شاهين و لا اكسيل

**beshomilan** · 28-08-2011 11:11 PM

إزيك يا باشا إنت فين مابنشوفكش في رابطة الا كسيل من زمان

مرسى استاذ ماجد على السؤال عنى بس بصراحة انا بصراحة واخد على خاطرى منكم لانكم منفضنيلى خاااااااالص فبطلت ادخل وبقيت ادخل ابص بصه كل فين وفين ولما بعرف اساعد حد بساعد
اشكرك بجد على سؤالك واتمنى تكون بخير وكل سنه وحضرتك طيب

**ahmdmagdy** · 30-08-2011 09:41 PM

انا خلاص توكلت علي الله و هشتري شاهين بس عاوز اعرف حاجه سعر الموتور كام و الفتيس ال 6 غيار و الكورونا

**hugan** · 31-08-2011 01:01 AM

المشاركة الأصلية كتبت بواسطة ahmdmagdy

انا خلاص توكلت علي الله و هشتري شاهين بس عاوز اعرف حاجه سعر الموتور كام و الفتيس ال 6 غيار و الكورونا

موتور وفتيس ليه
علي العموم لو نويت علي الشاهين
ما تشتريش قبل 97
الموتور المعدل 1400 موتور لانشيا
موتور الشاهين غالي بيعمل حوالي 7000
اما الكارونه الكل بيركب كارونه ياباني

**hugan** · 01-09-2011 04:48 PM

المشاركة الأصلية كتبت بواسطة ahmdmagdy

اصل انا سمعت انهم غاليين اوي طيب امتي الواحد يشتري موتور للعربيه عشان شكله غالي اوي

تشتري موتور
الكلام ده بيكون لما الموتور بيكون خلاص عايز اعدام ومش هاينفع فيه عمره
الشاهين عربيه تعتبر حديثه نوعا ما
وكتير ممكن تلاقي عربيه عامله كيلو متر قليل
يعني الموتورلسه بحالته يشتغل معاك 10 سنين من غير ما تفتحه وتعمل له حتي طقم شنبر مش عمره
المهم ربنا يرزقك بعربيه تكون حالتها نضيف جدا ومش مهم لو تجيبها اغلي عن سعرها 2000 او 3000 لانك انت المستفيد بنضافه العربيه
موتور الانشيا ال 1400 من المواتير المحترمه جدا
ادائه عالي وصيانته بسيطه وموتور معمر
العربيه عندي كنت شاريها في 2005 وكانت عامله 40000 من الزيرو
العربيه عامله 200000 والموتور بفضل الله ممتاز
مفيش غير تغيير زيت وفلتر وسير الكاتينه كل 40000

**hugan** · 01-09-2011 09:19 PM

المشاركة الأصلية كتبت بواسطة ahmdmagdy

شكرا ليك

طيب ممكن اعرف من حضرتك لو شاهين موديل 2000 تعمل كام لو افترضنا ان حالتها جيده تعمل كام

الاسعار بصراحه مقدرش افيدك
لا نها عمليه نسبيه حسب حاله كل عربيه
لكن المعروف ان الشاهين من 97 الي 99 من 30 الف الي 35 الف
موديل 2000 و2002 كانوا نازلين باور وتكييف
من 2003 الي اخر 2005 كانت بتنزل فاضيه
2006 الي 2009 كانت بتنزل انجيكشن فاضيه
لو تلاقي حاجه 1600 يكون افضل
باور وتكييف وموتور اشد