أولا بينات السيارة:
- 1500 سى سى 110 حصان
- فتيس اوتوماتك CVT + 7 speed mode
- الفرش الداخلى بيج x بنى
- ابانوس فى الأربع ابواب + حوالين الفتيس
- وزن السيارة 1100 كجم
-ABS
-جنوط 15"
- السرعة القصوى على حسب تجربتى 190 km ومش عارف تجيب اكتر ولا لأ
-العربية عاملة 54000 كم اعتقد فترة كافية للتقييم التام
-اللون: أزرق زهرة
-نقطة بس العربية موديل 2006 بس انا شاريها من التوكيل فى 2007 زى ما بيقولوا بواقى بس كانت ارخص 11 ألف جنيه و عربية زيرو
التقييم:
اولآ الموتور:
- مش محتاج اتكلم عن موتور هوندا بس احب اوضح ان تسارع الموتور دا رهيببيوصل من 0 - 100 ما بين 11 و 12 ثانية
ثانيا الفتيس:
- دا لوحده عايز موضوع
الفتيس دا CVT و كل الناس عارفة نعومة ال CVT المهم الفتيس دا اول لما تشغل ال 7 speed mode بيبقى حاجة تانية خالص تسارع رهيب
- ال 7speed mode بيشتغل عل الوضع ال D العادى و بيشتغل على الوضع s
ثالثا الثبات:
- و دى نقطة فيها كلام كتير
الثبات على طريق مصر اسكندرية بعد التجديد عادى خالص لحد ال 160 و بعد كده بيقل جامد
الثبات على طريق وادى النطرون لحد 140 و بعد كده بيقل جامد
مشكلة الثبات دا هتوضح اكتر فى تقييم العفشة
رابعا العفشة:
- دى انا شايفة تتقييم عل جزئين:
1- داخل المدينة:
العربية عفشيتها ناعمة جدا جدا لأن المساعدين ناعمين اوى و مشوارهم طويل
ة ارتفاع الغربية عن الأرض (16 سم) دا ميزة عشان المطبات و الطوب و شوارعنا اللذيذة
2- الطرق السريعة:
معقولة نسبيا و ثباتها معقول زى موضحنا و الى بيأثر عليه زى مقولنا الأرتفاع الرهيب عن الأرض و المساعدين المشوار طويل
خامسا و دى اهم نقطة استهلاك البنزين:
داخل المدينة:
1- بدون التكييف : 20 لتر يعملو من 250 لى 270 كم
2- بالتكييف: 20 لتر يعملوا من 220 لى 240 كم
الطريق السريع:
السرعة 120 - 140
1- بدون تكييف: مجربتش بس اعتقد 20 لتر تعمل من 320 لى 340 كم
2- بالتكييف: ال 20 لتر تعمل من 280 لى 300 كم
سادسا الفرامل:
انا مع العربية دى اكتشفت مدى اهمية ال ABS و فرامل العربية هى اه مشوارها طويل بس يوم لما تكون عايزها تقف هتقف مكانها.
مشكلة الفرامل الوحيدة التيل بيخلص بسرعة ما بين 15 و 20 الف
و اهم حاجة الناس الى بتغيير تيل احسن نوعين بعد ما لفيت على جميع الأنواع هى ال nissin اليابانى و دا هو هو الأصلى بس مش مكتوب عليه هوندا و هو دا الفرق الوحيد و دا لسه جيبوا من عند مجدى الدسوقى ب 275 و الأصل سعرو غلى من 400 ل 475
من اكتر عيوب العربية و حاجة مكرهانى فيها انها بعد ال 120 العربية تفضل تدى صوت التحذير و دا ممل اوى و مستفز
الكاسيت البلت ان بتاع العربية كان audio و كان كل لما ارش عليه الأرمور اول كان يدخل و يحرق اى سى الصوت فا كررت انى اشيلو و اجيب وش من التوكيل الوش دا بيشيل كاسيت دبل دن و ريحت دماغى
* معلومة مهمة لى اى حد عايز يعدل فى العربية قطع غيارها من موتور و عفشة و انتريور هى هى الجاز او زى ما اسمها فى امريكا و اوروبا هوندا فيت 2007 عشان كدا انا عرفت لو عايز اجيب العفشة ال koni اجيب بتاعت ايه و كدا ممكن اتغلب بسهولة على مشكلة ال الثبات
يا رب يكون التقييم مفيد و محايد و اى سؤال انا موجود