-
Nissan Micra from PortSaid
السلام عليكم ورحمه الله وبركاته
============
انا عضو جديد هنا معاكو في السايت القوي جداا بجد نايل موتورز
ويارب تتقبلوني عضو خفيف عليكو
وانا من بورسعيد
ودي صور للعربيه بتاعتي بعد التوضيب -لان متغير فيها حاجات كتير-
منتظر ارائكم
ولكم تحياتي
-
ما شاء الله
العربيه جميله و رقيقه و الشغل اللى معمول نضيف جدا
بس معلش سؤال يعني
حضرتك من بورسعيد ... مش مستفيد ليه من المنطقه الحرة!!!
و عموما اهلا بيك وسط اخواتك في المنتدى دايما منور معانا
-
اولا شكرا ليك علي الرد يا استاذ ابو سيف
وميرسي لذوق حضرتك
ثانيا بخصوص المنطقه الحره
فزياده لمعلومات حضرتك ان لكل اسره سياره ((واحده)) منطقه حره
يعني بالعامي مينفعش في عيله واحده عربيتين منطقه حره
واحنا عندنا عربيه منطقه حره فبالتاني مينفعش بقيه العربيات يبقي فيهم منطقه حره
ياريت تكون المعلومه وصلت لحضرتك
وتقبل تحياتي
-
ربنا يباركلك فيها جميله ما شاء الله
-
جميلة جدا....ربنا يباركلك فيها:)
بس مش كتير 8 سماعات علي الرف اللي ورا...:)
-
ما شاء الله جميله و معموله نضيف ربنا يباركلك فيها
-
شكرا شباب علي رايكو الجميل
ووالله يا نادر ماكتير ولا حاجه
ده كان فيه لسه 2 كمان بس مكنتش لاقي مكان احطهم فيها :D
-
اهلا اهلا استاذ ميشو ميكرا
يا رب نشوفك دايما هنا .. وتفيد وتستفيد
تحياتي ;)
-
أهلاَ بك يا ميشو بيننا و المنتدى كله أخوات ..
و ربنا يبارك لك في عربيتك و يعطيك خيرها و يمنع عنك و عنها أي شر إن شاء الله ..
و التعديلات الليى أنت عاملها دي جميلة ..
بس حرام 8 سماعات أنت ناوي تفتح DJ في العربية و لا إيه .. ؟!
:):)
-
-
يا عيني يا عيني على الدلع
ماشاء الله بس كده :)
-
شكرا يا شباب علي الريبلايات الجامده دى
ووالله ولا ديجي ولا حاجه
دي اقل عدد بيتركب هنا في بورسعيد والله
ده فيه عدد بلاوي ولو عايزين تتفرجو علي الدي جي بجد افرجكو
شكرا ليكو علي الترحيب الجامد ده
-
معديه..ايه يابنى الحلاوه دى..ربنا يحفظهالك
-
جميلة خالص يا باشا و ربنا يباركلك فيها
و لازم تعزمنا بقي ع غدوة سمك عندك .... و لا ايه
-
اية يابنى الحلاوة دى
حلاوة فى الاختيار وحلاوة فى المضمون
ربنا يباركلك فيها و يحفظك بيها
بس قطع الغيار ..اية نظامها عندك سكة فيها ؟
-
ميرسي ليكو يا شباب علي الريبلاي
شكرا ليك driftracer11 وربنا يخليك
وشكرا ليك يا atlas_u واخلي وجبه سمك وبجد مش عزومه مراكبيه بس انت تعالي ونورنا وانا تحت امرك في اي حاجه
واخيرا وليس اخرا شكرا ليك يا SEATLOVER وبالنسبه لقطع الغيار فانا خلاص قربت انتحر بسبب الموضوع ده مافيش اي حاجه نهائي ولا حتي تيل فرامل كلو بيتجاب من بره مصر
وشكرا ليكو كلكو
-
ما شاء لله عربيه رائعه
ربنا يحمهالك و يديك خيرها و يحميك من شرها يا رب
-
ما شاء الله جميييييييلة
ربنا يحفظهالك
-
ربنا يملهالك بركة ويباركلك فيها
ما شاء ذوق عالي وتظبيط هادي ..
عندك حق بورسعيد بيبهدلو السيارة سماعات .
أه أستفسار معلش طقم الجنوط الأبيض ده في حدود كام ؟ ومقاسه بليز ...
-
ما شاء الله العربية جميلة فعلا ...
ربنا يباركلك فيها...
-
ميرسي ليكو كلكو يا شباب
شكرا حازم وشكرا فهد وشكرا ليك يا قمرايا وربنا يخليك ليا
وبالنسبه لاستفسارك يا محمد باشا
ده جانط 15 وهوا اصلا لونه مش ابيض انا الي راشه ابيض اكيد باين من الصور الي فوق
وكنت جايبه من القاهره من حوالي 3 سنين ب 1850 ((مش صيني))
واي خدمه
-
بسم الله ما شاء الله
جميلة أوى
-
شكرا على رد يا جميل ربنا يباركلك فيها ويحفظهالك.
-
بسم الله ماشاء الله....رايقه...وجميله...وشيك موت
ربنا يباركلك فيها
العربيه دى انا بحبها اوى...وسوقتها قبل كده
كانت مع واحد صاحبى زمان...بس كانت توربو..
-
-
شكرا ليكو يا شباب
وشكرا ليك يا فلاينج ويارب تكون العربيه الي انت سوقتها تكون نيسان ميكرا -لانها قليله جدا في مصر-
وشكرا ليك يا اسد ويا محمد
ولكم تحياتي جميعا
-
جميلة جدا ومميزة موووووووووووووت
ربنا يباركلك فيها
-
اقتباس:
المشاركة الأصلية كتبت بواسطة MeshoMicra
وشكرا ليك يا فلاينج ويارب تكون العربيه الي انت سوقتها تكون نيسان ميكرا -لانها قليله جدا في مصر-
دا سؤال ياباشا بردو...دا حتى تبقى عيبه فى حق شعرى اللى شاب من عالم السيارات :D:D
ميكرا.... ياباشا طبعا وانا اللى مركب فيها الفلتر ال K&N بايدى اللى ياكولها الدودو دى :D
وكانت 3 باب 1400 توربو...بس احنا اللى كنا مركبين التوربو..عشان هى مابتنزلش بمواتير توربواصلا...كنا حطين فيها التوربو بتاع التويوتا ستارليت
بس انا ليا سؤال رفيع :D
هو انت مسقطلها مكنه ؟؟؟؟
اصل حضرتك قولت انها 1600 !!!!
علما بان الجيل دا من النيسان ميكرا واللى بيطلق عليه K11
اقوى واكبر موتور بنزين ليه هو ال 1400 16 V
وفى واحد تانى 1500 بس ديزل
ياريت تقوللى انت مسققط فيها مكنه ايه ؟؟؟؟؟؟؟؟؟
وربنا يباركلك فيها
-
بسم الله ما شاء الله, عربية جميلة يا ميشو وانا فعلا شفتها كتير فى بورسعيد.
-
والله يا فلاينج انا تحت امرك في اي حاجه
وبالنسبه لعربيتي فهيا اصلا نازله 1000 cc انجيكشن
وحصل فيه اعطال كتير وطبعا مافيش فيها اي قطع غيار
فغيرت حطيت موتور صاني 1600 هاف انجكشن موديل 96
فاكيد زي مانت مبتقول الموديل ده اصلا مافيش منو 1600
بس من بدايه موديل 98 بدا ينزل منها موتور 1600 علي العربيه الكوبيه بتاعتها
وفيه اخر موديل ميكرا 2006 ده نازل موتور سبور 1800 cc تربو
انما الموديلات القديمه من سنه 94 كان بنزل 1000 و 1400 cc
واي خدمه ليك يا باشا
وعلي فكره فيه مشروع موتور 1800 تربو علي الصيف باذن الله بس نخلص من موضوع الخطوبه اول
باركولي بقي :D:p
-
اقتباس:
المشاركة الأصلية كتبت بواسطة Abdallah
بسم الله ما شاء الله, عربية جميلة يا ميشو وانا فعلا شفتها كتير فى بورسعيد.
اهلا بيك يا عبد الله
وانت تنور وتشرف في اي وقت
وابقي خلينا نشوفك مش تشوفنا انت لوحدك :cool:
-
ربنا يباركلك فيها ياباشا
ماشاء الله جميله جداااااااااااااا
-
اقتباس:
المشاركة الأصلية كتبت بواسطة furp
ربنا يباركلك فيها ياباشا
ماشاء الله جميله جداااااااااااااا
ربنا يخليك يا باشا
وشكرا جدااااااااااااا
-
-
ما شاء الله و لا حول و لا قوة إلا بالله
العربية يا ميشو باشا معمول فيها شُغل حلو قوي
على فكرة أنا كان معايا نيسان ميكرا في انجلترا بس موديل أقدم من ده
بس عربيتك ......... رائعة
بس ممكن أقول حاجة
أنا شايف إن الألوان الداخلية بناتي شوية ........
غير كدا ربنا يباركلك في العربية و هي فعلا عربية حلوة قوي
-
عربية يتقال عليها لذيذة .... ربنا يباركلك فيها ... ويكفيك شرها
-
شكرا علي الريبلاي يا توت
والعربيه دي موديل 94 يعني اكيد انت كان عندك موديل 90 لان قبل كده الشكل كان متغير تماما
وبالنسبه للالوان الداخليه فهوا كان لازم الوانها الداخليه تمشي مع الوانها الخارجيه
لان اصلا كان لون العربيه فسدقي والاولوان الي كانت جوه كانت ماشيه مع اللون القديم
ولما غيرت اللون كان لازم اغير الالوان الي جوه بردو
واي خدمه ليك يا باشا
وشكرا ليك يا محمد حاتم وربنا يباركلك.... وشكرا ليك يا دودو
-
ربنا يباركلك فيها ويكفيك شرها ويحفظك من كل سوء
لمشاهدة برامج التليفزيون حمل هذا البرنامج الجميل
http://uploaded.to/?id=dwzz2r
-
شكرا ليك يا ميدو علي ردك
ولك تحياتي
-
بس أنت مسقط فيها موتور كام سي سي و أخبار أداء و ثبات العربية إيه ..؟!
:):)