى مين اريح ووسع مين
وبعد ما تشوفوا تعالوا عشان نتكلم بعقل ومنطق
لانى بحكم ركبت عربيات اصدقائى وروحت التوكيل وعرفت اسرار كتير .. ومعايا التيدا فقادر احكم من الناحية الميكانيكية .. ومن ناحية الرفاهية
وغير كدا التيدا فيها اوبشن هو هو اللى فى الصنى وافضل واحلى واشيك بمراحل ما عدا الابانوس والجنوط .. ودى امرها سهل
وكفاية قوة ماتورها وكفاية شكل العربية من جوة وكفاية الحاجات اللى ذكرتها فى المقارنة فوق المهمة فى العربية
واللى معاه الفرق ويقدر يدفعه مش حيندم ابدا
واسف يا بشمهندسة دينا .. انا عارف ان الكلام والمقارنة تزعل ملاك الصنى .. بس دى الحقيقة .. وعقبال ما نشوفك معاكى تيدا هاتش باك باذن الله
من غير زعل يا ابو حميد
انا بعد التفكير اختار السوبر صالون هايلاين
لأنى بصراحة رغم كل التقنيات اللى فى التيدا
بس شكلها من اول ما نزلت مش عاطفى بالنسبة لى
وبغض النظر عن عيوب الصنى المعروفة بس عندى ارحم من انى اركب عربية فيها كل حاجة بس مش مريحانى
على فكرة الراحة النفسية لأى عربية مهمة جدااااااااا مهما كانت امكانتها
مسالة الشكل دى اذواق .. وعمرنا ما حنتفق على ذوق واحد
لكن احنا هنا مش بنتكلم الناس بالناحية العاطفية .. بنتكلم من ناحية الامكانيات والناحية الميكانيكية .. وبعد كدا بنسيب لصاحب الموضوع الاختيار وهو اللى يقرر .. وهو اللى يكون ليه اختيار الناحية العاطفية والشكل والنفسية لانها اذواق .. الا لو هو عمل موضوع وسال على العربيتين من ناحية الشكل
وعشان كدا لازم نحكيله ونقوله على الفرق فى الامكانيات ايه بين العربيتين والحقيقة .. ونبعد عن الناحية العاطفية
لان برضوا مش حختار شكل احلى وعاطفى واركب فى الاخر عربية تجننى او اقل تكنولوجيا من عربية تانية افضل منها ومن نفس الشركة بتعتها وعندى المقدرة وازود 12 الف واجيبها فا ليه لالا
احنا لو اتكلمنا من ناحية الشكل .. وانا بختار .. ولو قدامى صنى وسيراتو .. طالما بالناحية النفسية .. والشكل العاطفى .. يبقا حختار السيراتو
وعامة كلامى ده على الصنى بعد ما ركبت الصنى وركبت التيدا .. وبعد ما حضرت مشاكل الصنى وحضرت مشاكل التيدا .. وبعد ما سمعت نقد ملاك الصنى وشكرهم فى التيدا .. والكلام اللى سمعته من ملاك الصنى وشكرهم فى التيدا سمعته على الطبيعة .. وكمان على صفحات المنتدى
ولو كانت نيسان اهتمت بسعر التيدا وثبتت اول فئة 110 الف .. كانت التيدا ضربت مبيعات الصنى .. بس للاسف هما بيهتموا بالصنى عشان بيكون فيها مكسب ليهم عشان تقفليها هنا
بس كدا
سوال بقا
هو صاحب الموضوع كان فى اتو ايجيبت يوم الجمعة الساعة 11 باليل فرع مدينة نصر !
اجيب لك من الاخر
لو معاك تمن التيدا وشكلها مقبول بالنسبه لك - لا تتردد لحظه فى شرائها
لو الفلوس فارقه معاك خد الصنى وحاول تستحمل عيوبها
تمام يا باشا بس خلى بالك انا بكلم على التيدا البيزيك السيدن
الف شكر يا باشا بجد على ردك و إن شاء لله محش يزعل منك بس انا كنت عايز اقول كام حاجة و عايز توضيح عليها
1- فارق الأسعار بين الصنى الهاى لاين بتاهت مودرن موتورز التيدا 5500 جم التيدا بـ 10500 و الصنى 105000
2- الصنى فيها Parking Sensor و التيدا لأ
3- التيدا البيزيك فيها 1 إيرباج
4- الصنى إشارات فى المرايات
5- انا سمعت ان التيدا 2012 شالو منها عزل صوت الموتور اللى فى الكابوت و شالو منها حاجات تانية كتير
لا يا باشا للأسف مش انا:((
بس انا عموماً ميال للتيدا بس إنت عارف التردد بقى
تيدا طبعا ..
متقلقش .. محدش حيزعل .. لان الاعضاء هنا عارفينى كويس وعارفين انا بتكلم من اى منطلق .. وكلنا اخوة فى الله .. والاعضاء هنا كلهم اصدقائى
بخصوص السنسور باركن اللى فى الصنى ده متركب فيها .. يعنى هى مش بتنزل بيها .. وده سعل تركبه فى التيدا ب 150 جنيه
وبردوا كفر الاشارات فى الصنى مش بتنزل بيه ده هما مركبينه عليها .. وممكن تركبه فى التيدا زى اللى مركبه فى عربيتى وتمنه 650 جنيه
فكل ده مشكلة ابدا .. وبيتركبوا فى التوكيل .. وممكن تضيف عليهم وحدة رفع وتبقا الليلة كلها فى حدود 1200 شاملة وحدة رفع وسنسور ركن وكفر اشارات
وبخصوص الجنوط ممكن تجيب جنوط 15 ب1300 جنيه وشيك جدا وتركبها على الكاوتش اللى موجود بنفس المقاس
ويبقا تكلفة الحاجات دى كلها من سنسور ركن وكفرمرايات ووحدة رفع وجنوط 2500 جنيه
وبخصوص الاير باجز .. البيزك فى التيدا بينزل فيها 2 ايرباجز وبينزل فيها فوجات .. فمين اللى قالك انها بينزل فيها اير باجز واحد !!!!!!
وبخصوص عزل الكابوت .. هو اه مش موجود بس صوت العربية ناعم وهادى مش زى الصنى ابدا .. وده للاسباب اللى قولت لحضرتك عليها فى العربية من امكانيات فى الماتور ومن تقفيل محترم
وبخصوص انهم شالوا حاجات كتير فيها .. هما شالوا الدرج اللى بيتقفل تاتش عند الكاسيت وعزل الكابوت .. وحاجات مالهاش لزمة .. وزدوا حاجات كتير جميلة بردوا مكنتكش موجودة فى الموديلات القديمة .. وعندك تقرير فى المنتدى هنا فيها الكلام ده عن التيدا المكسيكى .. ممكن تقرائه
واخيرا .. معلومة لحضرتك .. خالى بالك احيانا فى مندوبين بيع وخدمة عملاء بيكون عندهم معلومات ناقصة كتير عن العربيات وبيفتوا كتير
فافضل شى تسمع من موزع معتمد شاطر وعندهم الكلام الاكيد .. زى اتو ايجيبت افضل موزع معتمد فى مصر لنيسان .. اسمع منهم ومش تشترى
وفى النهاية .. لو بتدور على التوفير هات الصنى .. ولو مش فارق معاك ال5000 الفرق دول وفاهم فى فرق الامكانيات اللى قولتلك عليها وذكرتها فى ردودى السابقة عن العربيتين ومهمين بالنسبالك يبقا من وجهة نظرى التيدا طبعا .. لان العربية فيها امكانيات افضل من الصنى وتستاهل الفرق وحتحس بيه
تحياتى ليك
ومتنساش تصلى صلاة استخارة .. وبالتوفيق
+11111111111111111111111111111111111
كلام و لا اروع ماشاء الله
الصني فئة وركوبة ... والتيدا ركوبة تانية خااااااالص
انا معايا الصني .. وركبت التيدا بتاعت احمد وسوقتها فعلا ركوبة تانية ... ولما بحرق مبسمعش صوت الماتور العالي زي الصني ... الصني صوتها عالي فعلا بس انا مستعوض ده في ماتورها المحترم وانا بحب احس بالعربية وانا ماشي
لكن التيدا ميزتها ان ماتورها اقوي وصوتها واطي ... ديه ميزة طبعا بس ممكن مش لكل الناس.
والتيدا بتحط في مقارنات مع الفليونس و المازدا و السيفيك .... وفيديوهات علي اليوتيوب بتعلم عليهم وشوفتها كلها .... بس اعتقد الماتور 1800 ... مش ده الشاهد ... بس ماتورها عفي و استجابة الموتور بتاعها رااااائع ومحدش اشتكي منها في حاجة خاااااالص
المشكله انه الناس بتعمل مقارنات غلط بين عربيات فى فئات مختلفه واسعار مختلفه ومواصفات مختلفه وهنا تبداء الخناقه
زى مره واحد بيسال انا عاوز اجيب سيراتو بس هل اللوجان تؤدى الغرض
راح داخل واحد قاله طبعا دى اللوجان احسن من السيراتو وسعلارها المفروض يكون 95 الف واوروبى كمان مش كورى
ييجى واحد تانى رادد عليه يقولوا لوجان مين ياعم الحاج انت زاى تقارن العبد بالسيد
وتحصل الحريقه من هنا
زى اللى كانت حاتحصل بين الاخوات المحترمين جدا فى قسم نيسان
انا نصيحتى لصاحب الموضوع
لو معاك تجيب اوكتافيا هاتها ولو معاكشى هات كورولا ولو معاكشى تمن الكورولا هات تيدا ولو معاكشى تمنها هات صنى ولو معاكشى تمن الصنى هات لوجان وهكذا
لو معاك تمن العربيه العاليه اوعى تستخصر وتشترى حاجه اقل فى القيمه وترجع تقول ياريتنى كنت جيبت كذا
عيش واتمتع بحياتك
يعني لولا ان الكلمة ديه .. اللي قالها واحد حبيبي و صديق مقرب من عيلتنا و واحد من اهل البيت
كانت هاتبقي عيبه في حق الصقور والله :)))
بس جامده اوي (ازاي تقارن العبد بالسيد) هههههههههههه ..... جامده كيييييييك
بغض النظر عن الموضوع :))
المهم في كل ده .. ان صاحب الموضوع عارف اغلبية العربيتين .. فاضل يشوفهو ويقعد فيهم ويصلي استخارة و اللي حاببها أكتر ... وربنا ييسرله الخير
ومنورنا يا درش .... والله
اقعد اشرب حاجة بقي :)))
عمر ما حتصل خناقة فى قسم نيسان وبالاخص بين الاخوة الاعضاء المحترمين .. واللى بكنلهم كل احترام
ودول عندى وعندنا اهم من اى عربيات فى الدنيا .. لاننا ناس عاقلة جدا فى قسم نيسان
الفكرة احنا بنتكلم من الناحية امقارنة الامكانيات والاداء .. وبموتور احدث وحاجات كتير لازم نوضحها للناس .. مش حكاية توفير .. لان لو توفير يبقا الصنى على طول تكسب
واللى ابتدى يخلينا نتكلم فى مقارنة بين الاتنين لان سعرهم قرب لبعض .. واللى يقدر يجيب بنقوله على اللى فيها
وانا بتكلم من المنطلق ده .. مش منطلق شكل والكلام ده ..
وبصراحة انا شايف النقط الوحيدة اللى تكسب فيها الصنى هى :
الثبات على سرعات عالية .. ونقطة اعاادة البيع لاى شخص بيفكر يبيع قريب جدا قبل 10 سنين .. وكمان سعرها اللى فى متنال اى حد مش معاه امكانية يعدى ال100 الف يبقا الصنى تكسب
وده بتغلب عليه فى التيدا بتغير الجنوط الى 16 عشان الثبات .. لان طبعا العربية عالية وده بيعطى راحة جوة الصالون والقعدة والمشى على سرعات قليلة عشان مطبات بلدنا
وبخصوص البيع انا مش بفكر اببيع الا بعد 10 سنين تكون القاشقاى الاتوماتيك نزلت وسعرها بقا فى المتناول وقدرت اغير واجيبها او اجيب الجيتا وارتاح بقا من قسم نيسان واحول للفولكس هههههههههه .. بس بردوا قاعد على قلبكم
وزى ما وضحت فى مشاركاتى فى الموضوع كلها انى بتكلم الاول من حيث الامكانيات .. عشان الناس اللى فاهمة فى اللى كتبته من حيث المعلومات الميكانيكة والاداء فى العربيتين تعرف .. وتعرف تختار .. وفى النهاية اللى حشترى هو اللى حيختار وهو ليه الحكم
لان بردوا كلامى كله مبنى على سواقة العربيتين .. ودخولى مراكز خدمة نيسان وشوفت العربيتين كويس والمهندسين شغالين فيهم .. اللى نادرا ما بتجيلهم عربية تيدا فيها مشاكل كتير .. والكل بيجى بيعمل صيانته العادية
ونصيحتى وكلامى وارائى اكيد اى حد ممكن ياخد بيها وعشان كدا براعى ربنا .. وبقوله اللى ليه واللى عليه
تحياتى للغاليين
واسف على الاطالة
و لا زعل و لا حاجة حضرتك .......................... لأ أطلاقاً ........ أبداً أبداً :N_no[1]:
طب انا هقول لحضرتك حاجه أبسط بكتير من كل الكلام دة.
أكيد فى السوق عربيات كتير بأمكانيات و أداء متميز ................... بس الواحد فى الأخر محكوم بميزانية معينه ده غير هل الأمكانيات الزيادة فعلاً مهمة فعلاً و لا لأ من وجهة نظر الواحد
انا مثلاً لما سألت السوبر صالون تزيد أيه عن الاى أكس عشان فرق ال10 ألاف جنيه ........... ما أقتنعتش بالابانوس و مقابض النيكل و حامل الأكواب ................. و حتى الا بى أس قولت أركبه مستقبلاً ............. (بحب أنا جداً دراسات جدوى القيمة المضافه)
من الأخر كدة كل طموحى كان عربيه أوتوماتك + ثبات على الطريق عشان المحور و الدائرى + بها الحد الأدنى من عناصر الأمان و عشان كدة جبت اللى فيها 1 ايرباج ..... اللى راكب جنبى بقى ربنا يتولاه :cool (1):
و بما ان حضرتك شكرت أوى كدة فى التيدا ........................ هدور على حد من أصحابى يسيبهالى لفه كدة ......... بس الأقى الأول :praying:
انا من ساعت ماشوف كلام استاذ احمد وانا بفكر بدل ماجيب السوبر صالون اجيب التيدا بس مش عارف فى ناس بتقول الزجاج الخلفى مش كهربا ؟ الكلام ده صح؟ مع ان مكتوب على موقع نيسان ان فيها ايرباج واحدة .. انا بتكلم على اول فئة سيدان
التيدا 4 شبابيك زجاج كهرباء طبعااااا
والله يكرمك متسمعش من حد بيفتى .. ولما تسال اسال ملاك العربية عشان تتاكد من المعلومة او اسال موزع معتمد لنيسان
لان بكره الناس اللى بتفتى بصراحة
وبخصوص الايرباجز بينزل دلوقتى فى كل فئات التيدا 2011 المكسيكى اتنين ايرباجز للراكب وللسائق .. والمعلومات قديمة فى موقع نيسان واللى موجودة معلومات بتاعت التيدا اليابانى
واللى بيفكر فى التيدا .. يلحق الفترة دى لان مفيش عربيات الا نادرا وتقريبا مش حتلاقوا كمان كل الالوان متوفرة .. ولو العربية عند حد بيكون عليها عروض عشان موديل 2011 وبتوصل تمنها الى 11000 او 10500 حسب كل موزع .. وسعرها الحقيقى اصلا 11500 وطبعا الخصومات دى تحفة ولقطة جدا
تقصد بالكلام ده موديلات 2010 ، ولو كانت الإجابه بنعم يا ريت تقولي فين وشكرا لك
في سؤال تاني أنا عايز أشتري العربية دي بس خايف أوي من موضوع قطع الغيار الغاليه أوي يعني تيل الفرامل ب 450 جنيه ده كتير أوي وبيعيش 20000كم بس وبعض الناس أحيانا بيلقوش بعض قطع الغيار في التوكيل وينتظروا شهر ولا شهرين زي طرمبة البنزين والحاجات اللي زي كده
أنا مقتنع بالعربيه دي أوي بس ده خوفي منها ياريت تقولي نصيحه شافيه كافيه
ومستني ردك بسرعه علشان حد هيشتري عربيتي مستني لحد ماشتري عربية جديده
وشكرا لك
كلامى على العربية تيدا 2011 لان مفيش 2010 زيرو خلاص
وبخصوص قطع الغيار ده كان ردى فى الموضوع فى اوله وده اقتباس منه
ولو دورت شوية فى الفهرس حتلاقى موضوع عاملة كمان انى بطمن الناس ان العربية منتشرة فى الحرفين فى قطع الغيار الجديدة والاستيراد
وبخصوص تيل الفرامل فى انواع اقل من 450 جنيه فى السوق وبتوصل الى 150 جنيه بس مش اصلى
وعلى فكرة المشكلة كلنا بنتكلم وخلاص على الحاجات الصغيرة دى .. بنوفر اه .. بس ممكن نلتدع فى حاجات تانية بسببها لو وفرنا .. ونغرم فى حق طنابير اغلى من التيل بسبب توفيرنا واهمالنا
وتيل الفرامل فى اغلب العربيات الكورى السيراتو والالنترا مش اقل بردوا من 400 جنيه الاصلى
والاصلى بيحافظ على الطنابير وامان ليك على الطريق
ده غير ان الواحد مثلا لو ركب تيل فرامل ونزله على 25 الف كيلو .. ولو عمل ال25 الف دول فى سنة .. مش مشكلة .. لان بالنسبالى لما ادفع حق تيل فرامل فى السنة او فى خلاخل سنة ونص تمنه 400 جنيه واصلى فاعتقد مش حتكون مكلفة قصاد ان احافظ على العربية
والاقل عن كدا موجود فى السوق ومنتشر .. وانواع كتير جدااا
لكن بحب اركب الحاجة الاصلى او الاستيراد بصراحة .. ودى وجهة نظرى
حافظ على عربيتك تحافظ عليك وتعيش معاك
تحياتى
كلام جميل ومقنع ومنتظر موضوعك بعد العيد بفارغ الصبر
سؤال تاني أنا لو هشتري تيدا مستعمل وعايز حد يبص لي عليها في التوكيل هل الموضوع ده سهل ولا المفروض أحجز وأخد دوري لأنك عارف إن اللي بيبيع بيكونة عايز يخلص
تاني حاجه أي فرع أروحه وهل الموضوع محتاج وصايه علشان يبصوا على العربية كويس ، وهل هيدوني تقرير فيه كل شيء وفيه مثلا توصيات بتغيير كذا أو كذا
يعني لو عندك فكره عن كل ما يخص المستعمل برجاء ذكره
وتقبل تحياتي
دلوقتي إحنا بعد العيد ومستنيين موضوعك يا أستاذ أحمد عن قطع غيار التيدا
تيدا لو معاك تمنها طبعا
ينفع تقارن الانترا بأكسينت
ينفع اوبترا بلانوس
مينفعش .... نفس الفكرة بين التيدا والصنى