مساعده ضروريه من اصحاب الخبره فى ال405

**mirage_kj** · 28-08-2011 12:36 PM

يا جماعه انا عندى مشكله محيرانى بقالها 3 سنين ان العربيه بتعمل باك فير لما اجى ابطل
روحت لمليون ميكانيكى اللى قعد يهدى العربيه لغايه ما خلى عداد الار بى ام واطى جدا جدا اقل من 500 لفه فى الدقيقه وبرضه العربيه اول ما حرارتها تبقى عند ال90 تعمل الباك فاير وانا ببطل
وروحت لواحد تانى قالى ممكن عيب فى التقسيمه ولقاها سليمه وميكانيكى تانى قالى ممكن من الحراره غيرت الرادياتير كله برضه ونفس المشكله غير ان الحراره عندى 80 بس لما اجرى بتنزل ل70 ولما امشى على سرعات بطيئه توصل ل 90 غير انى ديما الاقى المايه بتطلع من الفايص بتاع الرادياتير بعد لما ابطل العربيه وتعمل الباك فاير. انا العربيه موديل 1994 1600 سى سى كاربرتير ..... حد يا جدعان بشوفلى حل علشان خلاص حاولع فى العربيه

**mirage_kj** · 28-08-2011 05:23 PM

ايه يا جماعه محدش عايز يساعد ولا ايه

**mohamedadelemam** · 28-08-2011 07:05 PM

السلام عليكم..حضرتك هى كهربا زايدة أو ظبط خليط الهواء والبنزين فى الكربيراتير..عموما أنصح حضرتك لو مظبطتش إنك تغير الكربيراتير وبإذن الله هتتظبط

**mr_sameh** · 28-08-2011 07:12 PM

شوف ميكانيكي شغال في البيجو

**mirage_kj** · 28-08-2011 08:04 PM

mr_sameh

شوفت كذا واحد وكل واحد يفتكس حاجه وبرضه المشكله زى ماهيه لغايه ما اخر واحد قالى حايركب جوان وش سلندر تانى وبصراحه انا زهقت منها

**mirage_kj** · 28-08-2011 08:05 PM

mohamedadelemam

تغيير كاربرتير مره واحده !!!!!! انت تعرف ده تمنه كام علشان اغيره ....ده انا ابيع العربيه اسهل

**mohamedadelemam** · 29-08-2011 12:15 PM

السلام عليكم..حضرتك ممكن تجيبه مستعمل فى حدود 400 جنيه..وغير كدا هو بإذن الله الحل

**mbx4e** · 30-08-2011 08:57 AM

كهربا مش مزبوطه
(بوجيهات مش مزبطه او غير مناسبه او مخالفة - اسبراتير (ممكن يكون العيب في المشط) مش متزبط - كهربا عاليه )
خلي بالك ممكن مشكلة الحراره تقلب معاك جوان وش سلندر ولو اتهملت تجيب وش
ولو العيب مش كهربا راجع على الكربراتير لو سليم راجع على التوصيلات بتاعت الكربراتير والاسبراتير واي خطوط فاكيوم بينهم
بالبلدي كله دا ليه علاقه بالكهربا

**mbx4e** · 30-08-2011 09:08 AM

المشاركة الأصلية كتبت بواسطة mirage_kj

mr_sameh

شوفت كذا واحد وكل واحد يفتكس حاجه وبرضه المشكله زى ماهيه لغايه ما اخر واحد قالى حايركب جوان وش سلندر تانى وبصراحه انا زهقت منها

على فكره ممكن يكون له علاقة بالسخونه الزايده وكلام مزبوط
ممكن تزبط ال3 مع بعض كهربا الاول بعدين الكربراتير بعدين ( الرادياتير واساعات الحراره وكتاوت الباترون والثرموستات والثرموسويتش والمراوح) وبعدين في الاخر تخش في قصة الجوان
بس هل انت دورة التبريد سليمه عندك ؟؟؟؟ هي واجوان السلندر لهم علاقة بالسخونه
بس الباك فاير سببه كهربا او كربراتير او الاتنين