ياريت كلنا نعمل زي الراجل ده

**hugan** · 28-08-2011 11:05 PM

النهارده في التجمع الخامس
امام المدرسه المصريه بعد الجولف في صينيه وانت جاي من النفق عند الجهاز الصينيه ليها تفريعات
المدرسه بعد الصينينه بحوالي 200 متر
طبعا بعض السواقين وهو خارج من عندا لمدرسه المفروض يمشي حوال كيلو علشان يلف ويرجع تاني لو رايح علي الجهاز او طالع علي الدائري
البهوات بيعملو ا ايه بياخدو الحته دي عكس في طريق عمومي مش بطيء
المهم شخص محترم جدا راكب نيسان صني وانا كنت خلفه فوجيءبميكروباص وعربيه نقل دبابه خارجين من الفتحه امام المدرسه وطالعين وش عكس الطريق
صاحب النيسان راح معرض العربيه في نص الشارع ونزل من العربيه وصمم انهم مش ها يعدوا
ورحت نازل وراه نفس الكلام
ضابط جيش كان مقدم راح نازل هو كمان وشاور لهم انهم يرجعوا
بصراحه كان موقف جميل
صاحب النيسان اتشكر ليا جامد لاني كنت وراه علي طول واستغرق حوالي دقيقه علي ما بقيه العربيات جت وفهموا ايه المشكله
الجميل في الموضوع هو ان اكل كن مصمم علي تصحيح الغلط
الغلط ممكن بسهوله تصحيحه لكن الناس لو تتكاتف مع بعض

**Ashraf_Ibrahim** · 28-08-2011 11:14 PM

تحياتي ليك ولصاحب الصني واكيد لو انا كنت معدي كنت وقفت معاكم طبعا
لا يصح الا الصحيح يا جماعة

**beshomilan** · 29-08-2011 12:21 AM

فعلا انا بقى عندى لا مبالاه بس بكون مضايق اوى من نفسى وانى معدى وشايف الغلط قدام عينى
لانى كل مابحاول انصح حد بتبقى مشكلة وبلاقى وحوش بتتكلم مش بنى ادمين
بس انا حد مش بتاع مشاكل فبتنجب الشر وبقيت بكمل عادى..وربنا يسامحنى