بخصوص الصيانة 15000

**darsh_** · 28-08-2011 02:22 AM

السلام عليكم

عاملين ايه يا ملاك الجميلة f3

دلوقتي انا واقع في مشكلة صغيرة كدة

العربية هتعمل 15000 خلاص اتصلت احجز الصيانة في القطامية و للاسف اقرب ميعاد يوم 6 /9

دلوقتي احنا مسافرين بيها في العيد و لازم نغير زيت............هل ينفع اغير زيت خارج صيانة ال 15000 بالتوكيل و اروح اعمل الصيانة بس و لا ايه النظام ؟؟؟؟

و سؤال فرعي .........الناس الي جربت الشل عامل معاها ايه...........انا بغير علطول موبيل 5000

و شكرا مقدما

**darsh_** · 28-08-2011 09:01 PM

يعني خلاص مفيش حد بيرد

ايه يا جماعة مش معقول كدة !!!!!!!!!!!!

**Emad Habib** · 28-08-2011 09:57 PM

لازم تتصل باحد المسئولين فى شركه الامل او فى مركز الصيانه ليقوم بالرد على سيادتك مع معرفه بيانات السياره وكل المعلومات التى بها يمكن ان يردوا على سيادتك
خالص تحياتى لسيادتك

**elmanahry** · 28-08-2011 10:08 PM

الشل الترا جربته وهو افضل من موبيل وان ولكن عيبه انه لا يتحمل درجات الحرارة العالية لانى اسكن فى المنيا ودرجة الحرارة فى النهار تصل الى خمسين درجة مئوية لى نصيحة جرب زيت شل الاصفر 3000 كم وروح عيد وارجع على التوكيل واحنا داخلين على الشتاء ينفع الشل الترا لانه بيوطى صوت الموتور وبينعم السيارة

**darsh_** · 28-08-2011 11:28 PM

المشاركة الأصلية كتبت بواسطة elmanahry

الشل الترا جربته وهو افضل من موبيل وان ولكن عيبه انه لا يتحمل درجات الحرارة العالية لانى اسكن فى المنيا ودرجة الحرارة فى النهار تصل الى خمسين درجة مئوية لى نصيحة جرب زيت شل الاصفر 3000 كم وروح عيد وارجع على التوكيل واحنا داخلين على الشتاء ينفع الشل الترا لانه بيوطى صوت الموتور وبينعم السيارة

تحباتي ليك يا دكتور و نورت الموضوع بالمشاركة الجميلة دي

الف شكر

**sv065** · 30-08-2011 12:57 AM

السلام عليكم ورحمة الله وبركاته

أولا عيد سعيد عليكم جميعا إن شاء الله وكل عام والجميع بالف صحة وسعادة

بخصوص موضوع الزيت الصراحة بحاول منذ فترة كبيرة التوصل لأفضل نوع يحافظ علي موتور سيارتنا الجميلة

وبعد تجربة موبيل 1 وشل ألترا الصراحة الفرق بينهم مش كبير أو بمعني ادق مش ملحوظ الإتنين صنع في مصر وللأسف ليس بنفس مستوي ازيوت المستوردة من حيث التحمل خصوصا درجة الحرارة العالية

وأخيرا هداني الله عز وجل إلي أحد الزيوت الممتازة من وجهة نظري وإن كانت ليست علي نفس مستوي الإنتشار الكبير لشل وموبيل في مصر لكن هي علي الطريق إن شاء الله وهذا النوع مشهور جدا جدا بالخليج

وفعلا بدأت تجربته الأولي لي منذ أسبوع بالظبط ومبدأيا أشعر بفرق من ناحية نعومة الموتور ومعدل سخونة أقل مع العلم أنه تقريبا نفس سعر موبيل وان وشل ويتفوق عليهم في انه يعمل لمسافة 15000 كم

لذا أرجو مراجعة هذا الموضوع للفاضل أ/ كريم منير

http://www.nilemotors.net/Nile/220046-a.html

خالص تحياتي