الفرق بين الماروتي الصيني و السوزوكي ماروتي و الألتو
بسم الله الرحمن الرحيم
السلام عليكم و رحمة الله و بركاته
كل سنة و انتم طيبين
كلنا بنسمع عن الماروتي الصيني او كما بيسموها
جين التو و لا جين التو ماروتي و لا سيتي سبريت مش عارف دول واحد و لا نفس العربية و اختلاف اسم فقولت انزلهم كلهم:36_1_37[1]:
اي ان كان بس زي ما بنسميها احنا بقي الماروتي الصيني
و فيه ناس مسمعتش اساسا عنها
و قررت اني ابحث و اعمل مقارنة بينها و بين السوزوكي ماروتي
و الناس هتستغرب اني قولت التو و و هتعرفوا السبب
و الصور منقولة طبعا نظرا لأني ملقتهاش في الشارع
و اللي عايز يعرف معلومات اكتر عن السوزوكي التو و السوزوكي ماروتي عشان يقارن برده
اتفضلوا
http://www.nilemotors.net/Nile/224984-a.html
http://www.nilemotors.net/Nile/229742-a.html
نبتدي ع بركة الله
اولا : من الخارج
الماروتي
http://www.tarooti.net/upfiles/S0k11950.jpg
سيتي سبريت
http://www.tarooti.net/upfiles/MQ312117.jpg
الجين
http://www.tarooti.net/upfiles/8DD14080.jpg
الماروتي
http://www.tarooti.net/upfiles/gut11950.jpg
سيتي سبريت
http://www.tarooti.net/upfiles/sJF12320.jpg
الجين
http://www.tarooti.net/upfiles/oyK14080.jpg
ثانيا : من الداخل
الماروتي
http://www.tarooti.net/upfiles/QkJ11950.jpg
الألتو
http://www.tarooti.net/upfiles/h9211688.jpg
سيتي سبريت
http://www.tarooti.net/upfiles/WUA11688.jpg
الجين
http://www.tarooti.net/upfiles/sjd14080.jpg
بعد ما شوفتوا الصور تعليقي ع العربية كالآتي :
بس هتكلم عن السيتي السبريت او الجين التو كأنهم واحد لأنهم واحد فعلا ههههههههه
معادا اختلافات بسيطة زي الاكصدام الامامي الفانوس الخلفي الدريكسيون و الفتيس و العدادات
العربية واخدة نفس شكل الماروتي الجديد من قدام مع اختلاف بسيط زي الاكصدام
شنطة العربية نفس شنطة الماروتي الشكل القديم اللي نزلت في التسعينات و ده يمكن سبب انه يخليك لما تبص ع العربية تحس انها قديمة مش موديل حديث
و ديه نقطة تحسب ع العربية
بالنسبة التابلوه فرق شاسع بين تابلوه الماروتي و الجين التو
لكن نقطة في صالح الجين التو
و التابلوه الي حدا ما قريب من تصميم الالتو الــ2008-2009
الا في اختلافات بسيطة و ده واضح من الصور مش عارف ليه برده تبص للتابلوه تحس انك بتبص ع موديل قديم في السيتي سبريت و في الجين اجدد شوية
الدريكسيون شايفه مش متناسق مع العربية لا شكلا و لا موضوعا
الدواسات بتفكرني بالـ128
العدادات كويسة
ع حد علمي العربية 1100 سي سي
خزان بنزين يشيل 30 لتر
الاستهلاك تقريبا 250 كيلو في الصفيحة
و كعادة الصيني بيهتموا بتزويد العربية بجميع الكماليات اللي تخلي اي شخص يبقي عايز يشتريها مش موجودة في الفئة اللي تقابلها زي التكييف و الكاسيت و الازاز الكهربا و هكذا و في نفس الوقت السعر بيبقي كويس
السعر اعتقد في نفس حدود السوزوكي ماروتي
بالنسبة قطع الغيار بيقولوا انها نفس الماروتي يعني من الاخر جابوا نفس العربية و حطولها اسم جديد
الموتور تقريبا موتور الالتو مع تعديلات
بشكل عام العربية لما الواحد يبصلها مقارنة بالسوزوكي ماروتي يحس انه بيبص لعربية قديمة في التسعينيات مش عارف الاحساس ده كله حاسه و لا عندي انا بس
الكماليات اللي نازلة تخلي اي حد يبقي عايز يولع في السوزوكي الماروتي
و بالاضافة لكده بالرغم من انها صيني لكن عفشة و موتور ياباني
و نفس قطع غيار الماروتي
التجميع الصيني و طبعا الصيني الفينش بتاعه معروف
رأيي الشخصي
لو خيروني بين سوزوكي ماروتي و الماروتي الصيني
هشتري السوزوكي ماروتي ده في الاحوال العادية
لكن طبعا بعد ان وصل سعر السوزوكي الماروتي 39 الف يبقي و لا هشتري ديه و لا هشتري ديه
و الافضل اجيب حاجة كبييرة مستعملة بالسعر ده حتي لو هزود كام الف و اجيب اكسنت او لانوس ...او....الخ...الخ
و انا مسوقتش العربية لكن الجواب باين من عنوانه :)
و اتمني لو حد عنده تعليق او اي اضافة بخصوص العربية انا معرفهاش يضيفها
و بالتوفيق للجميع ان شاء الله
الموضوع غير منقول لكن الصور منقولة :tumb: