السلام عليكم و رحمة الله و بركاته
دى اول مشاركة و ان شاء الله متكونش الاخير انا بجد فى مشكلة كبيرة بسبب العربيات بقالى شهرين بدور على عربية كويسة و تكون فى حدود 45 الف جنيه مصرى و مكنش فى اى فرصة المهم
انا قدامى عربية اوبل استرا 2001 فابريقة برة و جوة و مطلوب فيها 50000 و نزلنا السعر لـ 48500 بس انا ربطت كلام مع الراجل انى هاخدها ب 48000 بس .
عاوز اعرف رأيكم فى العربية دى من حيث المميزات و العيوب مع العلم انى بفكر اشتريها لأغراض دراسية و عائلية بعيدا عن تهور الشباب و ما الى اخره هتبقى على قد مشاوير البيت و الجامعة و بس
والدى فى ناس بتقوله ان الالمانى عمرة الموتور بتاعتها ب 5000 جنيه و قطع الغيار غالية قوى
و لما انا سالت واحد قالى ان موديل 2001 اسعار قطع الغيار بتاعته حنينه شوية مش زى الموديلات الاحدث اللى الفانوس فيها ممكن يوصل 1200 جنيه
بصراحة يا جماعة انا العربية عجبتنى قوى و عايز اخدها بس انا مقلق من مصاريفها اتمنى تفيدونى و منتظر مناقشتكم و رايكم فى سعرها
تحياتى