صدر أول أمس قرار من البنك المركزي برفع سعر الفائدة بالنسبة للإيداع 10% و بالنسبة للإقراض 12% .. و القرار دة بالتالي هيؤثر على سعر الفائدة على قسط السيارة في حالة شرائها بالتقسيط و يرفعه .. يعني مثلاَ لو عربية قسط على 7 سنين بفائدة 7% يعني معناه 49& الفائدة بعد القرار دة هتعدي ال 55% يعني قسط العربية هيزيد ..
و القرار دة بالإضافة إلى قرار رفع رسوم الترخيص مع قرار رفع سعر البنزين .. القرارات دي بتقول للناس متشتروش عربيات ..
و القرارات دي لها تأثير سلبي و إيجابي .. السلبي إن أي حد معاه مبلغ صغير عايز يشتري بيه عربية صغيرة على قده علشان بهدلة المواصلات مش هيعرف بالإضافة إلى زيادة التكلفة على أصحاب السيارات الحاليين و أيضاَ أي شخص معاه سيارة كثيرة الأعطال و عايز يشتري جديد مش هيعرف و هيضطر أنه يبقي على السيارة القديمة ..
أما التأثير الإيجابي فهو تقليل عدد السيارات الجديدة لأنها في تزايد مستمر كل سنة عن اللي قبلها .. فبالتالي خفض معدلات التلوث بالإضافة إلى تقليل الزحام و توفير أماكن للركن ..