هو فى جيتا 2011 مش dsg

**mailo** · 08-09-2011 12:49 PM

حضرتك عشان تعرف ان الفتيس dsg فى طريقتين
اولا بيكون مكتوب على الفتيس
ثانيا تدور العربية وتشغل المانيوال بتاع الفتيس فا تتحول معاك الشاشة بتاعة النقلات لارقام وهيبان ادامك 6 نقلات من 1 الى 6 مكان p r n d s

هو ال dsg كام نقلة اللي أعرفه 7 مش 6 زي القديم

**hany63** · 08-09-2011 01:22 PM

DSG 7 نقلات للمواتير اللى عزمها لغاية 240 نيوتن وهى 1400cc TSI اما المواتير الاكبربتبقى DSG 6 نقلات زي باسات 1800cc , سوبرب 1800 برضه

**شاهين - بنز** · 09-09-2011 07:49 PM

الجيتا الجديدة وش حتبقى dsg حتى لو 1.6 كمان مش شرط تبقى tsi لإن الجولف6 1.6 وبرضه dsg وإطمن أي عربية dsg فولكس بتنزلها أساسي بيبقى مكتوب على عصاية الفتيس زي مالشباب قالوا
والعرية الوحيدة لحد دلوقتي إللي نازلة من غير dsg هي الأوكتافيا فقط

**dr_mim81** · 10-09-2011 02:09 AM

سلام عليكم
دلوقتي يا جماعة انا معايا جيتا 2009 الموتور ال 1600 وكنت بفكر ابيعها
وكنت سمعت ان الشكل الجديد خلاص قرب ينزل وانة هينزل الموتور ال 1400 وطبعا الموتور دة سمعتة في مصر مش كويسة
فانا اعتقد ان بالتالي سعر العربية الجيتا اللي هي الشكل اللي هيبقي قديم خيرتفع ولا انت اية رايكم في وجهة النظر دي؟
ولا بالعكس الشكل القديم سعرة هينزل؟هو الطبيعي الشكل الجديد غالبا بينزل سعر الشكل الجديد لكن هنا في مشكلة الموتور دي؟
فكنت عايز اخد رايكم هل ابيع ولا استني؟
يعني توقعتكم السعر هينزل ولا يعلي؟
وهل حد عندة معلومة هينزل امتي الشكل الجديد وهيكون انهي موتور 1400 ولا 1600 ؟
انا متهيالي هينلوة في معرض اتومك شهر 9 الجاي
معلش بس اصل انا محتار
وشكرا ليكم جدا

**party_0000** · 22-09-2011 03:47 AM

مع اعتقدش ان سعر القديم هيعلى

**dr_mim81** · 23-09-2011 06:00 AM

المشاركة الأصلية كتبت بواسطة party_0000

مع اعتقدش ان سعر القديم هيعلى

لية؟انا اعتقد ان اي حد عايز جيتا هيخلية في المحرك القديم يعني الموديل القديم ولا اية فدة هيرفع سعر القديم

**party_0000** · 23-09-2011 12:44 PM

عندنا هنا في مصر ثقافه الموديل الجديد نزل يبقى القديم ينزل يقلك مالموديل الجديد نزل وكلام من ده مع اني شايف ان المفروض الموديل المحترم يحافظ على سعره او ينزل حاجه بسيطه لان بيبقا عليه طلب زي ماحضرتك بتقول يعني زي الكورولا كدا واللي حصل فيها

**yehia** · 26-09-2011 08:41 PM

المشاركة الأصلية كتبت بواسطة dr_mim81

سلام عليكم
دلوقتي يا جماعة انا معايا جيتا 2009 الموتور ال 1600 وكنت بفكر ابيعها
وكنت سمعت ان الشكل الجديد خلاص قرب ينزل وانة هينزل الموتور ال 1400 وطبعا الموتور دة سمعتة في مصر مش كويسة
فانا اعتقد ان بالتالي سعر العربية الجيتا اللي هي الشكل اللي هيبقي قديم خيرتفع ولا انت اية رايكم في وجهة النظر دي؟
ولا بالعكس الشكل القديم سعرة هينزل؟هو الطبيعي الشكل الجديد غالبا بينزل سعر الشكل الجديد لكن هنا في مشكلة الموتور دي؟
فكنت عايز اخد رايكم هل ابيع ولا استني؟
يعني توقعتكم السعر هينزل ولا يعلي؟
وهل حد عندة معلومة هينزل امتي الشكل الجديد وهيكون انهي موتور 1400 ولا 1600 ؟
انا متهيالي هينلوة في معرض اتومك شهر 9 الجاي
معلش بس اصل انا محتار
وشكرا ليكم جدا

أعتقد ان المشكلة مش في الموتور التربو الـ 1400 أو الـ 1800 بقدر ما هي في الفتيس الـ DSG ..... يعني مثلا الجيتا 2011 نزلت بموتور 1600 عادي بس بفتيس dsg اللي راكب برده في الباسات وباقي موديلات الفولكس الجديدة والبعض من مالكي السيارة اشتكوا من هذا الفتيس ..... أنا شخصيا كنت معجب قوي بالباسات لوسعها وشكلها الوقور وموتورها - مش فارق قوي معايا حكاية بنزين 95 - وكنت بأفكر أجيب الشكل القديم منها بعد ما عملوا تخفيضات على سعرها بس في النهاية رجعت قلقت وقلت بلاش مشاكل مع الفتيس لأنه حتى لو ما جرالوش حاجة حبقى دايما سايق وأنا قلقان ومتوقع تعطله في أي وقت .....

ملحوظة ... الاوكتافيا اللي بتنزل مصر عن طريق الوكيل كانت لحد 2011 بتنزل فتيس ستبترونيك عادي مش DSG ودي أنا اعتبرها نقطة لصالحها .... بالنسبة لموديل 2012 أعتقد انه لسة منزلش عن طريق الوكيل ومستنيين الأخبار ......

**party_0000** · 26-09-2011 09:11 PM

اوكتافيا نزل منها خليجي بفتيس dsg في زميل لينا في المنتدي شافها في معرض حتى الموضوع كان ان ارتوك اوتو هرب

**yehia** · 27-09-2011 02:41 AM

المشاركة الأصلية كتبت بواسطة party_0000

اوكتافيا نزل منها خليجي بفتيس dsg في زميل لينا في المنتدي شافها في معرض حتى الموضوع كان ان ارتوك اوتو هرب

أنا قصدي أوكتافيا بتاعة الوكيل إنما الخليجي معرفهش بصراحة ...... عامة هي بتنزل من بلدها بالفتيس العادي وكذلك بالفتيس الـ dsg وأعتقد انه ذكاء من الوكيل انه منزلش الـ dsg لحد دلوقتي .......

الموضوع: هو فى جيتا 2011 مش dsg

LinkBack

أدوات الموضوع

عرض

-

-

-

-

-

المواضيع المتشابهه

جيتا 2011

جيتا 2011

أشترى جيتا 2010 ام أنتظر جيتا 2011

جيتا 2011

قبل ما تشتري جيتا 2010 خش وشوف صور جيتا 2011 اللي نازله شهر مايو عشان ما تندمش

الكلمات الدلالية لهذا الموضوع

المفضلات

المفضلات

ضوابط المشاركة