لو مكانى تشترى ايه؟؟ كارينز از لانسر بومة؟؟؟

**ramykimo** · 29-08-2011 03:09 PM

انا عارف ان الكارينز اوسع و عائلية بس انا مش محتاج الميزة دى اوى يعنى بس فى نفس الوقت شكل الكارينز احدث و اشيك من و جه نظرى و البومه طبعا يابنى و معمرة
انا سؤالى محدد ايه عيوب الكارينز فى مقابل البومه هل فعلا فى عيوب واضحة تخلينى اتنازل عن شكل الكارينز المفضل عندى فى مقابل اعتمادية و كفاءة البومة
انا سواقتى هادية و مش مهم عندى السحب و الثبات بس اهم عندى الاعتمادية و اعادة البيع لان ده شقى عمرى

**gazzar91** · 29-08-2011 03:27 PM

المشاركة الأصلية كتبت بواسطة ramykimo

انا عارف ان الكارينز اوسع و عائلية بس انا مش محتاج الميزة دى اوى يعنى بس فى نفس الوقت شكل الكارينز احدث و اشيك من و جه نظرى و البومه طبعا يابنى و معمرة
انا سؤالى محدد ايه عيوب الكارينز فى مقابل البومه هل فعلا فى عيوب واضحة تخلينى اتنازل عن شكل الكارينز المفضل عندى فى مقابل اعتمادية و كفاءة البومة
انا سواقتى هادية و مش مهم عندى السحب و الثبات بس اهم عندى الاعتمادية و اعادة البيع لان ده شقى عمرى

استخير و توكل على الله في اللي هترتاح ليها علشان كلام حضرتك يخليني مأقدرش أفاضل في حاجة

في رعاية الله

**ahmedaglan** · 29-08-2011 03:37 PM

طبعا الاتنين في اعادة البيع مبيخسروش اوى لكن الانسر طبعا اقوي في اعادة البيع
واذا كان حضرتك بتقول شقي عمرك يبقي خليك ف الانسر
لانها عربية اعتمادية واي حد يعرف يشتغل فيها وقطع غيارها عند البقال يعنى مش هتتعب معاها والاهم من كل دة انها يابانى
وطبعا انا مش بكرة الكارينز وهى عربية محترمة جدا وشكلها شيك ومنتشرة بس الاعتمادية الاكتر للانسر
وبالتوفيق ف القرار السليم
ومتنساش صلاة الاستخارة

**M.Alaa92** · 29-08-2011 05:14 PM

بص اهم حاجة الاستخارة
و مدام شكل الكارينز عاجبك يبقى توكل ع الله
بس فى عيب خطير للكارينز
انها عريضة بزيادة شوية ف الحك حيبقى فيها كتير لكن لو بتعرف تتعامل مع العرض بتاع الكارينز يبقى تمام

**Abo-Islam** · 29-08-2011 05:37 PM

الكارينز فيها عيب خطير جدا مؤكد من كل من عنده العربيه دي و هو إنها كبيره جدا على الموتور 1600 سي سي و علشان كده سحبها ضعيف و ده هيظهر معاك لو مثلا مسافر و معاك أربعة غيرك في العربية و شنطة كبيرة أو شنطتين سفر كبار و يا سلام بأه لو شغلت التكييف يبقى مش هتمشي خالص. و دور على النت و شوف كام عربيه منها معروضة للبيع كسر زيرو و بكام.

لو عاجبك الشكل دة فأنا من وجهة نظري أرشحلك النيسان الليفينا أو التيدا الهاتشباك، شكل - قوة - إعتمادية - توكيل محترم - قطع غيار أسعارها معقوله جدا مقارنةً بغيرها - سعر إعادة بيع محترم........ و خصوصا إنك بتقول دي تحويشة العمر يعني خليك في حاجه مضمونه.

**romioramy** · 01-09-2011 03:31 AM

المشاركة الأصلية كتبت بواسطة lonely_2409

الكارينز فيها عيب خطير جدا مؤكد من كل من عنده العربيه دي و هو إنها كبيره جدا على الموتور 1600 سي سي و علشان كده سحبها ضعيف و ده هيظهر معاك لو مثلا مسافر و معاك أربعة غيرك في العربية و شنطة كبيرة أو شنطتين سفر كبار و يا سلام بأه لو شغلت التكييف يبقى مش هتمشي خالص. و دور على النت و شوف كام عربيه منها معروضة للبيع كسر زيرو و بكام.

لو عاجبك الشكل دة فأنا من وجهة نظري أرشحلك النيسان الليفينا أو التيدا الهاتشباك، شكل - قوة - إعتمادية - توكيل محترم - قطع غيار أسعارها معقوله جدا مقارنةً بغيرها - سعر إعادة بيع محترم........ و خصوصا إنك بتقول دي تحويشة العمر يعني خليك في حاجه مضمونه.

باشا الاول كل عام و حضرتك بخير

أحب أوضح لمعاليك معلومة مهمة عن الكارنز

شوف لا أنكر ان الحجم و البودي كبير علي الموتور و لكن لا تنسي السيارة مزودة بنظام الستب ترونيك - الماتنيوال اصدي - تقلب العربية مانيوال و هتلاقي رد فعل غير مسبوق حتي لو مركب 4 و تكييف شغال و كل ما لقي العربية تقيلة يبقي مش عارف يروضها و يتعامل معاها و لازم يفتحها الاول -
لكن العربية ليها حلول و معادتش بتتقل و لله الحمد

اما عن الحجم في الراكنة هيا فعلا مشكلة و لازم تركب كاميرا لإن بتفضل ترجع بعشم زايد و تخيش يا معلم علي طول علشان الزجاج و الملرايا الخلفية لا يوضحوا اي شئ

و كل سنة و المنتدي كله و مصر بخير و سلام

**sherifseif** · 07-09-2011 05:33 PM

في شوراع مصر المزدحمة و الضيقه كارنز غير عمليه في هذه الحاله ..... و أنا موافق على نيسان تيداهاتشباك أو ليفينا

**eng/ahmed_go** · 12-09-2011 06:21 AM

خليك في البومة =>
1-اعتمادية اعلى
2-اسهل من حيث الصيانة وقطع الغيار
3-عمر افتراضي اطول (عشان قوة الماتور متناسبة مع ثقل العربية)

**tutankhamoun** · 12-09-2011 09:02 AM

زملائي و أخواني الأعزاء
أنتوا عارفين معنى أعتمادية الأول علشان كل الناس داخلة تقول اللانسر اعتماديتها أعلى من الكارينز !!!!
الأصح
أعتمادية اللانسر تم أثباتها و سيارة يُعتمد عليها و قطع غيارها متوفر منها الأصلي الغالي و التقليد أو الُمصنع لها خصيصا عند تجار قطع الغيار و بيكون أرخص من الأصلي و سعر اعادة بيعها ممتاز نظرا لمرض الناس العقلي بكلمة ياباني بالاضافة طبعا لجودة السيارة العالية و انتشارها الرهيب .

الكارنز فئة مختلفة تماما و مش عارف حضرتك بتقارن أيه بأيه ؟

العربية عائلية بحتة
أنا ركبتها كتير و مش تقيلة قوي زي ما الناس بتوصفها بالعكس السحب حلو قوي للحجم ده و ما تحش أصلا بأي قصور في السحب
العربية حتى الآن أعتمادية ممتازة لأن محدش أشتكى منها .
معرفش حاجة عن سعر اعادة البيع و لا أسعار قطع الغيار .

هي بس فئة عائلية بحتة و مش عربية روشة خالص و لكن مريحة وواسعة من الداخل و عالية عن الأرض .

**ramykimo** · 12-09-2011 09:07 AM

المشكلة انى مستنى موديلات 2012 ليهم الاتنين مش عارف الاسعار هتكون ازاى؟؟؟؟

الموضوع: لو مكانى تشترى ايه؟؟ كارينز از لانسر بومة؟؟؟

LinkBack

أدوات الموضوع

عرض

-

-

-

-

المواضيع المتشابهه

لانسر بومة * نيسان تيدا* كيا كارينز

تشترى ايه لو انت مكانى ( كيا كارينز او لانسر بومة)

أحسن معرض تشترى منه كيا كارينز !

تشترى نيو سيراتو زيرو ولا تحتفظ بلانسر بومة

لانسر بومة

الكلمات الدلالية لهذا الموضوع

المفضلات

المفضلات

ضوابط المشاركة