مركز خدمة سيارات متكامل( مساعدة )

**SYD** · 28-08-2011 05:03 AM

المشاركة الأصلية كتبت بواسطة Ashraf_Ibrahim

لو تعمل كشف اعطال بالكومبيوتر يكون مركز رائع
وتقدر تستعين بالكوريك العادي بدلا من الروافع او تعمل البتاع اللي بيبقا عند بتوع الزيت دول وبالتالي تقدر تنزل تحت العربية وتبقا شايفها كويس
ممكن تعمل اتنين مثلا في المركز بتاعك

قصدك مجري

دة لازم طالما هيجيب جهاز ضبط زوايا

المشاركة الأصلية كتبت بواسطة hugan

شوف كتير من الاخوه الاعضاء فكروا في المشروع قبل منك
المشروع مش سهل ومحتاج مبلغ محترم
واداره ودعايه
والاهم الخبره السابقه لمثل هذه المشاريع
المضوع كبير
ربنا يوفقك

أؤيدك في هذا الرأي
وخصوصا لو هيجيب جهاز HUNTER
دة اعتقد من احدث اجهزة ضبط الزوايا وبيحتاج تحديث لل DataBase بتاعته كل فترة وليكن 6 شهور

المشاركة الأصلية كتبت بواسطة capo_em

الإخوة الأعضاء والمشرفين المحترمين بفكر أعمل مركز خدمة سيارات متكامل ودى بعض الأجهزة اللى أنا محتاجها ومحتاج أعرف رأيكم ممكن أعمل إيه فى المركز فوق كدة وكمان عاوز أعرف أسعار الأجهزة التالية وأماكن تواجدها ولو تقريبا هستفيد وبسألأ بردو لو انت دخلت مركز زى كدة تحب يكون فيه ايه ويعمل ايه بالظبط ياريت اللى عنده ولو كلمة واحد يقولها هتفيدنى وجزاكم الله خيرا
1- ماكينة شفط زيت الماكينة .
2- جهاز ضبط زوايا العجل .
3- جهاز ترصيص وضبط اتزان العجل .
4- كمبروسر الهواء .
5- جهاز تزويد الإطارات بالنيتروجين .
6- جهاز غسيل السيارات بالبخار .

انا شايف حضرتك مركز اوي علي الأجهزة الخاصة بالزوايا والأتزان

فين جهاز كشف الأعطال
فين الشنيور الي بيفك ويركب مسامير العجل
فين طقم العدة المتكامل من مفاتيح بلدي للأنجليزي والفرنساوي (طقم العدة الألماني او الأنجليزي لن يقل عن 2000 او 2500 جنيه بحد ادني)
فين الونش لو حبيت تفك الموتور من العربية
في تجهيزات كتير اوي احنا كمان معندناش فكرة بيها

انت محتاج حد يكون شغال في توكيل وتدخله معاك شريك ولو بنسبة صغيرة قصاد مجهوده وزباينه

ربنا يعينك

والله المستعان
،
،

**capo_em** · 28-08-2011 11:51 PM

المشاركة الأصلية كتبت بواسطة syd

قصدك مجري

دة لازم طالما هيجيب جهاز ضبط زوايا

أؤيدك في هذا الرأي
وخصوصا لو هيجيب جهاز hunter
دة اعتقد من احدث اجهزة ضبط الزوايا وبيحتاج تحديث لل database بتاعته كل فترة وليكن 6 شهور

انا شايف حضرتك مركز اوي علي الأجهزة الخاصة بالزوايا والأتزان

فين جهاز كشف الأعطال
فين الشنيور الي بيفك ويركب مسامير العجل
فين طقم العدة المتكامل من مفاتيح بلدي للأنجليزي والفرنساوي (طقم العدة الألماني او الأنجليزي لن يقل عن 2000 او 2500 جنيه بحد ادني)
فين الونش لو حبيت تفك الموتور من العربية
في تجهيزات كتير اوي احنا كمان معندناش فكرة بيها

انت محتاج حد يكون شغال في توكيل وتدخله معاك شريك ولو بنسبة صغيرة قصاد مجهوده وزباينه

ربنا يعينك

والله المستعان
،
،

بص يا سيدى أولا أنا بشكرك وبشكر كل أعضاء المنتدى على التعاون واشكرك على توجيهاتك
بالنسبة لجهاز كشف الأعطال مش هيكون فى أول العملية ومش هكون جاهزله لأنى هكون فى البداية
بالنسبة للدريل مكانش فى بالى بس أشكرك انك فكرتنى بيه
طبعا طقم العدة شئ مفروغ منه
ونش الموتور مش هستخدمه على الأقل فى الأول لأنى مش هشتغل ميكانيكا

أكيد قبل كل حاجة هسأل أكبر عدد من اللى ليهم خبرة فى مجالات مماثلة بس ادعيلى ولو جه فى دماغك أى حاجة قلى عليها وبجد أنا شاكر ليك

**capo_em** · 28-08-2011 11:57 PM

المشاركة الأصلية كتبت بواسطة حماده المصري

لو هتشتغل في الميكانيكا والعفشه فقط

محتاج

جهاز زبط زوايا

روافع ولتكن وحده على الاقل

الدريل بتاع العجل وتربيط العفشه

العدد كلها وتشمل جميع المفكات بجميع موديلاتها طويله وقصيره وكل حاجه والونش بتاع المتور ده برضو
محتاج شويه زراجين

محتاج كمبريسور هواء وكوريكات وحاجات كده بتترفع عليها العربيه وتتساب

ده اللي فاكره والموضوع محتاج انك تنزل وسط البلد تسال على كل حاجه ف شارع الجمهوريه تقريبا

عشان تعرف تعمل دراسه جدوى وقبل كل ده محتاج صنايعي بيفهم ويكون معرفه عشان يبقى معاك وميبيعكش

أشكرك حبيبى إن شيةاء الله هاخد لفة محترمة قبل كل حاجة بس ادعيلى وأشكرك مرة تاني

**capo_em** · 29-08-2011 12:44 AM

بصوا يا جماعة أولا كل سنة وانتم طيبيين
ثانيا أنا راسلت شركة متخصصة فى الأجهزة دى اللى سألت عنها وتفضل المهندس القائم بالمبيعات مشكورا بإعطائى معلومات مهمة وأسعار هذه الأجهزة وهقولهالكم علشان اللى حابب يعمل حاجة زى كدة وبردو يبقى عندنا فكرة عامة

أولا ماكينة شفط الزيت - صينى - 1400 جنيه
ثانيا جهاز ضبط الزوايا -إيطالى - إبتداءا من 50000 حتى 72000
ثالثا جهاز الترصيص - إيطالى - من 17000 إلى 22000
رابعا جهاز تزويد الإطارات بالنيتروجين - صينى - 6000
وأتمنى من أى حد يعرف شركة يسأل أو يعرف يساعد بأى حاجة
تحياتى ليكم

**capo_em** · 29-08-2011 03:06 PM

Up
Up
Up

**gazzar91** · 29-08-2011 03:36 PM

المشاركة الأصلية كتبت بواسطة capo_em

حبيبى تسلم فكر فكر براحتك
لا روافع على الأقل فى الأول لا
فكر يلا كمان

المشاركة الأصلية كتبت بواسطة capo_em

بصوا يا جماعة أولا كل سنة وانتم طيبيين
ثانيا أنا راسلت شركة متخصصة فى الأجهزة دى اللى سألت عنها وتفضل المهندس القائم بالمبيعات مشكورا بإعطائى معلومات مهمة وأسعار هذه الأجهزة وهقولهالكم علشان اللى حابب يعمل حاجة زى كدة وبردو يبقى عندنا فكرة عامة

أولا ماكينة شفط الزيت - صينى - 1400 جنيه
ثانيا جهاز ضبط الزوايا -إيطالى - إبتداءا من 50000 حتى 72000
ثالثا جهاز الترصيص - إيطالى - من 17000 إلى 22000
رابعا جهاز تزويد الإطارات بالنيتروجين - صينى - 6000
وأتمنى من أى حد يعرف شركة يسأل أو يعرف يساعد بأى حاجة
تحياتى ليكم

جهاز فك اطارات(ممكن يبقى مدمج مع جهاز الترصيص بس صعب تلاقيه)
لازم رافعة للعربية (غير اللي هتيجي مع جهاز ضبط الزوايا)
طرمبة زيت فالفلين
عدة زيت وفلتر كاملة (مفاتيح طبة مربعة أكثر من مقاس + مفاتيح فلتر شريط و شنبر و عقربة و جنزير)
و تبقى فكرة حلوة لو زودت مغسلة برضه مع الشغل ده
بس أنا عاوز أعرف مجال خبرة حضرتك في ايه؟؟

أتمنى لك التوفيق
في رعاية الله

**capo_em** · 29-08-2011 11:13 PM

المشاركة الأصلية كتبت بواسطة gazzar91

جهاز فك اطارات(ممكن يبقى مدمج مع جهاز الترصيص بس صعب تلاقيه)
لازم رافعة للعربية (غير اللي هتيجي مع جهاز ضبط الزوايا)
طرمبة زيت فالفلين
عدة زيت وفلتر كاملة (مفاتيح طبة مربعة أكثر من مقاس + مفاتيح فلتر شريط و شنبر و عقربة و جنزير)
و تبقى فكرة حلوة لو زودت مغسلة برضه مع الشغل ده
بس أنا عاوز أعرف مجال خبرة حضرتك في ايه؟؟

أتمنى لك التوفيق
في رعاية الله

بص يا سيدى أولا أشكرك على مشاركتك وبجد أفادتنى كتير وحابب اتواصل مع حضرتك أكتر علشان عندى شوية أسئلة
بالنسبة للمشروع إن شاء الله هبدأ بمسلة بخارية ودى تكلفتها 17000 جنيه وكمان هيكون فى غيار زيت
بصراحة انا خبرتى فى مجال تغيير الزيت محدودة ومحتاج اعرف اكتر لو تقدر تفيدنى عن :
إزاى أقدر أجيب الزيوت ؟
إزاى أعرف الكمية اللى بتاخدها كل عربية عشان بتختلف ؟
إزاى أصرف الزيت المحروق اللى بيطلع أوديه فين؟
وفى سؤال عن إنى فى دمنهور شفت محلات زيت حطين طرمبة بنزين واحدة قدام المحل وبيمونوا إزاى أقدر أجيبها ؟
حاول تفيدنى وابعتلى على الخاص طريقة التواصل معاك
كل سنة وانت طيب

**gazzar91** · 30-08-2011 05:33 AM

المشاركة الأصلية كتبت بواسطة capo_em

بص يا سيدى أولا أشكرك على مشاركتك وبجد أفادتنى كتير وحابب اتواصل مع حضرتك أكتر علشان عندى شوية أسئلة
بالنسبة للمشروع إن شاء الله هبدأ بمسلة بخارية ودى تكلفتها 17000 جنيه وكمان هيكون فى غيار زيت
بصراحة انا خبرتى فى مجال تغيير الزيت محدودة ومحتاج اعرف اكتر لو تقدر تفيدنى عن :
إزاى أقدر أجيب الزيوت ؟>>>>>>> مش عارف صراحة
إزاى أعرف الكمية اللى بتاخدها كل عربية عشان بتختلف ؟ >>> ممكن من مقاس الزيت أو برنامج autodata
إزاى أصرف الزيت المحروق اللى بيطلع أوديه فين؟ للأسف مش عارف
وفى سؤال عن إنى فى دمنهور شفت محلات زيت حطين طرمبة بنزين واحدة قدام المحل وبيمونوا إزاى أقدر أجيبها ؟ >>برضه مش عارف
حاول تفيدنى وابعتلى على الخاص طريقة التواصل معاك
كل سنة وانت طيب

للأسف أنا لسه طالب في كلية الهندسة و مباقليش في مجال السيارات غير سنتين تلاتة

في رعاية الله

**SYD** · 30-08-2011 10:53 AM

بالنسبة للزيوت القديمة الخارجة من العربيات ليك فيها صرفتين

1- تعبيها في جراكن وتعيد بيعها (سجن وقتي) هههههه بهرج طبعا يا حبيبي ربنا يكفينا شر الحرام

2- بشوفهم بيحطوها في براميل صاج كبيرة (غالبا بتاعة الزيوت الي بيبقوا جايبنها)
بس مش عارف بيرموها فين او مين بيشتريها منهم بس it's very easy انك تسأل اي حد من بتوع الزيت او محطة البنزين الي بتمون منها او بتاع الزيت الي هتشتري منه (يمكن يكون بيعاد تكريرها واعادة استخدامها)

بالنسبة للزيت نفسه اعتقد شركات البترول ممكن تفيدك لأن بشوف عند بتوع الزيوت براميل كبيرة مكتوب عليها موبيل وشل واسو فغالبا بيشتروا من شركات البترول الزيوت وكمان بيجيبوا الزيوت الجوالين بتاعتنا العادية دي ال1 لتر وال4 لتر

ربنا يوفقك

والله المستعان
،
،

الموضوع: مركز خدمة سيارات متكامل( مساعدة )

LinkBack

أدوات الموضوع

عرض

-

-

-

-

المواضيع المتشابهه

مركز خدمة سيارات

انا عايز اعمل مركز صيانه كامل متكامل ومحتاح مهندسين مكانيكا سيارات

بيع مركز خدمة و صيانة سيارات

مركز خدمة سيارات الرواس

ايه احسن مركز تلميع سيارات Detailing او خدمة سيارات في مصر ..

الكلمات الدلالية لهذا الموضوع

المفضلات

المفضلات

ضوابط المشاركة